السلام عليكم و رحمة الله و بركاته

ودي أعرف رأي كل واحد و وحدة بالموضوع هذا،.

لكن رجاااااااااءً ..
من غير ما نغير اتجاه الموضوع و تبدأ المجادلات بين الأخوان و الأخوات ..
هذا يقول ايوة، و تجي التانية و ترد لا يافلان مو واجبنا و احاديث و آيات و فتاوي
و يجي الثالث و يرد لا ياعلانة واجبكم وووو الخ و ما حننتهي الا بمقص الرقيب

.
.

شقتنا اللي استأجرها زوجي من سنة بينتهي عقدها على نهاية صفر .. و زوجي دفع
لصاحب العمارة بس إيجار 6 اشهر الاولى و الباقي لسى مادفعهم له ..

الست اشهر الاولى من الإيجار دفعهم زوجي من راتب المرافق و اللي اخر شي استلمه من الملحقية
بالخارج وقت رجعنا هنا ، و نصحت زوجي من سنة انه كل شهر يوفر لو 500 ريال من راتبه عشان بعد 6
اشهر ما يتورط مع صاحب العمارة و أنا أجمعها له، لانه زوجي ماعنده حسن التدبير و مايجلس قرش
بجيبه.. رد علي ( لا تشيلي هم و لا تدخلي و أنا أتصرف وقتها )
قلتله ( نصحتك ،، و لو تورطت وقتها فما راح أتدخل ،،؟اتفقنا !!؟ )

زوجي من رمضان انفصل من عمله بسبب التأخر و التغيب مرات عن العمل .. و كنت من قبل انصحه ينام
بدري و يبطل سهر و صرف فلوسه على صالة البلياردو و عشان يقدر يقوم بدري للعمل و برضو يطنشني
و صار بالفعل كل اللي توقعته .. ( انفصل من عمله + صاحب العمارة يبغى إيجار الشقة الباقية و هدده بالشرطة )

انا من رمضان و ماباكلف على زوجي عشان ظروفه و بينصرف مني الوفات، من مراجعة حمل و تكاليف الولادة
او مصاريف ولدي و روضته و زي كذا .. و زوجي من ذو القعدة لحد دحين بيشتغل وظيفة مؤقتة تابعة لموسم الحج
و بيستلم راتب الثلاث اشهر بعد 10 ايام ، و بيعطيها لصاحب الشقة .. و صاحب الشقة رافض يستنى ..

.
.

و لان موقعها مرة بعيد و بمنطقة معزولة لدرجة مافي ولا مسجد او بقالة جنبنا و مانسمع الأذان أبدا، فراح نغير
الشقة ان شاء الله ونستأجر شقة لمدة 6 اشهر .. طبعا زوجي بيستلم راتبه و يدفعها لصاحب الشقة القديمة
بس الشقة الجديدة كيف حيدفع إيجارها ؟

.
.

خلال الست اشهر اللي بنجلسها بالشقة الجديدة، اكون قدرت اجمع مبلغ من راتبي و اشتري شقة تمليك بدل من الإيجار
و راح يرتاح زوجي من الإيجارات وقتها .. و أنا من شهور حارمة نفسي و ولدي من اشياء كثيرة عشان باجمع قد ما اقدر
و لو اجمع قيمة دفعة اولى و كذا ..

.
.

المشكلة فين يا سادة يا كرام ؟؟؟

انه زوجي بيستلم راتب الثلاث اشهر و بيدفعها للشقة القديمة .. بداخلي حزن و رحمة عليه انه راتب ثلاث اشهر بالأخير
تندفع على إيجار و لا قدر يتهنى بها و حطيت نفسي مكانه .. بنفس الوقت بداخلي قهر منه انه ما يسمع لنصايحي دائماً
و زي كذا دايم يورطنا و بالأخير أنا اللي احلها و اكون بوجه المدفع ؟؟؟؟؟

و قلتلكم ايش كان رده علي من زمان ( لا تتدخلي ) *
و هو قبل ماينفصل من عمله، كان كل شوي يروح يسهر و يرجع متأخر و اجلس لوحدي طول اليوم .. و اتحمل و ما انكد عليه
كنت باشوف ايش النهاية معاه .. لحد فين بيوصل ؟؟؟ و قلتله وقتها خلي السهر ينفعك و لاتدخلني لو تورطت بيوم ..
و حضرة زوجي مايتعلم اي درس من أغلاطه و بينسى كل مرة ( وقفاتي معاه ) ..

