السلام عليكم ورحمه الله وبركاته،
أخواني أخواتي أعضاء المنتدى المبارك أريد رأيكم ومشورتكم في أمر يضايقني جدا وهو تعلق زوجي بصديقه وبأهل صديقه ،
صديقه عايش حياته ومبدي أهله على الكل ودوبه دوب بيته وأهله ومتحمل مسؤوليه عايله كبيره ، مثلا يتصل عليه زوجي عشان يطلعون او يزوره بس اذا كان فيه مشوار مع أهله يبدي أهله ويتعذر فيهم ماعنده مشكله ، مستفيدين من زوجي هو وعمانه وعمان أبوه بشكل مو طبيعي ومستنزف وقت زوجي ، يعني يتصل على زوجي عشان يروح معه لمنطقه بعيده 1 و2 الظهر في عز الحر والقايله ومايرفض زوجي افرح ماجاه اذا رجع زوجي استحي اقوله لأنه هلكان من المشوار ، بنفس الوقت أكون طالبه مشوار صغير ماله خلق بس يتصل عليه صديقه يبيه بمشوار طويل ماعنده مانع ، طايحين في زوجي يبونه يتوسط لهم عند الرياجيل وزوجي يركض ويطيح عشانهم ويكلم الرياجيل لهم وصل فيهم انهم يطلبونه يتوسط حتى لحريمهم وهذا يضايقني، زوجي واصل فيهم دايما عندهم في مجلس رفيقه ونادر مايجي رفيقه لبيتنا ولو جا العصر عادي بعد المغرب زوجي يروح لهم ، مره صارت جاه بعد العصر ولمن جا بعد المغرب قال بروح له عمانه جايين من السفر بروح أسلم عليهم ، قلت لك أهل جايين من الحج ماجيتهم ، وعماني ما عايدتهم ، لو أعلق على صديقه وعايلته عصب وتضايق مره علقت على رساله عم صديقه وأنا ما أدري انه هو اللي دازها قلب الدنيا وعصب ، وهو يتسهزء بأهلي ويتطنز أتضايق بس ما أقلبها زعله لأني تعودت ، تناقشت معه قلت لك حق تزعل اذا تكلمت في امك وابوك غيرهم بكيفي لي حريه التعبير قال لا أمي وابوي عادي تكلمي فيهم لأنك عايشه معهم وتشوفين بس رفيقي واهله انت مو عايشه معهم ، دايما يرحم خويه ويكسر خاطره ويكبر أي شي يسويه لو انه شي عادي وكلن يسويه واسوي له اكبر من اللي يسويه رفيقه بس علي بنظاره سوده وعلى رفيقه الكمال ، زوجي يعزمه على مطعم شبه اسبوعي غير الاتصالات اليوميه من يقومون الى أن يتلاقون ، يوميا يجلس عنده الا ماندر وإذا جاني بس يسولف عنه ويمدحه ، مره امدح في زوجي بكرمه قال لا فلان (يقصد رفيقه) كريم طيب شكو فيه وش جاب طاريه ،
صار 24 ساعه على باله وينظر له نظره الكمال
بالله ي أخوان لي حق أزهق وأتضايق من تعلقه فيهم ؟
وهل تشوفون ان هالوضع طبيعي ؟ صار مستغني عني بخويه واهله ويفضله بالخروج والجلسه علي ،
اعتذر ع الإطاله
تم تعديل العنوان ليتناسب مع المضمون
22-09-2017, 01:09 AM
ضوابط المشاركة
العرض العادي
