بسم الله الرحمن الرحيم
السلام عليكم ورحمة الله وبركاته
انا مشتركه جديده معاكم قررت اشترك في هذا النتدى لمافيه من اعضاء رائعين ..
وانا دائما متابعه لهذا المنتدى بصمت..
وحبيت اجد حل لمشكلتي..

اولا انا فتاة هادئه جدا وطيبه وجميله ومتفوقه بدراستي الجامعيه ولاكــــــــــــــــــــــــــن (((مـــــــــــــالي حـــــــــــــظ))) في كل شي والحمدلله على كل حال..
اولا سوف اكتب لكم قصتي باختصار...!

تعرفت على شاب بطريقه لم اكن قاصده وهو كذلك... احبببته بجنـــــــــــون وهو احبني ايضا كانا شاب خلوق معروف جدا وتحمل مسؤلية اهله منذ ان كان عمره 13 سنه لانه فقد والده وهو الابن الاكبر والوحيد...

الشاب الذي ملك روحي والحب لاول والاخير بالنسبة لي..اعشقه بجنون ..
مرت الايام ومازالت علاقتي بهذا الشاب مستمره....
عرفت امي بامري وسمعت حديث معه.. وبدأت بالصراخ علي و و و و الخ
صارحت امي بانه شاب محترم وانا احبه وهو يحبني وتعرفت عليه دون قصد اخذت امي رقمه دون علمي واتصلت عليه من جوالها ...
رد عليها ويعرف رقم امي دار حديث طويل بينه وبين امي سالته امي من انت؟ فقال اسمه بالكـــــــــامل ..
انصدمت امي تعرفه وتعرف والدته : قالت له امي: الله يهديك قال: امين واوعدك ماادق عليها ابد ابد.

اتصل علي وقالي كل شي وانه ماراح يتصل ويدق و و و و لم اوافق ..
وهو يقول انا مااصبر عنك بس عشان امك ارجوووك!
لم اوافقه على ذالك ابدا ابدا!...
بدأت انا اتصل اذا لم يتصل هو؟..استمرينا سنه كامله حب وعشق وغرام

حب ليس اي حب حب صادق شريف .. حب استمر لسنتين..
اصبح يهتم بدراستي ويقول اناوالله لااستطيع العيش من دونك؟
حريص على كل شي في حياتي يوصيني دائما بامي وابي.. ويقول : انا ضميري يعذبني دائما لاني اكلمك واحاول اتركك بس مااقدر.

