اسلوب زوجتي مره سيء واتوقع انه من البيئه اللي تربت عليها

اسلوبها مافيه استشاره او اخذ رأي بل باسلوب الامر هذا من ناحية
عندما تخطئ لا تعتذر وتشوف انها الصح وانا الغلط

انا كنت متوقع ان هذا كله بسبب الحمل طلع الامر مختلف والحمل ليس له علاقه

ماهي افضل طريقة للتعامل مع هذا النوع حيث اني لا اريد ظلمها؟


تم تعديل العنوان يتناسب مع المضمون

اذكر لما أمثلة اخي الكريم.
لأمور هي تطلبها و انت ترى أنه لابد ان تستشير
ربما تكون أمور من حقها او ترى انه من البديهي ان تفعلها او تحضرها. فتطلبها

__________________

امور كثيره اسلوبها فيه نوع من اعطاء الاوامر ومنها تسميه المولود اختيار مستوصف الختان وهي تصر على مثل هذي الامور وغيرها الكثير.

مثلا تقول سو موعد في مستوصف .... عشان نسوي ختان ؟؟!! بدل ماتاخذ رأيي وتقول وش رايك نسوي في المستوصف الفلاني لانه ممتاز وانا رفضت وسويته في مستوصف اخر بسبب اسلوبها !! والمشكلة تعيد نفس الكلام بنفس الاسلوب. ماعندها لطف واستلطاف في الاسلوب.

غير كذا الختان نفسه تبي تسويه هي وماتبي تنتظرني واوقع بسبب ضغط امها..

واشياء كثيره .................

فمادري كيف اتعامل معها؟

موانت صاحب البيت والمسؤل الاول وتهمك مصلحتها ومصلحة الولد
خلاص الي انت تشوفة مناسب وصح سوه بغض النظر عن اومرها
وبنسبة انها تشوفك غلطان وهي صح هذا طبع اغالب النساء
يعيشون دور الضحية دائما انت لاتلتفت لهذي الامور ابدا
والتجاهل يعلمها الصح من الخطى بسلوب هادي

__________________
سبحان الله وبحمده سبحان الله العظيم

طيب أمور عادية و مافي شيء بيضرك لو ذهبت لنفس المستوصف. انت ذهبت للأخر للعناد و ليس اقتناع.
نعم اذا كان امر جوهري و فعلا لك نظرتك او رأيك في المستوصف. او في اي امر آخر. قل لا لها لان الامر كيت و كيت. في النهاية هي بتقول كلام و انت حر بالتنفيذ من عدمه. و مع كثرة توضيحك في الأمور المنطقية. سترى ان استشارتك لابد منها
انت كيف وضحت لها انك متضايق من هالموقف مثلا؟ و هل هي تفهم وجهة نظرك و ما حجتها

__________________

إذا كلامها مافيه سب أو إهانه فممكن تكون شخصيتها عمليه وقياديه
الحل تعلمها وتدربها
وتلزمها تقول (وش رايك نسوي كذا) ولا مانت مسويه جزاءًا لها وردعا لأمثالها


وانت كذلك لا تصير حساس
خذ الموضوع على انه طلب وليس أمر
والصلاحيه في النهاية عندك بالقبول والرفض

بعطيك تجربتي ممكن تفيدك
انا شخصيتي قياديه وعمليه
عند اهلي اخذه الامور على راحتي
والبيت انا ممشيته
والكل يثني علي والوالد يشجعني
بعد الزواج صراحه انصدمة مره
واتفاجاء ان زوجي يزعل مني
وانا مدري ايش السبب
واذا سالته عن السبب يقول راجعي كلامك
اسلوبك ينفع عند اهلك مووعندي
وانا اشوف اني ماقلت له شيء يزعل
مره كنا عند اهلي وهو بيخرج مع اخواني وقلتله يجيب لي شغله معاه
لما مشي قالتلي جدتي وش هالكلام مع زوجك زوجك مخير ماهو مسير
قلت جده كيف مافهمت
وشرحتها لي ان حياتك مع زوجك وطريقة طلباتك ماهي بالاوامر
تاخذين رايه مو تامرينه
وحياتك ببيت اهلك مو نفسها مع زوجك
صيري تحت جناحه
وولد الناس مااخذك عشان تامرين عليه
اخذك عشان تشاركينه
والله كلامها اثر فيني كثير
مع ان ماكنت اقصد ان اتامر عليه
بس كذا شخصيتي


زوجتك صدقني ماتبغا تتامر
ولاتمشيك على كيفها اووتعطيك اوامر
هي كذا شخصيتها
وانت تنضر لها بنضرة الاوامر
الشخصيه هذي تحب انك تكون واضح معها وتناقشها

وزوجتك تحتاج ان احد ينبها
على طريقة كلامها مع زوجها

اتفق معك في الحل👍..باستثناء دور الضحية

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

نصيحة جدتك ذهبية وحكيمة

ايش هالتعقيد ؟!! والعناد
فعلا فيه ناس تدور النكد !!

هى امه و يهمها ابنها لان هى اللى بتتعب معه مو انت
ايش فيها انها تختار المستوصف ؟!! مو قضية انت او هى بس اكيد انها هى سامعه
انه ممتاز من تجارب الامهات حولها ..

ياخى حتى انت اكيد تتامر عليها
ولو كل واحد دقق بكلام الثانى و انه امر وانه عناد وانه وانه بتصير الحياه فعلا نكد
هى زوجتك مو عدوتك الله يعنكم ..

هى كمان ممكن تقول انا مو خدامه عنده يامرنى و اخدمه واضحى براحتى
اشتغل متى ماجاء ببالي ...
اعرف وحده بسبب مماطله زوجها ابنها بالروضه و ما اختتن للان ..!!
لان الام ورى شوره ...
هذى امور تهم الامهات فاحسن الظن

لو مكانها تركته لم وقلت روح اخته بالمكان اللى يعجبك انت الاب والمسول
والكلمه لك .. ونشوف وقتها كيف