متزوجه من سنه
زوجي انسان مشكلجي درجه اولى
لم اذق طعم الراحه والهدوء
كل يوم مشاكل معاه
مع اني مدللته اخر دلال ولم اقصر بشيء على العكس تماماً كنت اقوم باكثر من واجبي
مشكلتي الاساسيه هي:
على اي مشكله يفتعلها يطردني من البيت يقول : اطلعي من بيتي !
كأنه يمن علي بهذا المسكن
لم احس بطعم الاستقرار والهدوء والطمأنينه ابداً
وكان هذا هدفي من الزواج اريد الهدوء والإستقرار
مع كل مشكله و( طرده من البيت) ابكي امامه وانهار ولا اخرج من البيت
ورده هو الضحك علي وتقليد طريقة بكائي باسلوب ساخر
اخر مره طردني امس جرجرني بالاسياب مع اهانات لفظيه وضرب الى ان وصلت الى الغرفه لاجمع اغراضي
هذه المره لم ابكي ابتسمت اخذت بعض الاغراض ولبست عبايتي وطلعت اول مره
وصلني بيت اهلي مثل المجنون يسوق السياره بسرعه وده يسوي فيني حادث عشان ( اسقط)
وصلت بيت اهلي الى الان ماقويت اقولهم على اللي صار قلتلهم مسافر الديره ابوه تعبان

احس زوجي يكرهني ما ادري ايش السبب
هو كان يعشق وحده قبلي ويكلمها لكن تقدم لها ورفضته وتزوجت غيره اغنى وارقى ومتعلم والحين عندها اطفال
طبعا انا دريت عن هالكلام من اخته
احس مانساها
يتسمع اغاني خالد عبدالرحمن" تقوى الهجر" ويدمع
هل هذا السبب ولا انا بس موسوسه
ليه يكرهني ليه يعاملني كذا
ايش اسوي معاه افكر بالطلاق والخلاص خصوصا بعد سالفة هالعشيقه اللي موراضي ينساها
رايكم اقول لاهلي ولا اسكت اشوف هو ايش راح يعمل ؟
انا بحيره واحس اني وحيده ومادري ايش اسوي

يعني واحد يقولك أطلعي من بيتي وتجلسين تبكين وتضعفين قدامه
كيف تبغينه يقيم لك وزن أو يحترمك....؟!!

المفترض من أول مرة قالها ماسكتي له وأتخذتي موقف قوي
وطلعتِ وطلبتِ من أهلك يتفاهمون معه إذا أنتِ واثقة من نفسك
ومن قيامك بجميع حقوقه ومحترمته ليش ترضين الإذلال...؟!!
مفكرة أن الوحدة إذا زوجها قلل من أحترامها وطردها وذلها وسكتت له
وجلست تبكي وتستضعف قدامه وترجوه يحسن معاملتها بيقدرها..؟


هو شايفك ضعيفة عشان كذا يستقوي عليكِ

ياعمري الحياة الزوجية إلي مافيها أحترام حياة فاشلة
وإلي ترضى بالهوان تعيش فيه طول عمرها


أطلبي من هذا الرجل بكل وضوح أن يحترمك كما تحترميه

أكيد ياعزيزتي لابد من دخول أهلك في الموضوع يعني صعبة راح تعيشي طول عمرك في المذلة مع واحد مايقدرك ويهينك ويطردك عند كل مشكلة ابلغي أهلك بكل التفاصيل لابد أن يجد من يردعه عن جنونه وتصرفاته الهوجاء .أسأل الله أن يفرج همك ويكشف كربك .

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

ترددت اقول لاهلي لاني الى الان متردده من الطلاق وانا حامل
لان هو سبق وقالي لو قلتي لاهلك عن مشاكلنا
خلاص game over برسلك ورقه طلاقك
بالحرف الواحد !!
بالله عليكم ايش الحل

حسبنا الله ونعم الوكيل
انت زوجه واكرمك الله
اوقفي وقفه حااااااازمه
هذه اول سنه عاد كيف السنوات الجايه
وقفيه عند حده

__________________
صــــــــــــــــلــوا علـــــــــــــــى من بكــى شــــــــــوقـــــــا لرؤيـــــــتــــــــــــــــنـــا

لاحول ولاقوة الا بالله
كمان يهدد
ياختي طفل واحد ولا اثنين او 3
عالاقل يولد الولد بدون مشاكل
صعبه يجونك عيال ويطردك قدامهم
من وجهة نظري لو انا مكانك على طول اخبر اهلي بالسالفه
هذولا عزوتك وسندك بالحياه
اما انه يهددني ويقول قيم اوفر ........لاتعليق صراحه
الظاهر لم يأخذ الزواج بجديه مادري كيف يكون اب

الله يفرج همك ويتمم حملك

__________________
صــــــــــــــــلــوا علـــــــــــــــى من بكــى شــــــــــوقـــــــا لرؤيـــــــتــــــــــــــــنـــا

الله يفرج همك
لا تبكين عنده وخلك قوية لما توصل المسالة للكرامة ماعاد فيها تنازل لمي اغراضك وروحي بيت اهلك حتى لو مارتحتي عندهم ..اذا كانت الي خطبها باعته عشان واحد اغنى منه فانتي مو محطة انتقام وللاسف هناك بعض الرجال ماينسى من تبيعهم لانها بالنسبة له صعبة المنال لكن هذا طبع بني ادم الاناني يترك الشى الي بيده ويدور ع شى باعه ونفر منه
يسوق بسرعة ويبي يسوي فيك حادث عشان تسقطين هذه يبغالها وقفة !
استقري في بيت الاهل فترة حملك ووكلي الله في امرك لعل اذا جاك مولود يتبدل حاله
مايكرم المراة الا كريم ومايهنيها الا لئيم..الله ييسر امرك ويسخره لك ويصلح حاله

اكيد تعلمين اهلك عشان مايتمادي

واسمح لي انتى شلون تاخذين واحد يعشق م قبل مراح يشوفك شي نهائي لانه عاشق

ثاني شي ان افضل تتطلقين منه تدرين ليش لان لى يحبها في باله وش تبين فييييييييييه دام شايفه الاهانات وساكته خله يولي عساه مايجي ياماما عززززززززي نفسك ولا ذلين لنفسك لرجل نصيحه دام مابينكم اطفال اتركيه وبيجيك احسن منه

بالله عليكي اتركيييييييييييييييه وطلبي طلاق منه ولامثله يهددك
المشكله برجال يعرفون نقطه ضعف المراه وين انتى عرف نقطه ضعفك وعشان كذا يهددك انت تعلي ليه بالعكس قليلو سوى الى براسك واعلى مافي خليك اركبه بيعيه خليه دايج مايعرف ارضه من سماه

استغل نقطه لان عرف شخصيتك ضعيفه

game over!!!!!!
والله من قلة الحياء والمرؤة
صار الزواج عنده لعبه وانتهت أجل...؟!
وش تبغين في إلي مايبغاك ..؟

أتركيه وعوضك على الله
ترى مافي عيشة بالغصب دامه مستبيع بيعيه أنتِ بعد