و مع العلم انه شقتنا فاضية من 4 اشهر، لأني كنت عند اهلي حتى أريح زوجي من مصاريفنا و مرة وحدة حامل كنت
و جالسة مع امي و هو يجي ببيت اهلي و ينام اذا ماكان فيه احد من إخواني .. و هو اللي كان يرفض أنا نروح شقتنا
لانه يشيل هم المشوار ( زوجي شايف انه متمنن علي لانه تاركني مع امي .. مع انه كذا مرتاح من مصاريف أكلنا و شربنا )

.
.

طيب المشكلة التانية، باقي إيجار الشقة الجديدة من فين راح يدبرها ؟؟

و هو قال لي ( راح ادبرها لاتشيلي هم ) لأني بينت له اني مالي دخل بمشاكل الإيجار .. و انه لو ما استأجر لنا شقة،
فماراح اتعب حالي بالتفكير و الهموم و يكفي اللي فيني و ماراح اجلس اكثر من كذا عند اهلي،،

و قررت اني بأستأجر شقة لي و لاولادي و نجلس فيها بس أنا و الولدين .. *و أنا بالفعل كنت جادة بكلامي ..
و خليه هو يروح ينام عند اهله .. و وقتها ممكن يصحى اذا شافني بالفعل تحركت و تصرفت .. و ممكن يحس بالندم ؟
لانه تعود اني دائماً اتحمل و أوقف معاه و كمان مو شايف اني باعمل شي ؟

.
.

مع العلم انه بداية زواجنا و قبل مانسافر لبرة.. صارت تقريبا نفس الحركة منه و هو ماتعلم و لا أخد درس من اللي صار ؟
انفصل من عمله، لنفس الأسباب و أنا دفعت إيجار 6 اشهر ..

.
.

طيب سؤالي ؟؟؟

كيف أتصرف دحين ؟

لأني باجمع فلوس عشان نشتري شقة تمليك بعد 6 اشهر و لسى قدامي مصاريف ( استقدام شغالة بعشرة الاف +
رسوم روضة ولدي 4000 ريال + كمبيوتر و جوال لنفسي و للعمل + راتب السواق + ملابس ليا .. للبيت و الوظيفة
و لولدي و النونو الجديد ) هذه اهم الاشياء ..

و بكرة بالم اغراضي و اروح بيتنا و بنهاية صفر يعني بعد شهر لازم نترك الشقة ، و مستحيل اجلس عند اهلي ..
عشان زوجي شكله تعود انه إخواني و اهلي شايلين مسؤوليتنا ..

فقررت اروح بيتي و خلال الشهر هذا، بأدور لنفسي على شقة و اخوي يساعدني.. و لو زوجي ما جاب لنا شقة ..
*خلاص، الم اغراضي و أخد أولادي و اجلس بالشقة الجديدة .. عشان يعرف انه الموضوع جدي و يتغير للأفضل ؟
و لا يعتمد علي و على اهلي و يبطل سهر و صرف فلوسه عاللعب .. و يعرف قيمتنا بحياته أنا و الولدين ؟

.
.

طبعا بالوقت نفسه ( راحمته بداخلي ) و اقول ( أساعده بالإيجار ؟ )
و شكله ( اتعود خلاص اني دائماً كذا أوقف معاه بالأزمات .. )
و بعدين حضرته ينسى كل شي و يقول ( تستاهلي ماحد طلب منك )

مادري ايش الحل ؟؟؟

قسما بالله العظيم اليوم قلت آخذ اجازه من المنتدى وارتاح يومان

ولكن غصبا عني دخلت

اتركيه يدبر نفسو
وانتي اهتمي بترتيب لشراء الشقه ان شاء الله وتكون
باسمك فاااااااااااااااااهمه اسمك

كفايه حنان وهو تاركك ويسر ولا عندو مسؤوليه

ارسل لك قطن او عازل للصوت تحطيه فاذنيك
وقفل لقلبك
وان ما شديتي هالمره رح تفضلي للخلف راجعه

ومن ثم كيف تستأجري لوحدك تقدري وكيف فيكي تمنعيه من انو ما ينام عندك


ما هو دلعك خلاه يسهر ويصرف ويعتمد اعتماد كلي عليكي
كفايه دلع واسمعي كلامي وانتي تربحي شقه

