بسم الله الرحمن الرحيم
السلام عليكم ورحمة الله وبركاته :
أختي العزيزة الهنوف ... طبعا لا وصيكي على أمك مهمن تسوي فيكي وتزعلك مفضروض إنك
ماتزعلي منها أو تقلقيها عليكي زي كذا ... وتخلينها تدق على الجوال وتطنشينها عارفه ليه حبيبتي؟
لانه لاسمح الله الحين تلاقين تفكيرها راح أنوا صار فيكي شي لأنك خرجتي من عندها زعلانه
خصوصا انك على طول أول مافاتحتكي في سيرة إنها تبغى تقلك حاجة بس خايفة ... وطبعا إنتي
فهمتي إنها تخاف تقلك عشان لاتقولي السالفة لزوجك ...
الهنوف إختي حابه أسئلك اذا كنتي الوحيدة من بين خواتك متزوجة فهي تتوقع إنك ماتخبي شي عن
زوجك ... والسبب إنها مش متعودة على الوضع ... فهي أكيد بخاطرها تقول لازم إنها تقول كل
شي لزوجها وماتخبي عليه شي خصوصا يالهنوف على حسب مافهمت منك مرة من المراة إن
زوجك إنسان مبسوط ماديا ... فهي خايفة إنه ياخذ موقف منهم ويبعدك عنهم ممكن يروح تفكيرها
لكذا ...
ولو حتى كان بقية خواتك متزوجات فهي أكيد خايفة إن زوجك ياخذ موقف منهم هو بالذات لأنك
الغالية عندها وماتقدر على بعدك وهذا الشي مخوفها عيوني .... ويمكن في سبب ثاني أختي العزيزة
إن أمك ماكانت تخبي شي عن أبوكي الله يرحمه ويسكنه الجنة ... فهي أكيد تتوقع إن كل متزوجه
بتسوي نفس الشي اللي هي سوته ...
أما الحل عيوني إنك تجلسي مع أمك وتفهميها إنك متضايقة كثير من تصرفها وإنها مو لازم تفكر
ذا التفكير ... وإنك تقوليلها جربيني مرة وشوفيني أنا أعلمه ولا لا ... وقوليلها كمان أمي اذا كان
ذا تفكيرك فيني ومنتي مقتنعه إني ماعلم زوجي بسوالفكي فرجاءً إنك معد تتكلمي قدامي بالمواضيع
هذي وتقولين لا الهنوف فيه مقدر أتكلم عشانها تعلم زوجها لأن ذا الكلام يجرحني حيل لأني صرت
أحس إني من يوم تزوجت صرت عدوه ماكني بنتك ... فيمكن كذا راح تحس بغلطها معاكي ...
وطبعا يالهنوف حبيبتي هي ماحتتغير أول ماحتعاهدك بس كل مازل لسانها بنفس الكلمة لا ترفعي
صوتك ولا حاجه ... بس ذكريها بكلامكم وبوعدها وقوليلها ياتكملين السالفة يا إما أنا أخرج
وتاخذين راحتك مع خواتي وتفضفضي اللي بقلبك لهم .. يا إما تكملي كلامك كلامك وتثقين فيني
فأنا بنتك والثقة مفروض تكون بينا كبيرة ... وهلم جرا إلين تنسا وتصير معد تقول كلمتها المعهوده
الهنوف فيه ماقدر أتكلم ...والله يكون بعونك عيوني ...
ولا تنسي الحين لازم تكلميها وتطمنيها عليكي وتقوليلها لي زيارة ليكي وراح أجيكي بكرة ونشوف
حل للموضوع ولا تنسي عيوني إنه تتحكمي في أعصابك وتفهمي منها هي ليه تقول كذا
يمكن شافت شي أو أحد قلها شي عنك خلاها تشك فيكي فحاولي تعرفي السبب وطبعا إذا
عرف السبب بطل العجب ... وياريت لمن تقرري تروحين عندها مايكون الكلام قدام
خواتك إنتي وهي وبس ...
أختـك : شمـــــــــــوخ....-