واصبح هو الشاب الذي احلم فيه ولا اريد غيره الشاب الذي سوف اعيش معه تحت سقف واحد..
مرت السنه الثالثه... وكان خطاب يتقدمون لي كثير وكنت ارفض الكل من اجل حبيبي وكان يعلم بهذا الشي ودائما يقول: لاتوافقين على احد انتي لي وانا لك..
مرت السنه الرابعه ..مازلت ارفض الكل من اجله ومن اجل ان يرتب اموره لزواج..
مرت السنه الخامسه...
بدؤ اهلي يلحون ويحققون على سبب رفضي للخطاب "امي وابي واخواني والكل يتسال ليش؟؟!
من اجل حبي لن اجعله يضيع ويصبح سرابا..
مرت السنه السادسه...قلت له متى تاتي بسرعه ارجوك اهلي مستغربين رفضي ..
قال : انشاالله بس شهر انتضريني وراح تسمعين امك جايه تقولك..
بعد شهر اتصل وكان موعلى عادته صوته متغير سالته شفيك قال مافيه شي
صار له اسبوع على هالحال سالته: حبيبي شفيك؟
فقال والعبره تخنقه:تعبــــــــــان!
سالته وشفيك سلامتك؟
فقال:شوفي انتي تعرفيني زين ولاتفهميني غلط بقولك السالفه.
انا قلت لامي بتزوج ووافقت وفرحت بس لما قلتلها ابيك انتي ومابي غيرك رفضت وصارت مشاكل بالبيت
وخواتي يؤيدن امي على رايه وقلت لها انا احبها ومابي غيرها ورافضه لدرجه انها تقول منت ولدي ولا اعرفك اذا تزوجتها
وسالتها عن السبب وتقول : الي كلمتك تكلم غيرك!!!
انا وقفت مصدومـــــــــــــــــــه ولم انطق بحرف وسكرت السماعه وانهرت بالبكاء ست سنوات جالسه انتظره والنهايه؟؟!
انهرت من ماسمعته حبيبي الذي كنت احلم فيه!!كان خيال وحلم فقط...
واتصل علي فرديت وسمع صوتي ابكي.. فبدأ بالبكاء معي وقال :انا احبك ولاتفكرين اني كنت اكذب عليك ابد..
فقلت له:اسمع يابن الناس الي يحب يضحي قال: وش فيه اضحي امي ماله غيري وتبي تبرأ مني اذا تزوجتك افهميني ارجوك!
كنت معصبه وقلت له: اسمع لاعاد تدق ولااشوف رقمك سامع! وسكرت السماعه.
بدأت ابكي وابكي..فجأه نادتني امي ورحت عندها فقالت انه فيه شاب متقدم لك والكل يمدحه فقلت :موافقه استغربت وقالت :سبحان الله طيب استخيري قلت انا مرتاحه له وموافقه...
مرت الايام وقالت امي لناس موافقين والبنت تبي شقه بحكم دراستي..
مرت الايام ومازال حبيبي يدق علي وماارد .. ورديت مره وقلت اسمع انا اتقدم لي شاب ووافقت عليه انصدم وقال بهالسرعه ليش؟! قلت انا وحده ماابغى ازعل اهلي وانت الله يوفقك مع البنت الي ترضها امك.. وكان قلبي يحترق عليه ومازلت احبه!
فقال:تتخلي عني بهالسرعه!
قلت :انا ماتخليت عنك انت الي تخليت عني بكل بساطه..
المهم مرت الايام وبدأت اجهز لزواجي ومزلت احبه ولاكن فكرت كثير انه لازم كل واحد منا يروح بطريقه يأست خلاص.

ومازال يتصل وانا احيانا اتصل ياخذني الشوق له..
المهم خطيبي ماطلب يشوفني او يكلمني.. بس امه وخواته جو وشافوني..
مرت الايام وصارت المكله ...وخطيبي ماطلب يشوفني ولا يكلمني..
جاء الشهر الي قبل موعد الزواج ودق علي حبيبي وساعات يبكي وساعات يقول الله يوفقك فقلت له:الله يوفقك خلاص انا زواجي بعد شهر لاتدق علي وبدأت بالبكاء وهو يبكي فقال ابشري وانتبهي لنفسك...
وانا الله عليم بحالي طوال الوقت افكر بحبيبي وحتى مافرحت بشي ابد احبببببه احبه.
المهم امي دقت على اهل خطيبي عشان تودي اغراضي فقالت امه الله يحيك تعالي . فسالتها امي وين الشقه فقالت: بالبيت عندنا فوق!!!
فكرت انه شقه فوقهم. راحت امي ولقيت غرفه لي بس! وقالت:ميخالف يابنتي انا قلت له البنت تبي شقه يمكن مادته ماتسمح!!!.
مرت الايام وجاء موعد زواجي و صار الزواج ودخل زوجي علي.. ورحت للفندف انا وياه بس مارتحت له احس انه غريب شوي مافرحت مادري ليش؟!
ورحنا شهر العسل وكنت طوال الوقت ابكي كان يسالني شفيك؟! واقوله اشتقت لهلي مايدري انه فقلبي شخص وحب ابكي عليه
كنت اتخيل حبيبي معي في كل لحظه وموقف. واحيانا اغلط واناديه باسم حبيبي..! بس الحمدلله كنت اعديها..

