:السلام عليكم ورحمة الله وبركاته 000

أحبائي النون النسوة كيف حالكم 000

حبيت أطرح عليكم موضوع شدني وأريد أرئكم فية

في يوم ذات مساء كنت في زيارة عند أحدى جارتي الغاليات وكانت فيه وحدة تتكلم وتعبرعما في

خاطرة 00كنا متعودين على بعض في فضفضت الخواطر وما فيه أي حواجز بيننا أدخلت في موضوع وشدني


وحبيت أنقل الموضوع طبعا بعد أذن صاحبتي أسمعوا000

صاحبتي كانت تعاني من مفاجئات زوجه لها يعني بين فترة يتصل ويقول لها {{أمي }}معي في السيارة


وأنا الحين جاي للبيت وبيكون الساعة متاخرة واحيان يدخل وقت الغذاء وبعد الانتهاء من الدوم وتكون {{أمه }}معه000

والزوجة ما عندها أي خبر بقدوم {{الام}} وصار لها موفق مع زوجها كانت تتكلم في موضوع عن

{{امه }}وقال لزوجتة خالص راح أجيب {{امي بكرة }} والمشكله انه وقت مرجعات وأختبارت وعندها اولاد

في ثانوية العامه000

قالت زوجته خله تجي بعد الاختبارت احسن علشان الاولاد

لكن الزوج في اليوم الثاني وبعد العصر أتصل وقال لزوجته لبسي العبايه وطلعي على الباب


الزوجه المسكينه لبست العبايه وطلعت والمفاجئه تتوقعون مين الموجود في السيارة ؟؟؟؟؟


كانت {{امه }}

ركبت السيارة وهي مكتومه وزعلانه على زوجها الله يهديه تقول المسكينه على الاقل اتصل وقال أن {{امه }} معها 000

علشان الحرمه تستعد


المهم لما رجعوا للبيت طبعا نزلوا والحرمه على طول أدخلت للمطبخ علشان سوي اي شي جاهز


ومن بعد صلاة العشاء والحرمه والله العظيم في المطبخ كل شي سوته الى الساعه {{11}} وهي على رجل وحدة 000

على فكرة هذي مو أولا مرة 0000مر ةاتصل على زوجته الساعة {{10}}في الليل وقت نوم الاولاد وكان


ايامالاسبوع وقال لزوجته بسرعه جهزي العشاء الحين {{{اخوي مع زوجته والاوده وأمي وعيال أختي كلهم }} في الطريق تتوقعون ويش صار للحرمه أخليه لكم كيف راح تكون ردة فعلكم ؟؟؟


المشكله كلمت زوجه في الموضوع اكثر من مرة والف مرة ولكن يرجع وينسى

دائم تقول لزوجه عطني خبر قبل ما تفجئني ولكن


والحين ما صار على الموفق ألا ايام وزوجته اشوي متضايقه حتى النوم ما تنام من التفكير في الموضوع



والله مسكينه هذي الحرمه


على فكرة هذي الزوجه متعودة على الزيارت وبيته مفتوح للكل بس لكل شي موعد مسبق


وهي تحب {{أم }}زوجه كثير وماعنده أي اعتراض بس تبغي من زوجها يحسب لها الف حساب :


...........


ايش رايكم في الموضوع حطوا أنفسكم مكان الزوجه {{{{لا تقول تحملي ترها مو اولا مرة احيان لنا تجي

{{أم}}زوجي لزم تتصل على بنتها كلهم ويجوا مع اولادهم وشوفوا البيت كل شي يتدمر


والله أني اكتب عنها وأنا أتكلم من كل قلبي لاني حس فيها


معليش طولت عليكم الموضوع


مع الف سلامه


أختكم أم شاهين

تم تعديل العنوان
ليتناسب مع القسم
تحياتي

اللة يعينك علية بصراحة زوجك متعب

اذا كان عندها خادمه مافي اي مانع
لان البيت بيكون دائما مستعد لاستقبال الضيوف
وما بقى عليها الا الطبخ

اما لو كان ماعندها خادمه
اكيد شي يقهر
ولازم انه يساعدها على الاقل
يكون العشاء من برا