هو قال : انا ادبر حالي

خليه تنشوف

يجيب من اصحا السهر اللي يونسوه كل ليله
وين فزعتهم ام هم للضحك فقط

__________________
http://live.gph.gov.sa/
اللهم اني استودعك اولادي

حابة أفكركم بموضوعي اللي جيت سألتكم فيه من 10 اشهر تقريباً ..
اني أساعد زوجي بالسيارة و لا لا ؟؟؟

طبعا اشتريت السيارة له بشرط كل شهر يكون فيه استقطاع من راتبه
500 ريال لحسابي .. و وعدني و حلف وقتها و شرطت عليه انه مالي دخل
باي ظرف وقتها يجيه و قالي ( ابشري )..

طبعاً بس اول شهرين رجع لي 500 .. و اصلا كنت اخدها و اشتري بال500 هذه
مقاضي للبيت، يعني ما احطها بجيبي ( بس الفكرة اني اخليه يتحمل المسؤوليات )

و بعدها 3 اشهر ما رجع لي شي.. و مرة تزاعلت معاه لانه بدل ما يسدد ال 500 هذه
يقوم يشتري بها عطر ب500 و يخلصها باقل من شهر ؟؟؟ و أنا ساكتة و اتفرج عليه لمتى يعني ؟
و انا طبعا حارمة حالي من العطور الغالية ؟ و يادوب عطر ابو مية و هذه كمان زوجي يخلصها لي ؟

قال لي ( انت اصلا ايش عملتي لي ؟ ) <- وقت الشدة يفتكرني و اهله و اصحابه يتخلوا عنه
و مو شايفني متحملة شي، و بالعكس .. يتمنن علي.. فقلتله ( ماعملت شي .. شكرًا .. خلاص قفل عالموضوع ) و عيوني تدمع و تنزل زي السييييل و بعد ما ابكي ، هو ينبسط و يجي يعتذر ؟؟؟

و اصريت انه يحول 500 تبع السيارة لحسابي زي ماوعد .. و حول لي شهرين و خلاص
و بس و لا عاد شفت شي من بعدها .. *

طبعا يجي يعتذر بعدين و يتندم و يتأسف ووو الخ و يراضيني باي طريقة ،، بس خلاص بعد ما يكون
( عدم الصورة اللي كنت راسمتها له )

و يكون نزل من عيني، و دحين باقي رمشة وحدة و يطيح ههههه <-- امزح بس :-p

لا لا من جدددد .. اعتذاره بعدين ما بيفيدني بشي ..

و أنا الصراحة ماني فاضية للمجادلات، امي مريضة و مابين الحياء و الموت و اللي فيا مكفيني ..
و هو يوم عن يوم ، أخلاقه بتخرب و يتغير .. زوجي كل ماتعرف على واحد، يتأثر به .. ؟؟

عشان كذا كلمت اخوي الكبير يشوفلي شقة خلال الأسبوعين هذه ..
بحيث انه لو زوجي ما دبر حاله كالعادة ( انقل مع أولادي بكل هدوء .. و خليه هو براحته .. ما صار يهمني )

خالة جرين ..

زوجي متطمن و مريح راسه لانه شايف امي مريضة و إخواني معاها و كلنا مشغول بالنا عليها من اكثر من سنة
و خاصة الايام هذه، صار لازم أحد يشيلها ..

فهو متأكد اني ما راح ادخل اهلي و لا احد منهم بيدري .. و ما راح اقول لاخوي الكبير .. و الصراحة اخوي هذا
عن مليون رجال ماشاء الله عليه .. مع انه صغير بالعمر بس تحمل اللي ماحد يتحمله .. فزوجي متطمن انه ماحد داري عني
و لا راح ادخل احد ..

المهم، كنت أتكلم مع اخوي بالماسنجر و قلتله لاول مرة.. الله يسعدك شوفلي بس مكاتب العقار .. بأدور عن شقة
كذا و كذا مواصفاتها .. و نسخت له أرقام مكاتب العقار اللي عارضين شقق بعقار ستي ..

