السلام عليكم

انا شاب عمري عمري 29 عندي ولدين ومتزوج لي 5 سنوات
طاحت فوق راسي مصيبة ويجب على ان ارضى احد الطرفين من طرف ابي وعمي واخواني والطرف الثاني زوجتي وقد تصل للطلاق المشكله هي ان بنت عمي تطلقت من زوجها قبل عده اشهر بسبب ان ولد عمي طلقت زوجته اللي هي اخت زوج بنت عمي المهم الشغله كلها عناد في عناد والحين ولد عمي خاطب وبيتزوج في الصيفية وابوي وعماني يبغوني اتزوج بنت عمي معه وانا بكل صراحة يادوب اتحمل مصاريفي ومصاريف بيتي وغير كذا من الناحية النفسية انا اقدر الهدوء والسكينة ومااقوى على مشاكل الحريم والقيل والقال لانه كيد راح تصير مشاكل بين الزوجتين
من جهة ثانية زوجتي سامعة كلام بس ماهي متأكدة وخلال هاليومين تلمح بالكلام انها راح تترك البيت
وابوي واخواني يضغطون على وهم متكفلين بالعرس من اوله لاخره المهر والشبكة والقصر والشقة حتى عمي يقول بأشتري لك سيارة
علشان تكونو معي بالصورة انا الحمد لله مرتاح مع زوجتي واولادي ومتفاهمين وبيننا حب من ايام الثانوية حيث انها من قريباتي
ارجو من الاخصائيين بالمنتدى وكبار السن يعطوني الحلول كيف ارضى جميع الطرفين ولااخسر احد ؟

ايش معنى أنت اللي تتزوجها ليش مايتزوجها أحد من أخوانك ماسبق له الزواج ؟؟

__________________
أشتقت لكم جداً 💔

قول لاهلك بكل بساطة .. لا أستطيع التعدد ..
و تكلف نفسك مالا تطيق .. الزواج حيــــــــــــــاة .. لا تخضع للظروف الوقتية ؛

كلهم متزوجين وانا اصغرهم

ارضاء جميع الاطراف من سابع المستحيلات

فكر في رضى ربك

اذا بدك تعدد هذا حقك الشرعي ان وجدت في نفسك قدرة على العدل

__________________
ما تخطه هنا ستجده هناك "فاحذر ان تكون هناك من النادمين

الزواج رضى وقناعة..مو بالغصب.. عمره ماكانت المسألة بالقوة..

وبعدين شسالفة..وإذا كانت بنت عمك..لايكون كل ما تتطلق وحدة من العيلة يجبرونك تتزوجها عشان يكملون لك النصاب..

وبعد ما يخلص نصابك وتطلقت وحدة من عيلتكم يشوفون واحد ثاني يتزوج..

أو يمكن تكون وحدة من اللي عندك ماتت فيصير يجوز لك تتزوجها بعد .


يا أخي هذي حياتك انت مو حياة عمك واخوانك!!!!
انت الرجال وانت اللي تقرر كانك تبيها أو لأ ..
مو يجونك فرض غصباً عليك!!!!وانت مالك أي راي

__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))

ياسلام عشان عيال عمانك انخربت حياتهم بيخربون حياتك انت يعني اذا اخذت بنت عمك راح تنحل المشكلة وتنتهي ألابتكبر وبتكبر بعد بصرااحه مررره تنرفزت ماعليك منهم مادامك مرتاح مع زوجتك وعيالك ومبسوط اضرب كلامهم بالحيط ألا اذا انت تبي هذا شي ثاني ولاتنسى الشغلة كلها عناد ومكايد وش خرب البيوت غير العناد والكياد

اخي

انت قلت بلسانك وكتبت بيدك

انك تحب زوجتك من ايام الثانوي
ومرتاح بحياتك
وماتقدر ع زوجتين!!!

يعني تطلقت يحكمون عليك تتزوجها !!!لاجل تنقذها من كلالالالام الناس

حرام عليهم
هذولا بيهدمون بيتك بيدهم
ماهمهم لاانت ولا زوجتك ومشاعرها
همهم
بنت عمك وكلمة مطلقه !!!
ولا همهم زوجتك وردة فعلها وهم عارفين ردة فعلها عدم الرضا

هذا الناس الاقرب هو الاولى !!!
للاسف !


اخي

لا والف لا
انت لاتجبر نفسك وتهدم بيتك وانت مرتاح فيه وزوجتك مو مقصره

وخل ابوك وعمك اللي هو ابوها واخواااااانك
يزعلون
هذه حياتك انت وانت قلتها لن تستطيع تجمع بين بيتين
وزوجتك الله يطمن قلبها لو انا لكنت ليل نهار ابكي من القهر والخوف من تحططيم او صدمه بزواج زوجي !!من كثر التاثير

حاسه ان زوجتك تعيش اياااااااام قلق وبكى والله يعينها مسكينه

نصيحه دامك مرتاح لاتسمع لهم واجعل كلمتك واااضحه اني لن استطيع ان اتحمل زوجتين
فقط والسلالالالالالام


لاتقول زوجتي بتطلب الطلاق وبينهدم بيتي
لن هالشيء مايهمهم بقدر مايهمهم بنتهم اللي منهم وفيهم .

زعلهم بيستمر كم شهر

وبيرضون من انفسهم ........

ولا تعتذر ولا شيء

لانك لم تخطىء ...يدورون لها زوج غيرك قولها لهم بلصريححححححححححح .

__________________
اللهم فرج همي وهم كل مسلم ...

فرصه وجاتك من رب العالمين

ياخي لاتتردد مافي احلى من زوج الثنتين كل يوم مع وحده

وكل وحده تدور رضاه وراحته

ويتضاربون عليه

ياليتني مكانه

والله ليتك مكانه كان أنحلت المشكله

بس الرجال مبسوط مع زوجته ومو قادر على فتح بيتين

ظروفه ماتسمح ولا له رغبه

وليش مو واحد من أخوانك الكبار أللي خايفين عليها ويدورون لها على عريس يتزوجها ولا فالحين يجبرونك أنت تتزوجها !!

أنت رجال والمفروض ماأحد يفرض عليك شي مالك رغبه فيه !!

__________________
أشتقت لكم جداً 💔