زوجي كان جدا مزاح ومرح وفرحان فيني مره يسالني عن رايي بكل شي...
رجعنا من شهر العسل...
رجعنا للبيت الي هو بيت اهله.. فيه امه وخواته كلهم يستقبلوننا.. جلسنا معهم شوي بعدين رحنا للغرفه ..
وكان فيه اخوه الكبير موموجود بالبيت وانا سمعت انه ساكن معهم في البيت فسالت زوجي وقال:اخوي ومرته طلعو من البيت قبل زواجنا بشهرين .
مرت الايام وزوجي معي مثل العسل وأهله تمام
بعد شهرين...كان فيه اربع خوات لزوجي مومتزوجات و ثلاثه متزوجات وفيه وحده من خواته كبيره في العمر ومومتزوجه تقدرون تقولون عانس وبدأت تضايقني بكل شي بكل شي وكنت استحي اقول لزوجي... وبدأت تضايقني قدامه لدرجه لم تتصورونها ..اذا طبخت شي تقول :وع وع وتخرجه من فمها وتقول كيف تاكلونه الحمدلله..
والله انا طباخه ماهره في كل شي ولله الحمد..
مرت الايام وبدأ الكل يضايقني بأستثناء زوجي مللت ولم اقل لزوجي شي
بدأت امه تضايقني بكل شي وتقول لزوجي ليش تخليها تدرس لا تدرس .. واذا جيت اطبخ لازم تدخل المطبخ وتشوف وش اسوي وتقولي ليش الاسراف وتاخذ من ايدي الاكل وتخبيه... واخواته المتزوجات كل يوم يجون عند امهم واذا كنت مو موجوده بالبيت راحو يدخلون الغرفه ويخلون عيالهن يخربون ويستكشفن من كل شي..!!!
مللت حياتي وصار لي سبع شهور.. والحال يزيد من اسوء الى اسوء.!
بصراحه كرهت حياتي.. زوجي يحبني حب جنوني ولم يقصر معي بشي ويعطيني كل شي اريده...
وقدر الله وحملت...
وفرح زوجي كثير ..ولاكن اهله مازالو يضايقوني حتى لم يرحموني وانا حامل وادرس امه تريدني اطبخ غداء وانا مااطلع من الجامعه الا العصر وحالتي لايعلم بها الا الله... مرت الايام وقالت امه وخواته نريد ان نذهب الي مكه وجده واصر زوجي على ذهابي معهم لانهم رايحين بطياره.. رحت معاهم وياليتني مارحت... تخيلو امه لازم تاخذ زوجي معاها وماتبيني اروح معهم وخواته مايبوني اروح معهم واجلس في السوق لحالي وامه وزوجي يتعشون وانا متاكده انها تصر عليه يتعشى معاها لحالهم وخواته يتعشون لحالهم ونروح لشقه وزوجي يصر يجيب لي عشاء وارفض لان مالي نفس ولا احب اكل لحالي ..
ومره كنت بجلس على الكرسي وسحبت اخته الكرسي وجلست عليه وانا طحت بالارض وكنت حامل في الشهر الخامس..!! وتعبت بعدها مره وزوجي يتاسف عنهم.!

مرت الايام وحالي مع اهل زوجي لايطاق! جبت بنت ولله الحمد جبتها في شهري الثامن من التعب الي شفته
مرت الايام وقررت افاتح زوجي بموضوع نطلع بشقه ولما قلت له رفض بشده وقال مستحيل امي مين عنده!! مع العلم(امه مطلقه) (والبيت الي ساكنيين فيه بيت اخواته مدرسات هم شارينه لامهم) عشان كذا دايما يعاملوني بحكم البيت بيتنا. وكل يوم يجون..
فقلت له :امك عندها اربع بنات بالبيت وغير خواتك كل يوم يجون وسواق يلبي طلاباتهم..
فقال :انسي السالفه..

الان صارلنا سنتين متزوجين وبنتي عمرها سبع شهور وحياتي لاتطاق مع اهل زوجي..
واخر مره قبل اسبوع فاتحته بموضوع الشقه ورفض وبعد نقاش حاد بيني وبينه اعترف انه امه هي الي رافضه يطلع من البيت وانه مايقدر يزعلها و قلت له: الله يخليك لمك ويخليها لك انا رايحه بيت اهلي وماني راجعه ...رحت بيت اهلي وازعجني بالتصالات ويحاول يقنعني وكل شوي جاي يشوفني ويحاول يتفاهم معاي ويوم الثلاثاء رجعت معاه ...
ارجوكم ايش الحل؟! كيف اقنع زوجي..! وانا افكر بالانفصال ..

