السلام عليكم و رحمة الله و بركاته..
في الحقيقة انا من متابعي مواضيع هذا المنتدى الاكثر من ممتاز و الله يعطيكم العافية لاني استفدت كثيراً و لله الحمد .. ولكن لم اتوقع في يوم اني بشارك و يكون عندي استفسار حتى وصلت مرحلة الاقبال على الزواج
أدري طولتها .. الصراحة احس نفسي في شبه مشكلة .. و اتمنى المساعدة منكم .. السالفة و ما فيها يا طويلين العمر ان زواجي بعد 3 اسابيع ان شاء الله .. و خطيبي واحد من الاهل على خلق و دين الحمدلله و بينا مكالمات هاتفية من تقريبا 3 شهور على اساس ان نتعرف على بعض اكثر .. و الحمدلله ارتحت له وايد .. راح تكون الملكة قبل العرس بيوم و بعد العرس بنسافر اليوم الثاني .. انا وايد استحي منه اذا شفته بس بالتلفون لساني طويل ( على قولته ) .. انا عايشة بازمة نفسية مع اقتراب يوم الزواج لان مافي وقت للملكة لكي اتعود عليه و فوق كل هذا بنسافر اليوم الى بعدة و بكون بروحي معاه احس اني ما اعرف شلون بتصرف ..
المهم انا بينت له هالشي و هو وابد تفهم.. بس مصر على السفرة و سماها رحلة تعارف!! .. يقول علشان نعرف بعض عدل .. و الي فهته ان ما راح يدخل علي الا بعد شهرين .. لاني بكون عند اهلي هذه الفترة .. احس السالفة ملخبطه
المهم انا استحي افهم امي هالشي ... و طبعا هو راكب راسة و الا نسافر .. بس شلون بكون معاه؟ .. يعني معقولة بكون معاه 7 ايام في بلد غريب و بنفس الغرفة مجابلين بعض 24 ساعة و تكون بس تعارف !!! .. حتى مو عارفة شنو لازم البس له وقت النوم .. بجامتي ام دب ولا قميص نوم؟! .. الله يخليكم فكرو معاي مادري شسوي
آسفة للاطالة .. و شكرا
أختي الكريمة كيف ستتزوجين وتسافرين
لأجل التعارف فقط ، هل بعد الزواج يتم التعارف
وإن سلمنا بهذا الكلام فكيف ستقضي وقتا معه
يزيد على الاسبوع دون ان يحدث بينكم شئ
ليتك تستوضحين الأمر منه لأنه فعلا شائك خاصة
انك قلتي انه لن يدخل بك الا بعد شهرين !!!
بجد مو فاهمة شي ، أعتذر لأن اقول ذلك
اختي العزيزة .. و الغالية ...< Aeonian > .... يبدو ..بأنكي كنتي منعزلة ..عن الثقافة ..الزوجية .... ولم تكن لكي خلفية مسبقة ...
لكن ...بإمكانك ...ان تتصفحي المنتدى ... وتبحثي ...في المواضيع الهامة .... كي تتسع ...عندك بعض المفاهيم ....
فترين ...أشياء ..بعد الزفاف ...لم تكوني ...على علم بها .... لكن ...بما انه ...قالك ...انه مو داخل ..عليكي ...إلا بعد شهرين ...وهذا شئ فعلاً غريب .. ومحير ... جداً ...
بس...يبدولي بأن لديكي خجل كبير بمواجهته ...لكن في الهاتف ...ما شاء الله تبارك الرحمن عليكي ....
بس على فكرة ...بالنسبة للسفرة .... طالما انه مصر ... على ذلك ..فلا بد إجابته ... و اما بالنسبة للملابس التي ...تلبسيها ...
البسي ..اي شئ يعجبه .. ويكون جذاب ...بس انتي تقولي ...انك منتي متصورة ..كيف سوف تختللين. ..معاه ... لا داعي ..لهذا
الأن ...لكن عندما ..تختلين ... سيشعرك بالامان ... وهو اصبح زوجك .. وشريكك في السراء و الضراء ... فلا حياء .. ولا خجل ..زائد ..
و الله اعلم ...
وشكراً ...
Game Over
__________________
قال أحد العقلاء في وصفه للظالم:-
أي صفة سيئة تنطبق على الظالم ... و أتوقع أنه يكفيك كلمة ( ظالم )
التعديل الأخير تم بواسطة Game Over ; 01-02-2004 الساعة 03:24 AM
شكرا اختي المخلة على الرد السؤيع..
بعد شهرين لاني بكون في هذه الفترة عند اهلي الى ان ينتهي من بنيان بيته .. حاولت ابين له ان السفر ما ل داعي في هالفترة .. ولكن لا جدوى .. اهلي مساعدينة و موافقينه الراي لان حسبة ولدهم ..
السالفة امعقدتني
أختي انتي تقولين أنج تكلمينه يعني انتي الحين في فترة التعارف اما بعد الزواج يكون هناااك ما هو أكثر من التعاارف...
في بناااات يتزوجن من غير ما يتم تعارف بينها وبين زوجها قبل الزواااج.... ولا يحاتن مثلج...
لكل حادثه حديث .. يعني خلال السفر بتعرفين كيف تصرفين كوني طبيعيه ...
ألبسي شي مستر وأنيق يعني قمصان النوم المخصصه لليلة الدخله الي من قطعتين وانتي ادرى .. بي لازم ما يكوون عاري واايد..
بس ملاحظه مستحيل الرجل ما يقرب من زوجته الا اذا ماا عجيته واذا عجبته مستحيل يهدهاا .. تعرفين يمكن هو ما يريد يخوفج فقالج انه ما بيقرب منج وتعطينه الاماااان
الله يوفقج مقدما ومنه المال ومنج العيال
شكرا Game over .. هو قالها لي بصريح العبارة ( ما راح يصير شي ) .. يعني لازم اكون مراقبة الي بالبسه له علشان ما يروح باله بعييد ! يعني و الله حاله في واحد يقول حق زوجته ماراح ادخل عليج .. و انا ادري امي الي بتشرف على شنطتي .. يعني بتحطلي قمصان نوم و ما اقدر افهمها و بتستغرب
اذا بتحاتين الي بتلبسينه مثل ما تقولينه والله في قمصااان مستره بس تهبل ..... ولا تنسين العطوووور والبخوور الها تأثير كبير ولا التشيك والدلع الطفولي والبريئ والحياء حلو....وبعدين كلمي امج .. لازم يكوون لج راي في لبسج ...مثلا أمي ما تتدخل في شي وتفاجأت من قمصااان نوم اختي لما جت تزوج , لأنها فهمت انه كل شي تغير ... ولازم يكون النا وجوود
وبعدين ريحي بالج انشالله بيصير شي ... ريلج ما يبي يخوفج ويريدج تتطمنين عشان ما تخافين من ليلة الدخله يبى كل شي يصير بحب ..وتفاهم
دوري على حد فاهم في العايله ولا ما صديقاتج ..والي عندهم خبره .. بتلاقين صدقيني .... وطلعي السوق مع من نشوفينها من اهلج ذوقها حلو ويعتمد عليها ... مثلا أنا زواجي بعد سنه تقريبا بس أسال المتزوجاات من اهلي .. صح استحي .. وأشوف شو يشترن من السوق ... والحمدلله صارت عندي خبره بعض الشي .... حتى مرااات اشتري بعض الاشياء الي تعجبني وخزنها في الخزانه ...ههه
التعديل الأخير تم بواسطة ezil3ah ; 01-02-2004 الساعة 03:47 AM