آلسلآم عليكم ورحمة آلله وبركآته

بدخل بآلموضوع علطول
آنآ عزبآء عمري 32 سنه غير موظفه حلمي آتزوج حآلي حآل آي بنت ويكون عندي آطفآل وبيت
بس للآسف للحين مآجآني آلنصيب
آلمهم آنخطبت من شخص عمره 40 سنه عنده 4 آطفآل وزوجته متوفيه حآلته آلمآديه لآ بأس بهآ وآلحمدلله سئلنآ عنه وآلكل يمدح فيه بس آنآ متردده كآن حلمي آتزوج شخص مو متزوج قبل بس مآ آلله كتب لي غير هذآ
حآليآً كل آللي يخطبوني يآ مطلق وعنده آطفآل آو متزوج آلله آلمستعآن
حبيت آخذ رآيكم كيف بتعآمل مع آطفآله وهل بيتقبلوني وآنآ كيف بعيش معه وهو بين آطفآله يعني مآبآخذ رآحتي ببيتي ووووو وآسئله كثير برآسي حيل متردده آوآفق آو آرفض آلله يكتب لي آللي فيه آلخير
آتمنى تفيدوني بأرآئكم آلله لآ يحرمكم آلآجر
آعذروني على آلحوسه وآللخبطه بآلكلآم بس وآلله هذآ آللي طلع معي فكري مره مشوش

بأنتظآركم

وعليكم السلام و رحمة الله و بركاته
حياكي الله يا نزف بيننا ..
أنا رأيي ما دام الرجال ولد حلال و سمعته زينة و أرمل
يعني هاذي مواصفات حلوة الحمدلله
و أطفاله لا تاخذين هم أكيد بيدبرهم بشغالة هذا اولا
ثانيا مليون بالمية حيتقبلونك لان امهم متوفيه مو
مطلقها ابوهم
يعني اذا راعيتي الله فيهم و احتسبتي الأجر بتكوني
انتي امهم الحقيقية
و بالنسبة لحريتك في البيت ، أكيد حياخذهم لخالاتهم يوم
و عماتهم و تلاقين لك فرص حلوة ،،
قبل فترة قريت أنو البيت اللي فيه يتيم بركة
يا بختك بالآجر ،
موفقة يا رب

__________________

‏
الوعي هو الملاذ ..

أستغفر الله العظيم ؛
( الفردوس غايتي )

فرق السن جيد
سمعته ممتازة ,,أيعني أنه ملتزم يخاف الله.؟
أذا كان ممن يرضى دينه و خلقه
و سألتوا عنه جيدا ..فتوكلي على الله

__________________

ياقلبي عمر 40 مناسب لك واذا مو مبين عليه العمر شي حلو كمان

لاكن حطي بالك حاجه وحده اذا انتي مو مرتاحه لاتاخذيه ولا تجلسي تقولين فاتني القطار انسي ذي الكلمه

وطبعا لاتنسين الاستخاره في رجال اعمارهم اربعين مو متزوجين يمكن يجيك ماتدرين وين النصيب

فكرررررررررررررري عدل والى عنده اطفال معناته يبيلك تتحملين مسؤليتهم فانتي مانتي مجبورة

بالتوفيق لك

هلا فيك ,,

انا اشوف انه تاخذيه ,, لأن احلامنا مو كلها تتحقق.. والبنسبه لأطفاله اكيد انك عروس جديده وما يبي يخليك بحوستهم اكيد بجيب لهم خادمه ,,

تحياتي

الله يوفقك يارب وانا اشوف العمر مناسب بس استخيري اول
والعيال اعتبريهم عيالك وراعي الله فيهم وماراح يتعبونك انشالله
حبيهم ترتاحين

مصير العيال يكبروا وانت كمان راح تكبري ويجازيك الله على فعل الخير اعتبريهم مثل اولادك واتفاهمي مع زوجك على كل شئ صح تربية الاطفال صعبة شوي لكن لو عاملتيهم مثل اولادك والله راح يحبونك مثل حبك لهم تقربي لهم كثيرا حسسيهم انك مهتمة بهم وبمستقبلهم الله يوفقك يا الغالية ومبروك عليك مصبقا

__________________
اللهم اني اعوذ بك من درك الشقاء وسوء القضاء
اللهم اني اعوذ بك من زوال نعمتك وتحول عافيتك و فجأة نقمتك ومن جميع سخطك امين رحمتك يارب ان لله وان اليه راجعون

مشاء الله نقول مبروك لك انشاء الله ونصحيه لك ولغيرك مش كل مره يجي عريس الزواج قسمه ونصيب والوحده ماترد نصيبهاا
واتمنى لك التوفيق

الله يوفقك ويكتب لك الخيرة في امرك

__________________
يارب ابدل حزني فرحا وسرورا وابدل مرضي صحة وعافيه ياكريم

ليش ماتسالون العريس عن هاذي النقطه
العيال وين بيكونون هل عندهم خدامه تقوم بشؤونهم او لا
وبالاخير استخيري