السلام عليكم
من اركان الايمان الست الايمان بالقدر خيره وشره
وزواجك وابنتك من قضاء الله وقدره "تفكيرك المستمر في الحبيب الاول اصبح الان معصية كبرى حاولي التخلص منها واحمدي الله على نصيبك "خاصة ان زوجك يحبك
ضعي نفسك مكانه فهو يريد ارضاء الجميع
التصرفات التي تتعرضين لها عادية وتقع لجميع من كانت مكانك
توجهي لربك بدعاء خالص واصلحي علاقتك بالله واكثري من الاذكار يصلح الله لك امرك فقلوب العباد بيد الله قادر على تحويل المعاملة القاسية لجيدة ان صبرت واحسنت التصرف في كل موقف تتعرضين له
نتمنى لك التوفيق
تحياتي
سفير القرويين

__________________
ما تخطه هنا ستجده هناك "فاحذر ان تكون هناك من النادمين

يا عزيزتي استهدي بالله
.. صح الي مريتي فيه موسهل ولله يصبرك
بس الآن مشكلتك الوحيدة هي الشقه.. زوجك والحمدلله طيب ويحبك وكمان لما رحتي عند اهلك ما طنشك..
وضحي لزوجك الأمور الي مضايقتك في بيته اهله.. وقوليله على المواقف الي تصير معاكي
وانه بنتك ماشاء الله كبرت وحابه تتوسعي وتاخدي راحتك..ممكن تستأجرو شي قريب من بيتها ويزورها كل يوم..
وان شاء الله خيييييييييير .. الله يريح بالك

__________________

>> لا إله إلا أنت سبحانك إني كنت من الظالمين <<

اخي اشكرك على ردك واعلم انني اتجهت الى الله قبل اتجاهي لهذا المنتدى ولاكن اذا انا مومرتاحه بيتي ولا ماخذه راحتي (ولا احب زوجي) غصب عني ماحبته مااقدر اتحمل وجوده جنبي فما بالك اثناء الجماع..
رغم اني ارحمه واقول وش ذنبه.

المشكله .. نخاف تطلبين الطلاق و حبيبك انسي انسي لنسي انه بيرجع لك خلي اليأس علاجك علشان تشوفين زوجك بواقع صادق .. وممكن تطيحين في زوج سيء ..

بس خليني اسألك ..
كيف ما سألتوا عن البيت في بدايه زواجك ؟؟... بس يالله قدر الله وماشاء فعل ..

وايش رده فعل زوجك من تصرفات اخواته ؟

وامه ايش رده فعلها ؟

قصتك مع حبيبك السابق كانت في معصية الله فاستغفري الله منها

والعلاقة التي كانت بينكما محرمة حتى مجرد مكالمات هاتفية

تعلقتي به وصدقيني لو كان يحبك كان خطبك مهما كانت الظروف

ثم لو كان يحبك حقاً وفي قلبه الخوف من الله لترك العلاقة والمكالمات معك بعد أن علم بخطبتك وملكتك من شخص آخر

وصدقيني بحكم خبرة في أحد الجهات الأمنية أغلب هؤلاء الشباب تجده مرتبط بعدد من الفتيات وكلهن متعلقات به وفي

مخيلتهن أنه فارس أحلامهن ولا تعلم إحداهن عن الأخرى ، وهو يجيد هذا الدور على الكل وإن جاء وقت الحلال فر فرار الحمر ، وحبيبك السابق

قالها لك بوضوح على لسان أمه : الي تكلمك تكلم غيرك ! بمعنى آخر من تكلم رجلاً غريباً وهي عند أهلها فلا يُستغرب عليها بأن تكلم رجلاً غريباً وهي مع زوجها ،

فاحمدي الله أولاً وأخيراً ، وأتمنى فعلاً قطعتيه حتى في النية بأن ترجعي له

ولا تجعلي ذكرى هذا الحبيب المزيف يدمر حياتك الجديدة

وأما مشكلة السكن وأهل زوجك إن كانت هي المشكلة فاطلبي سكناً مستقلاً بالتي هي أحسن وصارحي زوجك .

