السلام عليكم

انا متزوجه لي ثلاث سنوات عندي ولد

انا حساسه بقوه هذي خربت علاقتي بزوجي

اي شي ابكي عليه حتى لو أتناقش معه بالموضوع مااقدر أوضح له اجلس ابكي ما اعرف أتكلم
كل أسبوع احنا متزاعلين

زوجي من نوع مايحب يصرف فلوس طيب يعني لو اشتري لبس 56 ريال يقول حرام ماله داعي اخر شي ترمينه في زبالة اشتري شي رخيص

ما أشوفه الا ساعه في اليوم كل وقته مشغول

انا تعبت معه من بدايه زواجي

انا ما قد سويت زي الحريم اجواء رومانسية او حركات كل ما جئت اسوي أقول ما يستاهل خاين

او ميستاهل طلعت من النفاس ما عطاني هديه اهداني خيانه


بس اذا قلت اجلس معي في البيت قام يتعذر بشغل وإذا جلس جلس على جواله

أمس تهاوشت معه عشان رجع متأخر

يقول انا عارف اذا رجعت انك بتبكين وبتسوين مشكله صرت ما ارتاح يقول انا تعبت معك

وأحنا تناقش. على المشكلة دخلنا في مشكله ثانيه نتكلم عن سفره بنطلع مع ولد خالي وزوجته وانا ما ارتاح مع زوجته واحنا نتكلم عن سفره قديمه لنا مع ولد خالي كان بنقطع الشارع زوجي راح وتركني اقطع شارع لحالي ولد خالي مسك زوجته وانا عصبت امشي لحالي المهم قال لي ما مسكها الا عشان ها تستأهل

وش رديت عليه أبد جلست ابكي

قال انتي فكري قبل ما تتكلمين وانتي عقلك صغير انا مو مرتاح معك وتعبت مره

كتبت هذا كله ابي اغير حياتي معه ابي اذا جلس معي يكون مبسوط ابي اسوي جو

في أشياء للبيت ودي اشتريها مهمه ابي طريقه تنفع معه


كلامي كثير اعذروني بس ابي حل ،،،

_ البكاء والصراخ والنقاش ، لا يحل المشاكل بل هو جالبها .

_ إذا أردت الرجل أن يبقى في المنزل ، فيجب أن تهيئي البيئة المناسبة له
من نظافة وتبخير ، وأكلات لذيذة ، وديكور أنيق ولا يلزم أن يكون باهظ الثمن ..
وألا تتدخلي في تصرفاته أنثاء تواجده معك ، فلا تقولي مثلا ؛
( اترك الجوال ، سولف ، أبي اشتري ، فلانة وعلانة .... )
التزمي الهدوء ، سولفي بذوق ( واذا حابة تتدلعي تدلعي ولكن دلع عفوي بريء ، مو بكاء !!! ترى البكاء مو دلع ابد ،. بل حماقة ) ، واذا تكلم ردي بالقليل من الكلام ، قولي له كلام جميل واشكريه واخبريه ان هذه الجلسة
تسوى عندك الكثير وانك مقدرة تواجده معك .

انضجي في تصرفاتك ، فالبكاء والتشكي تعتبر قلة عقل ، وبالمناسبة هو معاه حق فيما قال عنك ..

_ انسي البكاء تماما ، تكلمي بأدب واحترام وتواضع ، اطلبي برفق ، توددي له ، ولا تكثري الكلام وتردديه ..
جربي أن تكوني عاقلة رزينة وانظري كيف تملكين عقله وقلبه ، أما هذه الحركات فهي منفرة جدا ومكروهة ..

