نشتري رجال

يهمنا دينه


يهمنا عائلته

اهم شي يكون على خلق

الماديات اخر شي تهمنا

والمشكله انهم متدينون

واذا جا الجد كله كلام

اهم شي الماديات

كنت ابحث عن من يشتريني ولاكن تفاجات ان الماده هي التي ستجذبهم الي

لذلك اقول للشباب لن ينجح احد هذا الزمن

قرشك يجيبلك احسن واجمل البنات فقط لاغير

تم تعديل العنوان

اخي الفاضل لا تعمم لو كلامك صح كان ماشفنا شباب على قد حالهم ونعرفهم عز المعرفه وماخذين اكبر الحمايل

هذا رزق من الله والصبر الصبر مع الدعاء

والله يرزقك بالزوجه الصالحه

__________________

الله يرزقك الزوجه الصالحه يا متوهق اللي تسرك وتحفظك وتأكد نصيبك بعد ماجا ومهما لفيت ودرت يوم بيي نصيبك ماحد بيقدر يوقف بطريقه

__________________

كلامك مو صحيح ابدا ابدا ... ولا يعم على جميع الناس ...

ولله الحمد .. خطيبي حالته الماديه جيده وفي بعض الاحيان اقل من جيده واهل خطيبي فقراء ...

واهلي وافقو ولم يشترطو عليه أي شي ... وانا الان لي سنتين عقد .. والسبب الماده ... لكن اهلي وانا واهله صابرين

والحمدلله ... فيه ناس بجد تشتري رجال .. لاتعمم اخوي ...

يمكن انت من كثر ماخطبت وماصار نصيب صارت براسك هالفكره وغيرها من الافكار ... ياخوي شكلك بتتعقد من الزواج...

ربي يسعدك ويريح بالك يارب ...

هموووم

__________________
"رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ "

اخوي الغالي انت للحين ما لقيت بنت الحلال ؟

والله لازم هالكلام يصير.. لكن قاعدة التعميم ماتجوز

يعني انا تقدمت حق وحده وهم ناس شاريني قبل لا اشتريهم

في الاخير انصدمت في المبلغ الي طالبينه ك ذهب ومهر وزهبة .. بقيمة 140000 ريال

بس لاني شاريهم وابغيهم .. بصراحة كل الفلوس اتهووون من اجل احصل على من ابغي

تحياتي

__________________

متى زرت والدك آخر مرة ؟

هلا و الله 140 ألف


عزا الله كنسلنا مشروع الزواج


يارجال اولياء الامور اليومين ذي يعرضون بناتهم لاعلى سومة

قال شارين رجال قال

يا اخي ناس عن ناس تفرق .. وطلبات عن طلبات تفرق واصابع اليد ماهي سوى

في ناس راضية بال 60الف مهر وشبكة وزهبة وكل حاجة

تحياتي

__________________

متى زرت والدك آخر مرة ؟

صراحة اوافق اخوي متوهق بعمره في بعض كلامه .. كثير من البنات واولياءالامور يقولون نحن شاريين الريال ... ومايهمنا وما يهمنا .. عقب تشوف لسته طلبات طووويللله عريضه .. بحجة انه ماطلبنا غير عن الناس ..

العرس من حقها
المهر من حقها
الذهب من حقها
بيت بروحها من حقها

صح هاي كله من حقها بس لو تصير تنازلت اشوي .. والرجال قدر لها هالشي واعتبرها شرته كان كنا بخيييييير ومالقينا اغلب شبابنا ذابحين روحهم على الزواج

صراحة في حركه سواها الاستاذ احمد الشقيري بارك الله فيه بانه سوا مقارنه بين تكلفة طلعه " بالحرام " وبين الزواج ... طلعت هالطلعه ماتكلفه حتى الف .. اما اذا كان يبي يتزوج فابشر .. ماراح يظل عنده ريال ...

انا ما اقارن الزواج بطريق الحرام .. بس لازم يتسهل ويتيسر الزواج للشباب وللبنات بعد .. لانه هم في بنات ماعندهم طلبات ومايبون الا الستر ويجون الاهل ويحطون مليون شرط بحجة انهم يبون مصلحتها وخليه يحفى عشان يعرف قدرج << انا ماعرف من وين يايبين هالمنطق !!!!


اسمحوا لي ع الاطاله . لكني فعلا اعرف كثييير بنات " مب كلهم " اللي يقولون مانبي الا الرجال الصالح ولين ياهم قالوا : يعني ماسوي عرس !! يعني ماروح مكان ف شهر العسل !!! يعني انا اشفيني غير عن البنات !!!

وفي المقابل للاسف في شباب اذا عطوه البنت بدون مهر وبدون وبدون ... ذلها وقال اهلج باعينج ..

فالموضوع محتاج وعي من الطرفين !!!


فالله المستعان

اختكم .. ام فطومه

__________________
يارب فرج كل هموم نساء ورجال المنتدى وارزق كل بنات المنتدى الزوج الصالح ... وارزق من يتمنى الذرية الصالحة .. اللهم آميييين ...

يارب يا رحمن يارحيم يا قادر على كل شي .. يارب فرحني في اختي نايت ... عاجلاً غير اجل ...
يارب نسمع خبر ملكتها على رجل خير طيب صالح فالح يعينون بعض على طاعتك وعبادتك ...

[اهم شي الماديات )


كلامك صحيح مية بالمية



في هالوقت الي معه قرش يسوى قرش والي ما معه ما يلزمة



الله يرزقك في هاليوم المبارك بالي تسرك خاطرك ويوفقك يارب يا كريم

__________________

انا ماني مثل غيري اجي بدقة الأصبع انا مهرة من غير فارس عجز منهو يروضها

يعتمد على المجتمع والناس اجناس فيه ناس يزوجون اذا تقدم الرجال ولو ماعنده وظيفه او كان اصغر من البنت او كبر ابوها المهم البنت تنستر وتروح بحال نصيبها

وفيه العكس ولا كاأن فيه ازمه عنوسه

لكن مصيرهم يتحسفون لان الحين اللي يشترى الرجال وياتلحق يامتلحقشششششش !!!

الله المستعان ربي ييسر امورك ونشوفك عريس ومبسوط وقانع وكل شباب وشابات المسلمين امين يارب العالمين.