المااااضي شئ رااح وانتهى عليك الان بحاضرك ومستقبلك ...



بالنسبه للبيت انتي قلتي غرفه فوق مايقدر يكمل عليها صاله ومطبخ ...؟
هلاشكال من اهل الزوج والله ماينفع معاهم السكوت والتطنيش والصبر على تصرفاتهم اذا كانت تتعدى عليك بهالصوره .
ناقشيه ان لك كرامه واحترام بالبيت ومنت ملزمه الا بخدمة زوجك ...وقولي له اهلك اعرف انت ولدهم ولهم حق عليك مثل مالي انا حق عليك ... لا ضرر ولا ضرار ... مااقولك اقطعهم لانه اهلك مهما كان وانا اعرف هالشئ لكن بنفس الوقت مايهضم حقي انا بالبيت .. وانت تحبني وانا اموت فيك ودامك تحبني اكيد تدور راحتي ... وانا صبرت لان احبك
بس ماشفت لصبري فايده الا يتمادون اكثر الله يسامحهم ...

انتي شوفي نقاط ضعف زوجك واستغليه .. يعني اذا حنون هو ناقشيه بهدوء وكم دمعه خليه يرق حاله عليك ...
على الاقل تسكنون لو قريب منهم المهم انك تستقلين عنهم سواء فوق لوحدك او برا البيت افضل ..

وووقتها خلي علاقتك رسميه معاهم ولاتخلي اي تصرف منهم يستفزك .. الله ييسر امرك يارب وعليك بالدعاااااء اكيد

ماضييييييييييييييييييييك انسيه لتعيشي مع زوجك بسلالالام ...!

بجد .....
الاول اعتبريه مات ...يعني اذا تطلقتي بيجيلك بيلعب كم سنه ويفاجئك بتزوج ..!!

حبيبتي

ارجعي بيتك وقبل تفاهمي مع زوجك بخصوص متااااعبك
وقولي له

يزيد ع غرفتكم مطبخ ......

خلي هذا مطلبك

ليكون لك مطبخ الخاص بك وبزوجك
ويكون لغرفتك مفتاح ويكون معه هو المفتاح لاجل اذا رحتوا من البيت مايحوسون الاطفال بلغرفه .

لاتشكين من امه ولا اخته احس هلشيء بيغير نظرته فيك ....وبلاخص وانتي ببيت اهلك ...! يعني زوجك مو براضي ببعدك عنه !وتجين تشكيييييييييين من اهله مابيصدق وبيقول وش مسكتك ؟؟؟

فااتمنى تقولي هلشرطين وتعيشي بسلام .....

وتقولي ماتحبي زوجك ....ليه ؟
هو طيب وحنون .....واتحداك من حنانه وحبه تعيشي من دونه
اكيد ع الاقل انك تودينه ...
كيف اجل جبتي بنتك وانتي قلتي ارحمه واقول وش ذنبه ؟؟؟


حبيبتي
انسي الماضي تعيشي براحه وسلام
وقولي الشرطين اللي قلتها


وبصرحه ما اخفيك صعبه انه يبتعد عن امه وهو ولدهم الوحيد صح امه مستغنيه بااخوته المتوظفات ولكن
امه ومعها ولدددددددددددد وحيد ويبتعد ! احسها بينجرح قلبها

ع الاقل يبني شقه لك بلدور ال2 ....
او كما قلت يزيد كم غرفه ومطبخ ع الاقل ...وبلاخص المططبخ
لاجل ماتتعبي بلطبخ لهم وانتي عندك جامعه .

هاه وش رايك ؟

__________________
اللهم فرج همي وهم كل مسلم ...

حبيبتي اسفه لاني رجعت لكن توني انتبه

للموضوع

ارجو ايجاد حل لي ؟؟
عطيناك حلول ......وباذن الله تعملي بها ....

