طبعا انا حاليا ادرس بأخر مرحله وهي ثالث ثانوي
لكن طول عمري احس نفسي انسانه ميته ومالي نفس لأي شي
في الابتدائي طول ذي المرحله كنت أتحسس بشكل هيستري
وانزل للساحه واصارخ بشكل قوي. كنت العن هذي وأبكي هذي
واتهاوش مع هذي لازم أنفعل طبعا أنا في هذي المرحله صرت شبه منبوذه
مدري من تصرفاتي ولامن الناس نفسهم كل ماجلست مع وحده راحت تجحدني
وتروح مع وحده وللعلم ماني انسانه سيئه وشريره وأحب الظلم وأحب اهانه الناس
لكني انسانه حساسه وعصبيه حتى مره من مرات تذكرت موقف وتحمست اغلب البنات تفاعلو معي الاوحده تناظرني
وساكته وتبتسم كأنها من ذوليك الي فيهم اكتئاب ويبتسمون طبعا الموقف من المتوسط
في المتوسط فيه بنات جالسين عند مكاني وجت وحده قريبه مني وجلست قلت لا لكن هي دفتني
وضاق صدري وحاولت أحبس دموعي لكن مافاد بالاخير انهرت من البكاء
وفي الثانوي كانت الاستاذه تتكلم وهي ماتستاهل ينطلق عنها أستاذه
تتكلم عن المحادثات طبعا انا جيت عندها وجيت بقول عن شي وقالت بعدين طبعا انا بكيت
لكن ماسكت لها فشلتها قدام البنات وبهذلتها لدرجه جتها حاله نفسيه وتغيرت على البنات وصارت حزينه وفيه مواقف
لكن مليت من حياتي وأحس خلاص مافيه فايده من الحياه

انا مواليد 2000 لكن أبوي وامي حاطين 1999 عشان ادخل مبكر للمدرسه
وهذا الشي مب غريب لان بعض الأهالي يدخلون عيالهم بسن مبكر جدا
لكن مع ذلك كنت متفوقه وأحب العلم وأحس بسعاده عند المذاكره وحفظ مايطالب حفظه
لكن مع المتوسط انعدم هذا عندي وصرت انسانه حزينه حتى فيه بنات مايستاهلون. يحبونهم المعلمات
ومكونين علاقه معهم وهم ممتازات لكن لايقارنون بي هم جنبي ولاشي والسبب انهم مايهتمون باشكالهم وهم يذاكرون لمجرد كسب سمعه وشعبيه وحب وصداقات من المعلمات والبنات وانا كانت نيتي خالصه لوجه الله لكن لاشئ لي
وانا كنت بالابتدائي ممتازه لكن لاشئ

مافي سبب للحزن
بايدك تاخذي نفسك للنجاح

انتي حساسة ما فيه شي يدعوا للحزن
بس مرحلة و تعدي ان شاء الله

الافيه شي يدعو للحزن
عشانكم ماجربتم الي جربته

وش الي جربتيه احكي

ألي جربته واضح في الموضوع

حبيبتي الي بالموضوع شي عادي
بس انتي حساسة حساسة كثير
اذا بتظلي كذا بتصيري انسانه سلبيه مكتئبه
ظنيت عنك مشاكل اخرى
اجل لو جربتي الي احنا جربناه وش بتسوين
الله يهديكي بس اضحكي وقوي نفسك واقبلي على الحياه

جاني الاكتئاب من زمان
بخصوص السلبيه مب سلبيه متشائمه

وش يمنعك تكوني متفائلة
ليه ماتغيري بنفسك