السلام عليكم ورحمة الله وبركاتة
ماخاب من استشار ،،
عندي مشكله الا وهي انني تزوجت قبل أربع سنوات وفي وقت الملكه فهمت زوجتي ان أمي بتعيش معنا باذن الله وبنقل عملي من جدة الى ديرتي ونستقر هناك طبعا أمي مريضه نفسياً لدرجة انها تهرب من البيت ووسواس قهري وماتنام الا قليل وسكر عسى الله يشفيها وفي نفس الوقت طيبه وماتغلط على احد ،، المهم زوجتي ماعندها مشكله متفهمه الوضع وقالت امك معنا باذن الله ،، دارت الايام وتزوجنا وطلعنا خارج المملكة لشهر العسل ،، وللاسف بدت المشاكل بيننا ،، وللامانه اللي يبدى المشاكل هي على سبيل المثال أول مشكله صارت نمت لين الساعه 9 الصباح تقريباً وصحيت وقلت تجهزي بنطلع مع شوية كلام معسول طبعا هي صاحيه قبلي ونومها خفيف شوي المهم ماردت ومكشره قلت عادي بتدلع شوي وترضى والله وطلعنا واحاول الطف الجو وقعدت الى الليل زعلانه ؟؟ ولاترد ولاتعطيني وجه وفي الاساس لاحظت منها عدم احترام لي ولاتقدير واستعلاء غير طبيعي .. والزبده صعب ارضائها والمصيبه تزعل من لاشيئ هذي السالفه غيض من فيض استمرينا على نفس الموال شهر العسل كله احاول اراضيها مع اني ماسويت شي وهي تقعد يوم او يومين زعلانه ثم ترضى شوي وتدور مشكله ثانيه ،،،( للامانه تحطمت وصار اغلب وقتي نوم ) ورجعنا من شهر العسل رحنا لديرتنا وسكنا مع أمي في بيت أبوي الله يرحمه البيت صغير .. المهم تعاملها مع امي فيه استعلاء ولاتعطيها وجه للاسف .. مع الوقت استاجرت بيت ونقلنا له وقلت بجيب أمي ،.،.، قالت والله ماتدخل بيتي ابغى استقلاليه ،،! معي أخ اكبر مني ومتزوج فهمته ياخذ أمي فتره بسيطه بحكم توني متزوج قال لا ماباخذها تخرب بيتي ؟؟ طبعا هو من زمان للاسف مايهتم فيها ولايدور لها ،، طبعاً ما انكر ان كان بيني وبين زوجتي لحظات جميله تنعد على الاصابع ،،
وديتها لاهلها عشان حلفها ماتدخل امي بيتها وطلقت وجلست فترة واستخرت ورجعتها قلت يمكن تتعدل الامور ورجعت مثل اول واردى مع اني والله العظيم طيب معها لابعد درجة رغم الظروف النفسيه اللي أمر بها ولدرجة انها تتحكم فيني احيانا بقمة قلة الادب وواضح عليها انها مشحونه من بداية الزواج خليه يسمع كلامك ومن ذا القبيل وكل مشكلة تصير تكلم اهلها سوى كذا وكذا واكبر همها السفيرات والطلعات لدرجة اني اطلعها شبه يوميا في اول سنه زواج واذا قعدت يومين في البيت مصيبه عندها ويوم استقرينا بدت بمشكله جديدة تقول لازم ننقل من ديرتك وكل يوم تعيد نفس السالفة وتسبب مشاكل .... واللي خلاني اتمسك فيها الى الان يوم كثرت المشاكل عرضت عليه نروح لشيخ يقرأ رحنا والصدمه اني طلعت انا تعبان والحمد لله على كل حال وتعب شديد جدا لان من يوم خطبت تغير وضعي ضيق في الصدر 24 ساعه وخمول ووسوسه ..الخ مع الوقت صار يجيني نفور منها ولا اتقبلها ومع ذلك اضغط على نفسي واجامل .. انا الآن عرضت مشكلتي بتفاصيلها ودي تعيشون واقعي وادور حل ولا انسى اني قلت بسوي بيت جنب أمي ووافقت واليوم الثاني قلبت عليه وحلفت ماتسكن هناك ... انا غير مستقر أمي في بيت وانا في بيت ووضعها صعب وهي للان ماتدري بالمشاكل اللي بيني وبين زوجتي .. مع العلم لم يحصل حمل الى الحين
وانا الحين موسوس جدا مادري هل المرض اللي مسبب المشاكل ولا هذا شي واقعي عذراً على الاطاله