طبعا خالة جرين .. لو وحدة من أخواتي عملت كذا، اهلي ما يرضوا لها و لا إخواني .. بس أنا غير عن أخواتي ..
اقدر اشوف مصالحي بنفسي و اهلي عارفيني و إخواني كمان .. و اصلا زوجي وقتها بس مجرد لو حس اني بالفعل
( جادة بكلامي ) .. فراح يتحرك و يعمل اي شي عشان مايخسرنا.. بس هو خلاص تعود انه ماعندي غير الكلام ..
بس وقت الجد .. باوقف معاه .. فابغى ابين له اني المرة هذه ( أنا جادة بالفعل )
بس بالوقت نفسه مرات اقول بداخلي ( بس عشان ظروفه الحالية ،، خلاص أتنازل و كمان أوقف معاه ) ؟

اللي يقهر انه اصحابه و اهله وقت الشدة ،، ماتلقيهم جنبه ..
و هو وقت الرخاء ينسى كل شي .. *و اللي مخليني ابرد أعصابي اني اقول بداخلي
( ياشيخة طنشيييي.. انت عملتي عشان ربنا ) و بعدين وجودي جنب امي كان ينسيني كل شي و يغنيني عنه و عن وجوده ..

أنا ما انكر انه زوجي طيب و حنون و يعزني و يحن علي كثيييير .. و هذا اللي مخليني افكر اني أوقف معاه
بس أخاف وقوفي معاه دحين .. بيخليه خلاص للابد يعتمد علي ؟
*

طيب هو من وين يجيب اجار الشقه الجديده؟؟؟يعني اكيد الشقه الجديده يبيلها دفعه اولى ل6 شهور قدام..

انتي بنفسك سالتي هذا السؤال..يعني انتي عارفه البير وغطاه؟؟ ودامك عارفه وضعه ليش تضغطين عليه اذا ماجاب شقه خلال اسبوعين بتطلعين لحالك انتي واولادك...طيب من وين يجيب الدفعه حقت الشقه الجديده..حتى لو بيتصرف كيف يتصرف مافي احد الحين يسلف مبلغ حق دفعة 6شهور..يعني اعتقد مبلغ كبير..لو تأجلين استقدام الشغاله..الين ربي يفرجها..

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

روح انا مثل ماما قرين
كنت اذاكر بس لما شفت موضوعك قلت برد عليك ..
روح قلبي مدري لية احسك ترحمية وتحني علية بس بلحظة تظغطي علييييييييييييييييييية
مثل لية الغرور عارفة البير فانتي تظغطي علية مع انك بالاساس راحمتة كثير وعارفة وضعة صح انة كسول ودوم انتي تساعدية بس الظغط مو حل
مدري يمكن رائي بحكم اني ماعرف الوضع بالحياة
والله مالي الا ادعيلكم ربي يسخر لك ياه ويرزقكم بالبيت الملك الي يغنيكم عن الايجارات ومشاكلها .
دعواتك لي بالتوفيق الاختبارات عالابواب

__________________
[ ]

عزيزتي ليه الغرور ..
كنت منتظرة ردك الصراحة، لأني اعرفك ماتجاملي ..

كلامك صحيح و اتفق معاك، و فكرة تأجيل استقدام الشغالة عجبتني كثير ،، و راحت عن بالي لأني من سنة باقول لزوجي
خلينا نستقدم شغالة و دحين اللي أتحرك و قالي جهزي فلوسها طيب ..

طيب ايش الحل برأيك ؟
لأني فكرت أساعده لنفس الأسباب اللي قلتيها .. و مو هاين علي اشوفه يتعب 3 اشهر و بالأخير ياخد الراتب و يسلمه كله لصاحب
الشقة .. و اللي بيستلمه بالثلاث اشهر هذه أنا باستلم راتب و الحمد لله بشهر واحد اعلى من اللي بيستلمه بعد 3 اشهر ..

وحدة من الأفكار اللي جات برأسي، اني ادفع له نص إيجار الشقة القديمة .. عشان هو كمان ينبسط شوي بالراتب اللي حيستلمه
لانه الصراحة تعبببببببب كثير بالثلاث اشهر هذه بوظيفته..
( زوجي المشكلة مايتعلم و يتغير، غير بعد ما ينقرص)

يعني هو ماشاء الله شاد حيله من 3 اشهر بوظيفته هذه و ماعمري شفته كذا و حتى انه المدير اعطاه ترقية و رشحة لدورة تدريبية ترفع
من قيمة راتبه و رتبته عالسنة الجاية .. و مدحه قدام الموظفين كلهم و زوجي قال لهم ( هذا بفضل ربنا ثم بفضل زوجتي و تحملها لي )
<- الجملة هذه الصراحة حسيت انها تكفيني

زوجي كان مهمل بعمله القديم .. بس يمكن بعد ما انفصل و جلس برمضان من غير وظيفة و شوال،، و هو يوميا يدور عن وظيفة و مايلقى ..
و تعرفي مصاريف رمضان و عيد الفطر كيف .. يمكن خلاه يحس بقيمة العمل و الالتزام بالمواعيد ؟

إحساس عمري ..

