السلام عليكم ورحمة الله و بركاته ،،،
اخوتي الكرام
راح اقلكو تجربة عنجد اعرف يمكن مكررة بس من سعادتي فيها بدي ازكر الجميع فيها
قبل 3 ايام حصلت مشكلة انا وزوجي
وكان الوضع واصل لاعلى درجاته مع زوجي من الزعل مني
كان زعلان بشكل ماعمرو زعل فيها مني مستحيل
واعتقدت سيأتي لمصالحتي بعد قليل كالعادة
لكن
الرجال ضلو زعلان وماعرفت اعمل شي كل مااجي احكي معاه يولع نار
لانو موقف كان عويص وبزعل كتير وكانت غلطة كبيرة جدا مني بتسرع وعدم تفكير
لااوصف التعاسة الي صابتني الايام الي فاتت
كان زوجي زعلان زعلان زعلان
مااقدر احط عيني بعينو
واتخى منو لم ااشوفو رجع عالبيت
المهم
انا تزكرت موضوع الاخmohdmajd2
عن الاستغفار
وكنت انا لااقدر ان اتحمل اكتر من هيك كوني بالغربة ومالي غيرو
ومابيهون علية زعلو ومابحب اشوفو غضبان علية خاصة ما عمري شفتو بهيك حالة ابدا لانو طيب وحنون ماعمرو بقسى هيك
فقررت يوم أمس بعد مضي يومان من الزعل
ان استغفر طول الوقت
وفعلا استيقظت وضليت استغفر وادعي بشكل كبير جدا
كنت خايفة لكن واثقة في الله انو ماراح يخذلني
وكنت امبارح كلمتو عالمسنجر وكان لسة معصب ومنرفز وما استبشرت خير ابدا
لكن رجعت اتوكل واقول
الاستغفار الاستغفار الاستغفار لن يذهب هباء
وفعلا
استغفرت كتير كتير
وبنفس الوقت كنت ابعت لزوجي مسجات و مصالحات واحضرت بوكيه ورد ووضعتو له عالسرير
المهم
لما رجع
ناااااااااام
وصحي عال11 بالليل
و
تحقق املي
واجا يصالحني وكلو حنان
وتناقشنا بالموضوع
وتصافينا
والحمدلله رجع كل شي احسن من اول
واحسست نفسي اطير من الفرح
ما شاء الله لاقوة إلا بالله تبارك الله
فعليكم بالاستغفار صدقوني
رائع جدااااااااااااا
.
.
.
اما النصيحة الاهم من هادا كلو
يا جماعة
ماحد يتكلم عن سعادتو الزوجية او اي شي مفرحو بالحياة
الحسد موجودة والعين حق
ياجماعة ماحد يحكي شي عن حالي بالمنتدى
ارجوكو
اقلكو ليش؟؟؟
اقسم الكو كل ماكنت امدح بزوجي او اقول شي حلو بحياتي عالمنتدى
تصير مشكلة او نكد مع زوجي
صدقوني النا 10 ايام عين وصايبانا بشكل غريييييييييييييييييييييييب
بس الحمدلله كل شي راح ورجعنا احسن
او حتى ايام الخطبة
ماانتبهت ولكن بالفترة الاخيرة ربطت ووجدت انو السبب الحسد
اعرف انو بنحكي بحسن نية ولمشاركة الاعضاء تجاربنا وفرحتنا
لكن
الحسد انتبهو
بيودي الجمل القدر والرجل القدر
طبعا لااقصد هنا اي عضو
ولا اقصد انو الاعضاء حسودين
لكن ياجماعة الانسان ممكن يحسد من غير قصد
مجرد انك تشوف شي حلو وماتحكي ما شاء الله
بتكون حسدتو
انا بحرص احكيها لاي شي عجبني خوفا من اني احسد
ثم الي بتجيي تحكي عن ساعدتها مع زوجها
ويوجد في نفس المنتدى تعيسة اخرى من زوجها
اكيد راح تتحسر وتحسد من غير قصدها
وكذلك في كل امور الحياة مش شرط الزواج
خلاصة الكلام
مافي داعي للكلام عن سعادتكو
انا ماكنت احكي كتير بس لما احكي اشعر بالحسد فعلا
الحسد نار خلو بالكو منها
احرصو على سعادتكو
لي عمة ماتت بسبب الحسد
تيتة بتقول انو عمتي زمااااااااااااان قبل الهجرة 1948
كانت الها ابنة اكبر من بابا الي ماكان مولود ايامها عمرها 15 سنة
وكانت جميلة وفعلا شفت الصورة البنت كانت تحفة جمال
اضافة انها نشيطة وتساعد امها وكانت مشهورة بالحي انها بنت (معدلة)بالفلسطيني يعني
ست بيت وطباخة واخلاقها عالية ونشيطة وكاملة والكمال لله
والكل كان يتمناها
وايامها كان الجهل منتشر
ماكانو يعرفو المعوذات والكلام هادا او التحصين
وكان الهم جارة حسوووووووودة
كانت بس شغلتها تطلع بالبنت وتبحلق فيها وتحكي هاي (...) بتجنن حلوة معدلة شو هاي
وتعاتب بناتها
شوفو فلانة اعملو زيها
وكل الحارة كانت هيك يتغزلو بالبنت
وبحلقة بالبنت
فجاة فجاة فجاة
دخلت البنت البيت
اصابتها حمى
وماتت من تاني يوم
فانتبهو ياجماعة جيداااااااااااااا
ارجوكو انتبهو
وان كنتو حابين تشاركو المندى بتجاربكو اوكي حلو كتير لكن باسلوب افضل
يعني ممكن تقولو (((طريقة حلوة لارضاء الزوج انو تعملو كزا وكزا)))
مافيه داعي تحكي (((والله اليوم عملت وزوجي انبسط وسوالي وعملي)))
لاتعملو تخصيص
والله احبكو بالله وانتو اخوتي بالله وياما وقفتو جمبي واخاف عليكو
طبعا الكلام ينطبق عخارج المنتدى وهوة الأهم
ماتحكي عن شي قدام حد
مابتعرفو نفسيات الناس
انت بتمدحي زوجك قدام وحدة يمكن تعيسة من زوجها
وقولو دايما ما شاء الله لانو مايحسد المال الا صحابو
صدقوني مرة كنت بقول اني بنام كتير وانو نومي مش طبيعي
والله تاني يوم ماعرفت انام ولادقيقة
!!!شايفين
انا خبرتكو
والله يبعد عني وعنكو كل الشر امين
ادعولي بالتوفيق وهدوء البال انا وزوجي ويبعد عنا الشر
05-06-2007, 12:18 PM
تجربتي المهمة و نصيحتي الأهم :::
ضوابط المشاركة
العرض العادي