تم تعديل العنوان ليتناسب مع مضمون الموضوع

احس زوجتك من النوع الي تنجرح ولا يبرا جرحها بسهوله
انت قلت طولت بالنومه وهي كانت تبي تستمتع بشهر العسل مثلا من الصباح ابكر شوي
وانت طنشتها ونمت اكيد راح تزعل لانكم لسى جديدين على بعض وانت طنشتها
صدقني هالموقف بيثبت فتره في مخها وعليه راح تتعامل معاك فترة ... نفس الي انا مريت فيه
مفروض هي تتقبل امك بما انك انت قايل لها من البدايه يعني من قبل الملكه مو من الملكه
لانك لو قلت لها بعد الملكه مادخلت على وضوح
وانت قلت انك تعبان اتوقع المرض يخليك تشوف المواضيع من جانب اخر
عليك بالرقيه الاستمرار عليها والمحافظه على الصلاة بوقتها والاذكار
الله يسهل لكم ويشفيك

جزاك الله خير وبارك الله فيك
بالنسبة لمسالة القومه الصباح اساعه 9 اي نعم تبغى تستمتع وكلنا اكيد ولكن اللي اقصده شي بسيط صار ومن صبح الى الليل وانا اعتذر
يعني اي شي يصير بغير قصد صعب انها ترضى وفي الاول والاخير عادي صدري وسيع بس حبيت اوضح الصوره كامله

امك قبلها وقبل نفسك طالما انك اخبرتها بوضع امك من البداية
توقف عن محاولة اﻻعتذار والصلح عند اختلاقها المشاكل ﻻسباب تافهة
دعها تتعلم ان من يفتعل مشكلة عليه ان يدرك تبعاتها ويحلها بنفسه
قف مع نفسك وحاول النهوض بها ولا تنجر الى الياس والضياع

بالتوفيق ان شاء الله.

امك ثم امك ثم امك وش هالعيال الي يركضون ورى حريمهم وناسين هالضغيفه

الله يعطيكم العافيه ويجزاكم خير
والله مافتحت الموضوع الا ليطمئن قلبي ولا موضوع الطلاق حاصل وقلت باستشير عشان ماظلمها معي وبالنسبه لي عايش مع أمي الان وزوجتي عند اهلها من 4 شهور بسبب قناعاتها اعطيتها فرصه لعل وعسى تتراجع عن قناعاتها ومتاكد ان مافيه أمل
شكرا لكم

لاحول ولاقوة الا بالله ،، الله يشفيك اخوي ويجازيك على اهتمامك بوالدتك لان الام مالها مثيل ولا بديل الله يطول باعمارهم يارب ويرحمهم موتاهم ان شاء الله ..

اخوي انت قلت رحت لشيخ وان حالتك ابتدت مع الزواج فهل من الممكن ان زوجتك ايضا ابتدت عندها المشكلة مثلك ؟؟ ،، زوجتك لربما ترى اخوك المتزوج وعدم اهتمامه بوالدتك في حين انها العرةس واجب عليها رعايتها فمن جذي عملت هالحركات على اساس تترك الوالدة عند اخوك ..

نصيحتي لك ،، والدتك و اصل اهتمامك فيها خصوصا اذا مافي احد حواليها هاذي اللي حملت وربت وكبرت وتحملت ماتحملت وانت العارف بهالشي ،، زوجتك ماعليه تبغي الاستقلالية ولكن الاستقلال يكون من شخص كثير المشاكل وبحسب كلامك والدتك لا تهش ولا تنش وبنفس الوقت تقدر تقترح على زوجتك انك تستقدم خادمة تكون تساعدها ! عرفها بأهمية الام وبرها في الدنيا والآخرة وربي يهديها ان شاء الله ويخلي لك والدتك ويشفينا من كل داء يااااااارب

الله يعطيك العافيه ويجزاك خير
من ناحية انها ممكن تعبانه الله العالم رحنا عشرات المرات للشيخ ومايتاثر الا انا
والمشكله حتى ووضعي كذا ماوقفت معي
والوالده عندها شغالتها ومع ذلك لاحياة لمن تنادي
الله كريم

من حقها الشرعي يكون الها سكن مستقل ..تؤثم ازا خيرتها بين الطلاق او السكن مع امك .. فيك تستاجر بيت قريب من والدتك و تجيب خادمة ترعى الوالدة و انت تروح يوميا تزورها

حاول تحبب زوجتك بوالدتك مو تنفرها منها

كلامك عين العقل