والتفاهم اكيد شي مهم
لكن شكل هالرجال مستحيل يتفاهم في هالنقطه بالذات

__________________
اللهم إني تصدقت بعِرضي على الناس وعفوت عمن ظلمني
وأسألك في ذلك بلوغ مراتب المحسنين
ربنا هب لنا من ازواجناوذرياتناقره اعين واجعلنا للمتقين اماما
رب اجعلني مقيم الصلاه ومن ذريتي
اللهم اني اسالك لذريتي صحبه الاخيار وتوكل الاطيار
اللهم الف بين قلوبهم وبلغني فيهم غايه املي ومناي بحولك وقوتك
اللهم اسعدني ببرهم في حياتي وبدعواتهم بعد مماتي

أختي أم خالد 000حتى لو عندها خادمة ويجي لك ضيوف من دون موعد وأنتي مو مستعدة نفسين 000


اكيدد راح يضيق صدرك ---

الحمد لله كل شي موجود ومخزن في الفريز ولكن لما يكون عندك خبر بيكون شي ثاني 00000


الله يكون في عونها 000شي يقهر والله انا حطيت نفسي مكانه وشفت نفسي ماعندي اي استعداد 000000

انا عني بعلم اهله و بقول بليز اذا بتيجوان خبرواني البيت بيتكم بس عشان يكون عندي خبر زوجي مايقولي انكم جاين عندي وانا مابي اقصر بحقكم الله يعينه والله من جد شي يقهرررررررررررمرررررررررره لا وكمان اخته وعياااااااله ولازاعاج ماني ناقصه كلن عنده خير

السلام عليكم ورحمة الله وبركاته

اسمحوا لي باعارض الجميع واتمنى كلامي مايزعل حد ..

اذا البيت دايم مرتب والاكل موجود ومفرزن .. شالمانع ؟

يعني هاذي امه مب حد غريب عشان موعد وسالفة ..

هاي رايي ويمكن الامر راجع الى نوع العلاقة بينها وبين ام زوجها .. يعني اذا وايد مع بعض مب مشكله حياها الله بموعد وبدون موعد ..

وذكري صاحبتك بارك الله فيها انها ماجوره على اللي تسويه وعلى التعب اللي تتعبه ..

واذا حاسه انها مشكله كبيرة ماقدر اقول الا الله يعينها ويفرج همها ويهدي زوجها ..

تحياتي ..

كنت بقول نفس الكلام ...........

وبعدين هذي امي يعني البيت بيتها ..........


في احد يدق علي بيته ويقول انا جاي ؟؟؟؟؟؟؟؟


من ناحية الام اشوف انها مزدتها حبتين ...

والجود من الموجود ........مولازم تتكلف الوحده ...لاهل زوجها


وانا مع الاخت بمشكلة اخته وعيالها ...هذي انا معاها ..........واقترح عليها تخلي الاطفال في حوش البيت .......ولا تدخلهم في غرفة الالعاب وتقفل عليهم ........ولا تطلعهم السطوح المهم تشوف لهم صرفه

لا يحوسو لها البيت .........والله يعينها ..........فمان الله

صراحة هذا الزوج يريد واحد يوقفة عند حدة
يعني امة وقلنا امة بس
كمان مدري من ويقول هجزي عشاء
طيب افرضي مرة تعابنة او مشغولة وحد طب
لها من غير احم ولا دستور صراحة
الله يعينها على هالزوج
مسكينة

ياجماعة اذا كان من سنة نبينا المصطفى ان يستاذن الرجل على زوجتة التى هى حلالة قبل ان يدخل البيت حتى لا يرى منها ما يكرة
فما بالكم بام الزوج او اختة او ايا كان
انا مع الراىء الاخر لابد ان يستاذن اى شخص قبل ان يذهب لاحد بفترة مناسبة حتى لايجد استقبال الزوجة غير مناسب او غير حار فا تحدث ضغائن ليس لها داعى
فما يضيرة ان اخبرها قبل ان ياتى ان فى ضيوف اليوم؟؟؟؟؟؟؟؟؟؟؟؟؟

ربى يعينها على هذة النوعية من المفاجات