اول مشاركة لي واتمنىىىى من الجميع الرد (( ارجووووووووووكم انا محتارة))
السلام عليكم ورحمة الله وبركاته...
في البداية احب اهني جميع الاعضاء على هالمنتدى الرائع واللي بالفعل ساعد الكثير وحل مشاكلهم..
ماراح اطول عليكم..
راح ابدى في موضوعي واللي اتمنى من الجميع ان يقول رايه فيه... لاني فعلاااا محتااااااااره
انا عمري 22 سنه امي عندها زميله وعلاقتها فيها اكثر من اخت ... وهالزميله لها ولد يصغرني باشهر..
وكانت هذه الزميله دائما تشتكي لامي ان ولدها ما يرغب في الزواج وخصوصا انه لازال يدرس..
اللي حدث انه في الاجازه الصيفيه سافرنا وصدف انه رحنا لنفس البلد اللي راحت لها زميله امي.. وباعتبار انه زميله امي لها بنات في نفس عمري فكنا دائما مع بعض..
ولما رجعوا من السفر اقترحت الام انها تخطبني لولدها.. والولد ابدا لم يعارض بالعكس رحب بالفكره كثيرا..
الشاب مؤدب ومحترم من عائله جدا طيبه .. لكن اللي مرددني العمر ..
سؤالي .. هل اذا كان الشاب اصغر مني (( مع ان الفرق مجرد اشهر)) فهذا يعني انه ماراح القى منه الدلال او انه مثلا يحس اني في نفس العمر وما ياخذ حريته معاي ولا يعطيني حقي من حب وحنان..
ثانيا وان من المعروف ان المراة تكبر اسرع من الرجل.. فهل هذا ايضا له تاثير ؟؟؟؟
ياليت القى منكم الرد.. واسفه على الاطاله..