افكر بلانفصااااااااااااال ؟؟؟

هذا اللي استفزني

ليه ؟هل من اهله ....لا بلعكس اعملي بلحلول وبتعيشي بسلام ومابتوقع ان زوجك بيرفض يزيدك مطبخ ويمكن زياده غرفه.
والاهم المطبخ ..قولي له انا اتعب ابي استغل بمططبخ ...ابي اذوقك من يديني واخذ راحتي ومن هلكلام الحلو والمؤثر ..

وزوجك يحبك وحنون والدليل انه للان متواصل ويكلمك رغم ذهابك لاهلك ...صح هذا واجبه ولكن اتكلم عن اغلب مجتمعنا ,,,!
الزوج يطنش زوجتها كم شهور ثم يبدء بلحل ..!واغلبها ماتنفع ولا اذا قالت الزوجه اهلك.......الخ ! قال ماتبي اهلي !
لا
زوجك يحبك وانتي كذلك ولكن اتوقع انك حنيتي للماضي ....بسبب تعبك بحياتك الان مع اهله مو معه هو(زوجك طبعا )
لاتظلمي زوجك والسبب تعبك مع اهله
زوجك يحبك وهو يحاول رجوعك له ....ويحاول يرضيك وهو يحاول
اشتري حيتك
لاتهدمي بيتك بيدك ....والسبب امه واخواته ...استغلي بمطبخ وغرفه ان بغيتي ...وهذا هي شروط رجوعك ...
زوجك شاريك
واحمدي الله عليه ماشاء الله فاانتي شكيتي من اهله ولم تشتكي منه بل مدحتيه ....
وهو لم يقف مع اهله ويتحيز لهم بل كان يخجل من تصرفاتهم ويتأسف لك بلنيابه عنهم ...
هذا عقله حكييييييييييييم ماشاء الله ...
ولك احلى بنوته
ففكري معي

الانفصال تفضلينه وحيااااتك مع زوجك هنيئه تحلم بها اي زوجه ...
بعيدا عن اهله فهم سبب تعبك النفسي والجسدي ...
فقولي لزوجك الحلول ...وباذن الله يفعل بها لراحتك وراحته بعد
ولو ان زوجك يعاني منك من ناحيتك مشاعرك اتجاهه
لتركك ببيت اهلك ويصارحك ايضا ...

حياتك مريحه الزوجيه طبعا .

فالحمد لله .
....

__________________
اللهم فرج همي وهم كل مسلم ...

اختي الكريمه ..

حطي في بالك .. حبيبك الأول ماراح يرجع لك ابد انسسسسسسي يرجع .. ماتزوجك وانتي بنت فما راح يتزوجك وانتي مطلقة ومعاكي كمان بنت !... يعني الأول اعتبريه مات .. وتلاقينيه بعد تزوج وعايش مع زوجته وماجاب ذكراك في باله .. فلا تخربين بيتك علشان خيالتك الورديه معاه وتقارنين زوجك فيه بمقارنه ظالمة ...
وكمان لو تزوجتي واحد غير زوجك ممكن يكون سيء يضرب او شرس او او ..الخ و كمان فكري في بنتك .. و وضعها لو تطلقتي ...
مادام زوجك كويس .. تعوذي من الشيطان وشيلي حبيبك من مخك وبتحبينه ..
ومشكلتك مع اهله ..مادام اخلاقهم سيئه كذا .... لا ترجعين تعيشين معاااهم ابداً لو يطير زوجك .. حطي له خيارات يختار منها ..
يطلع ويستأجر قريب من اهله
او
يقسم من بيت اخواته لك شقه منفصله بمدخل منفصل .. وانتي لك مدخلك الخاص و مطبخك وكل شيء يعني كأنهم جيرانك .. و يستأجره منهم علشان ما يرفضون والبيت بيتهم .. ويقنعهم لو بعدين فتحها ربي على زوجك واشترى بيت ملك تكون هذي الشقه مصدر دخل لهم ..

تعيشين معاهم لا... علشان تتعدل العلاقات بينكم ...

غيره لا ترجعين للمرمطه والإهانات .. .. اريح لك واريح لهم ..