لسى ماضغطت عليه، أنا كلامي مع اخوي .. كان مجرد دردشة و قلتله بس يسال لي عن العقارات ..
و زوجي ما قلتله ..

بس لأني متوقعة انه يخلص شهر صفر و يرجع يقول لي اجلس عند اهلي ، و هو عند اهله لحد ما يجيب
شقة .. فقلت لنفسي ( أخد احتياطاتي من بدري )

و امي مريضة و ماتبغى صوت أطفال عندها .. يعني هي دحين بالمستشفى متنومة و اختي وقت تجلس معها
تقولي ولا همسسسسسسسسس ابداااااااا .. و يمكن بترجع امي للبيت بكرة ؟ الله اعلم ..
بس وقت امي ترجع البيت، لازم اكون اخدت اغراضي و رحت لبيتي ..

و لو ماقدمت على شغالة ، فراح أجيب شغالة اللي بالأشهر تشتغل و راتبها 1800 ريال ..
الشغالة عشان زوجي يبغاني فاضية له دايما و هو اللي يشجعني أجيب شغالة ، و الشي التاني عشان اقدر
أخدم امي و بعد 20 يوم راح أبدأ أداوم بوظيفتي !!

بسم الله الرحمن الرحيم
اختي روح بما انك عارفة وضعه الحين وانه ما عنده دفعه للشقة الجديدة ، اعطيه فرصه يعني اعطيه وقت أكثر يدبر فيه حاله، لكن لا تتدخلي خليه هو الي يتصرف وانتظري وشوفي يعني طولي بالك شوي وخليه هو يتصرف لا تخليه يعتمد عليك اعتماد كلي بالطريقة ذي ، وبعدين اذا اشتريتي الشقة التمليك اكتبيها باسمك ضروري يعني خلك متوازنة .
اتمنى لامك الشفاء والفرج .
واتمنى لك التوفيق.

أنا لسى ماقررت و لا عملت شي يا جماعة ..
أنا هنا عشان استفيد من افكاركم .. و بأذكر أمثلة عشان أوضح بعض الجوانب و تكون الصورة اقرب ..

الهدف بالأخير :
مصلحة زوجي و أولادي و بيتي ..

يعني الفلوس موجودة و هي بالأخير لاولادي مو ليا .. بس هل مساعدتي دحين ..
بتضر بحياتنا مستقبلاً ؟ و تخلي زوجي يعتمد خلاص علي للابد ؟ و لا عشان ظروفه الحالية أوقف معاه ؟
و كيف أوقف معاه ؟

يعني فكرة تأجيل استقدام الشغالة عجبتني، بس بالوقت نفسه راح أجيب وحدة تشتغل بالأشهر وتاخذ 1800
و هذه اغلى ..

.
.

باعطي مثال على تصرفات زوجي ..

اول سنة بالزواج وقفوه المرور عشان عليه مخالفات من قبل الزواج بقيمة 5000 ريال
اهله خلووووه بالتوقيف يومين و ماحد سأل عنه.. و أنا دفعت له عشان كانت عنده اختبارات
و مارضيت اشوفه كذا .. و اصلا وقتها كان راتبي مو قد كذا لأني توي كنت بالبداية ..

دحين تونا نكمل سنة وحدة بالسعودية و جات عليه 15 الف ريال اقل شي بسبب ( ساهر )
صح انه ساهر حرمية و مساكين الموظفين اللي فيها كل شوي يتقتلوا ..
بس اصلا زوجي يسوق بسرررررررررررعة .. و بالحالة هذه أنا مالي دخل بديونه هذه لو أجبروه يسددها

طيب لمتى يستمر زي كذا ؟؟؟

.
.

صح باضغط عليه مرات ، بس عشان يتغير و لمصلحة نفسه .. و لا أنا ماني خسرانة شي ..
و ماني من الحريم اللي يخافوا انه أزواجهم يتخلوا عنهم .. لانه مافي شي يجبره يجلس معاي ..

*