والله انا برايي اشوف ما فيها شي اذا الحرمه تبيع ذهبها علشان زوجها ,لان راح يحس الريال انه ما في شي اغلئ من عنده عند زوجته ,وراح يعوضها زوجها لما الله يرزقه بذهب احسن من الي عندها ,انا هذا رايي ,مجرد راي

حبيبتي المفرووض ماتحسسي زوجك بهذا الشئ ....يعني عيب تقولي مو رجال ... لأنها راح تأثر عليه ....

أنا برأي .. مافي فرق أبدا بين الرجل وزوجته ... عشان يعيشوا مرتاحيين ومبسووطين المفروض يكونوا كتاب مفتووح

بس بحدود عشان لا أحد يجرح الثاني ...

خليكي طبيعية معاه وصريحة ... واذا طلب شئ لاتقصري معاه عشان يحبك أكثر وتكبري في عينه ...

مبرووووك .. والله يسعدكم .. :14:

إذا احتاج زوجي أكيد راح أبيع ذهبي وأعطيه الفلوس..
ماراح أرضى إنه يتدين من ناس غرب وانا موجودة..
وبعدين الزوج راح يقدر هذه الفعلة لزوجته..
وتكبر في عينه.. وأكيد بعد مايفتحها الله عليه بيعوضها باللي احسن منه..
أنا عملتها كذا مرة بعت من ذهبي لما كان مستضيق..
والحمد لله ماقصر لما اقتدر خذ لي طقم أفضل من الذهب اللي بعته..

وبعد اقول لك أبوك مش غلطان..
هو يحس إنه انتقاص من رجولته لما ياخذ من أمك..
في النهاية كل واحد و مبادئه..

بس إنتي لازم تبينين لزوجك إنك ماراح تستخسرين فيه ذهبك وفلوسك..
وإنتي بنفسك قلتي إن أمك عرضت على أبوك إنه يبيع ذهبها..
لكن بينتي لزوجك إنك ماترضين ياخذ ذهبك.. والا أنا غلطانة؟؟

أنا مع بحرينيه ولكن

عجيب والله أمرك تساوين زوجك بذهب , يدفع الرجل حرة قلبه وماله وجهده ليتزوجك ويكرمك ويعزك وأنت

تفكرين من أهم الذهب أم الزوج , عجبا لهذا الكساد النسائي , أي قلب معك وأي حب تحملينه لزوجك

هل لديك القوة لتجعلين لتزنين زوجك بميزان المال والذهب , والله أحسست بكسرة قلبي حينما تخيلت أنني مكان زوجك

والله لو فعلا فيه ثقه حقيقيه بيت الزوجين ومحبه وود لتبادر هيا بتقديمه ولا تنتظر سؤاله لها فلابد التضحيه بين الزوجين

أنا ما قلت ماراح أساعده

أنا رصيدي صفرررررر ، لإني ما أترك زوجي مديون و أتفرج عليه و دايم أساعده

بس الرجال لازم يحس بالمسؤولية ، الرجال بنظري لا يتعود يتدين من الناس و أقاربه يتعودوا إنهم يطلبوا منه

لإن زوجته عندها راتب كبير ، مو كذة و لا غلط ؟؟؟؟؟




هو ما كانت الفكرة براسه أبداااااااا ، أنا قلت له بأبيع الذهبات اللي عندي

( و مع العلم إن الذهبات اللي عندي كلها هدايا من صحباتي ، يعني مو إنها جاتني هدية منه أو من أهله )

و لو الذهب يهمني ما كنت قلت له بأبيعها ، مو صح و لا غلط ؟؟؟؟؟


و أنا سؤالي كان ، يصير الرجال يقول لزوجته هاتي ذهباتك نبيعها ؟؟؟؟؟

ما تحسوا إنها انتقاص من رجولته ؟

هل يرضى الرجل يقول لزوجته كذة ؟

هل الزوجة نظرتها لزوجها ما تتغير لو قال لها كذة ؟

هذا هو السؤال و آسفة إذا ما قدرت أعرض سؤالي بشكل صحيح



عموماً أنا أصلاً ذهباتي بأبيعها و كلها كم قطعة و بسسسس

بس ما حبيت أسمع من زوجي و لا توقعت إنه يقول لي هاتي ذهباتك أبيعها ؟

اهاا ألحين فهمت..
يعني إنتي قصدك إن الزوج لما يحتاج يقول لزوجته بيعي ذهبكوعطيني فلوسها..
قبل ماتبتدين بالمبادرة..

أنا معك أعتقد هذا خطأ.. إن الزوج يحط عينه على فلوس زوجته..
مع إنه المفروض يعطيها ما ياخذ منها..
حتى لو كان فعلا محتاج مايقول لها عطيني..
والمفروض هي من نفسها لما تشوفه محتاج تعطيه..
وإذا ماعرضت عليه تبيع ذهبها عشانه..
خلاص يسكت ولا يطلبها منها..

إلا في حالة وحدة..
إذا الزوجة عندها مبلغ من المال.. ممكن إنه يطلب منها تسلفه وبعد ما الله يوسعها عليه يردها لها..