السلام عليكم

وكل عام وانتوا بخير وعساكم من عواده

بادخل بالموضوع على طول

الحمدلله ان علاقتي بزوجي تطورت كثيرا من بعد ان استقليت بشقة منفصلة

ومشاعره تغيرت بشكل ملحوظ

قام يهتم اكثر

بدا يشوفني بنظرة عادلة مثل ما انا بالحقيقة

والحمدلله بدا يعبر عن مشاعره بصورة واضحة وصريحة

بس اللي انصدمت فيه مرة سالني قالي قط مرة ندمتي انج تزوجتيني؟؟؟؟

الصراحة ما قلت له الحقيقة قلت له انا وايد فخورة انك ابو عيالي

بعد كذا اسبوع سألني قالي موهبة تحبيني؟؟؟

قلتله لا قالي لا تچذبين انتي صايمة

انا ضيعت السالفة



رد امس سألني مرة ثانية



ودي ارد عليه برد بس ماني عارفة شلون

يعني ما ودي ابين له اني احبه مع ان افعالي من غير لا يسأل تبين اني ميتة فيه

جان زين تعطوني اجابة فيها مكر انثوي شوي

واذا قالي انا احبج شنو ارد عليه


والله ما تعودت معاه عالكلام الحلو

ما ودي اكون ناشفة ولا ودي اطيح نفسي عليه


شاكرة لكم مقدما

__________________
لا اله الا انت سبحانك اني كنت من الظالمين

والله مرررره صعبه انك تقولي لزوجك ما احبك ..
وخاصةً انه كان يسأل ومتلهف عالإجابه ..
وحلو انه تكون مشاعرك فيها شفافيه ووضوح ومعبره عما بداخلك ..

فيه بعض الاشخاص يحبو ن يكونون مثلك يخفون ما يبطنون !
فيقول لشريكه احبك مادام انك ما تغيرت علي او غيرتك الظروف ..

__________________

قولي له احبك بس مو على طول

اكيد حيسالك ليش

قولي له كل اللي في قلبك

حتلاقيه يستمع لك بتركيز وخاصة الاشياء اللي تضايقك

وانتي كمان لا تتركي الفرصه دي حاولي تقولي له و تتطلبي منه اللي تبيه

وليه ما تقولين له أحبك وأموت فيك بعد ؟؟

__________________

موهبه إذا لاحظتي إنه متغير للأفضل فقولي له الصج
يمكن المشاعر إذا ترجمتيها إلى كلمات مسموعه بتعطيه دافع إنه يتمسك فيج أكثر وأكثر

مشكورين

حبيبتي شقردية

الصراحة انصدمت من سؤاله لان قبل انا اللي دايما اسال مع اني كنت عارفة الاجابة



خالتي العزيزة بيتا نور موضوعي بوجودج
الصراحة ما ابيه يغتر مع اني ما اقصر من (( فديتك - حبيبي - يا قلبي- الخ)
بس احس راح يغتر علي


حبيبتي امل

اي نعم هو متغير للافضل بشكل كبير وواضح





اخوي فيصل هو عارف شنو اللي ابيه بس ما باليد حيلة
وعارف شنو الاشياء اللي مو عاجبتني فيه

زوجي لماح وفطين
وانا بعد اي شي يضايقني لازم اوصله له




انا ما ودي يغتر علي

__________________
لا اله الا انت سبحانك اني كنت من الظالمين

مو هنا مكان الثقل يا موهبه ... لما يسألك اذا تحبيه أو تحسي أنه نفسه باعتراف موقع ومصدق منك بحبك له فأعطيه اياه لأنه يكون بحاجة يسمعها ومن واجب الزوجة تملي هذا الفراغ العاطفي عند زوجها .
تثقلين لو شفتي منه صدود أو عندك وجهة نظر بدك تثبتيها ... وقتها يكون الثقل له معنى ووزن لأنه ساعتها راح يفتقد كلمة أحبك لكن لو هو ما يسمعها أصلا فكيف راح يفتقدها ؟؟

وكلمة أحبك بوقتها تختلف عن حبيبي ونور عيني ويا بعد جبدي ويا طوايف هلي ويا حشاشة يوفي << معلش أخر اللليل والفيوزات ضاربه تحملي سماجة مزحي

__________________

اذا صد او لهى عني اصلا ما اعتبره داخل نفسي ان موجود الا لما هو اللي يبدا سؤال باتصال او اي شي

يعني من رايج اذا سالني اقوله اي احبك

وشلون اقولها

والله محتارة ما ودي يغتر ويصدق عمره

__________________
لا اله الا انت سبحانك اني كنت من الظالمين

بجد متفاجأة فيكِ ... كم سنة صارلكم متزوجين ؟؟؟ معقول للان ما قلتيها له ولا مره ؟؟؟

موهبة حبيبتي ما بدها حيرة ولا بدها سؤال .. أكيد الصح انك تجاوبيه باللي يسر خاطره ... مو لازم كل مرة ..لكن لازم بين فترة وفترة ...وبالنهاية انتي مو خسرانه شي لو جربتي ...

ولو اني متأكدة مليون بالميه ما راح يغتر لكن لو شفتي أنه اغتر خلاص لا تعيديها واسحبيها وقوليله ندمت اني بيوم ظنيت اني أحبك

عادي قوليها بكل مشاعرك وبعفوية . اللي بداخلك خليه يطلع براحته بدون تكلف

سالك تحبيني .. تتطلعي بعيونه وتفكري بهالطفل الكبير اللي قدامك اللي يطلب حب حبيبته ومحتاج يسمعها وتتذكري مواقفه الحلوة معاك وتتذكري أنه أبو بنتك وتخلي لسانك براحته يقول اللي بدو اياه ..

__________________

مشكورة يالغالية

لا انا اقولها وايد بس هالكلام قبل لما كنت في بيت ابوه

اما لما انتقلت الى شقتي اليديدة ما اذكر اني قلتها له




وراح اخذ بشورج انشالله اذا سالني مرة ثانية راح اطلع مافي جعبتي<<<<<<< سماجة تالي الليل

__________________
لا اله الا انت سبحانك اني كنت من الظالمين