حبيبتي شكل نفس الاخ اللي عندي فية من فكرة وتصرفاتة انا عشت اربع سنين وهو كان بالبداية نفس زوجك وزادت الحدة معة سوى في مصرف لانة ديون فامقدرة لكن مااشتري شي طول عمري عشى والبخل
صح عارفة تتقهرين منة وافضلك بلاش الاجواء الرومنسية بو طبيع مايجوز عن طبعة
انا زوجي حار مثل زوجك وادني شي يضايقني وافاتحة معة وكمان اختار الوقت اللي يكون مروق قال انتي مريضة
وماتعرفي تفكري وغبية وقلبك ميت الخ بالرغم كلامي بحق علشان نمشي بحياتنا
وجربت اجواء الرومنسية واللة ماانسها في كل ليلة اخسر الفين عشانة وينبسط ويدعيلي وووووو لكن مين يسمع بعدها ندمت علشان تعاملة الزفت

فانتي هذي الشخصية طنشي وهي تجري وراك مالم تلقين شي خليكي تشكي او يميل لغيرك من حقك تتكلمي
واذا عارفة منهم اصحابة وش وضعهم يريح ولا لا من حقك تتكلمي
جلستة على جوالة الهية عنة سوي قهوة حلى واجلسي قدامة عساة يستحي يشوي

بالنسبة للخيانة ما ركزت عليها ..
لأن اغلب الرجال خونه الان ،.
والحل إن تدعي له وتحاولي احتوائه ..

مشكلة الرجال يعينون بعض ويحرضون بعض عالخيانة
مجالسهم الا ما رحم ربي ، كلها مسخرة وتفاخر بالفجور ، يارب عافنا مما ابتليتهم به .

يعني الخيانة صارت مثل المرض بين الرجال ينتقل بسرعة ، اضف إلى ذلك انهم يسخرون
ممن ليس لديه علاقات ويعتبرونه مب رجال ، هذا الكلام سمعته من اكثر من رجل ،
يعني حتى لو الواحد مو راعيها ، يرسلون له ويحرضونه ،

تحسبي على الذين يحبون ان تشيع الفاحشة في الذين آمنوا ..

معرفش انتو بتجيبو الكلام ده منين ..
انا اجلس فى مجالس الرجال منذ خمسون عاما وكلها كلام فى السياسه او الكوره او الاقتصاد او الدين ..
من صغرى مالقيتش فى قعدة الرجال ماتذكرون ..
لكنكم تجدونها فى قعدة الفجار وليس الرجال

__________________
تٌجّنِبًوٌا الَوٌحًدٍهّ...فُهّيِ تٌعٌشُقُ الَرجّوٌعٌ لَلَمًاضيِ

مشكور ما قصرتي

ممكن المجتمع مختلف !!
أو الشباب دي اليومين كدا تفكيرهم

__________________
"السبب في انتشار الجهل أن من يملكونه متحمسون جدا لنشره " فرانك كلارك

زوجي وشباب اللي معه كلامهم وصخ احيانا يكون كلام ما بين زوجين

وقفي صياح ودموع ترا لمن يتعود الرجال على دموع الحرمع معد يتاثر ولادققي كثير حاولي تعيشي وتغيري جو معه وتغيري اسلوبك تشدي للبيت وربي يهدي سركم

__________________
(وَلَوْ أَنَّهُمْ رَضُواْ مَا آتَاهُمُ اللَّهُ وَرَسُولُهُ وَقَالُواْ حَسْبُنَا اللَّهُ سَيُؤْتِينَا اللَّهُ مِن فَضْلِهِ وَرَسُولُهُ إِنَّا إِلَى اللَّهِ رَاغِبُونَ)
لاحول ولاقوة الا بالله العلي العظيم حسبي الله وحده ونعم الوكيل

والله حاولت ما انزل دمعه بس غصب ما ادري الا هي نازله

الحين لو أهلي سافروا قال سافري معهم يبي الفكه مني

وصعبه أسافر مع أهلي اول شي سياره صغيره ثاني شي أمي تقول ألحرمه ما تطلع الا مع رجلها
يعني لا تروحين معنا ثالث شي لو بروح مو معطيني مصروف

انصحوني وش اسوي