السلام عليكم


أنا لا آتي إلا عندما تضيق بي الظروف ،إخوتي وأخواتي الأعزاء :

ربما البعض يعرفني منذ كنت أبحث عن زوجة قبل أربع سنوات من الآن .
المهم مالكم بالطويلة :

أنا مغدق على زوجتي ومبيّن حبها وهي تعرف كويس أنه أنا أحبها ، لكن يا إخوة ويا أخوات الإنسان لما يحس إنه الطرف الآخر بدأ يستغله من خلال هذا الجانب ربما يبرد حبه .

زوجتي في أول الزواج كانت مهتمه فيني ، الآن والله ولا هامها ، إذا طلبت منها شيئ حطت السدود والعراقيل ، بمعنى إنها ما تلبي طلب إلا لما ألبي لها طلبات .

ويعرف الجميع وقد قلت في ردود سابقه أنني بدأت أفقد حبها لأنني أصبحت أعطي ولا آخذ ، صبرت كثيرا ً تعبت منها . البيت والله العظيم زباله أقسم بالله إنها ما تعرف حتى تشيل فوطه تمسح الغبار عن أي شيئ ، والله إني أنا دائما اللي أمسح الغبار عن شاشة التلفزيون وتمر ولا كأنه شيئ صار .

أنا منتقل لبيت جديد لي ثلاث شهور بالضبط والله العظيم الحوش فيه طبقة تراب والله ما عندها نية تغسله مع انه أنا عندي استعداد أغسله معاها بس هي تتحرك .

اهتمامها بنفسها وبعلاقتنا الخاصة والله يا إخوة إني تعبت نفسيا من هذا الموضوع جدا جدا ووالله إنني صرت ابحث عن مسيار مع إني أكره هالحركات بالبايخه ولكن مرة قعدت أسـأل نفسي ليش أبحث عن زوجة بهذا الشكل وأترك الحقيرة هذي تلعب بأعصابي ليش أنا ماأتزوج زواج حرمة ثانية وبالطقاق اللي يطق راسها .

والله يا إخوة إني حاولت أن يكون خروجي من البيت محدودا ، وسهراتي مع الشباب قليلة حتى أحافظ علي بيتي ولكن دون فائدة .

وآخر المواقف اللي أبيكم توقفون معي فيه :

هو أنه بعد صلاة الجمعه اليوم رحت للوالدة وتغديت عندها قالت لي عندك شيئ بكرا السبت ؟ قلت لا قالت خلاص بجي أنا وأبوك وأخوانك نزورك بكرا . قلت لها أبرك الساعات ويا هلا ومرحبا .
جيت لزوجتي وقلت لها أنه ماما بتجي هي والوالد يزوروننا بكرا . قالت ما يجون بكرا أنا تعبانه ( وفعلا ً هي ظهرها متعبها ) قلت لها ما ودي أقول لا لأمي أجيب لك شغالة أهلي قالت لا .
قلت لها أجيب لك شغالة من برا قالت لا .

المهم يعني أخذت الموضوع بعباطه علما أنه أهلي لهم أكثر من أربع شهور ما نزلوا بيتي ولا تعشوا عندي فو وش رايكم والله يا إخوان إني أكلمكم من مقهى انترنت ما قدرت حتى أقعد بالبيت وقراري الآن أنه أعتذر من أهلي وأقول لهم خلوها يوم ثاني مع انه والله العظيم عيب عيب لكن الحرمه هذي قسما بالله إني استحقرتها لآخر درجه ووالله العظيم ما أدري وش أسوي فيها .


يعني لا نظافة بيت ، ولا كلام ٍ زين ، ولا فراش ، وحتى بيتي ما تبي أحد يدخله إلا بعد ما أقدم لها معروض تقل داخل على الملك أنا والله طالع قاعد أدحر إبليس والحقيقة محتار لأنه بتصير مبسوطة مرررة أنه قلت لأهلي لا على كلامها ( مع إنه سبق كثيرا ً أنه تععمل لي مشكلة بهالموضوع ) وما ودي أهلي يجون أحنا بهالحال زعلانين .

وبرضه أنا مليت من هالحرمة البايخة .


أنا بانتظاركم .

سؤال
هل صارحتها باللي ببالك ؟؟

قد مرة قلت قلتلها انه لازم ترتبين البيت ؟؟

والا يللا قومي نرتب البيت انا واياك .. ابدا معها شوي وخلها تكمل الباقي .. طبعا بدون ما تعودها انه تشتغل معها كل ما جت تنظف ..

لاااااااااااازم تتصارح انت واياها ..

قل لها انه احس ان حبي لك مو زي أول .. أنا ابغى كذا وكذا وكذا .. كلللل اللي ببالك قله ..

والمره اذا شافت زوجها ضعيف استقوت عليه .. لكن ما يصير قوي على غير سنع ..

لازم الواحد يصير عنده مبادئ يمشي عليها .. عشان تعرف المره وش يرضيه ووش يزعله ..

وانت الحين ارجع للبيت وقل لها انه بكرا اذا جوا اهلي ابجيب فطاير وحلا من برا وانتي سوي القهوة والشاهي ولاااااااااازم تسويهم لأن هذا بيتك انت وهذولا أهلك لازم تكرمهم ..

يعني قل لها لو قالوا اهلك انو راح نجي لبيتكم تقدري تقولي لهم تعبانة ما اقدر .. ؟؟؟؟

عييييييييييييب عليها لازم تكرمهم حتى لو هي تعبانة .. هم بيجلسوا عندها فترة تتحملهم شوي وتجامل الى يروحوا ..

انت لازم تصير صارم معها شويتين .. وتبين لها اللي ببالك كله عشان تسمع كلامك ..

بالتوفيق ..

__________________

يا اخي شد عليها شوي

يعني جرب مرة تعصب عليها و انتقد وساخة البيت وو امور الفراش و شوف كيف هي رح تتغير لما تحس انه حبك بلش يخف

هي مستغلة انك تحبها و ما تقولها لا .


و انا مع اقتراح الاخت زهرة جيب غدا من برا لانها تعبانة .. يعني الصراحة لانهم اهلك عيييب ترجع بكلمتك بعد ما حكيتلهم اهلا و سهلا

و الصراحة شكلها متعودة انك تجيب لكل طلباتها حتى اللي انت مو راضي عنها .



مواقف شبيهة صارت معي , و مجرد ما زوجي انتقدني فيها تغيرت علما انه زيك ما يرفضلي شي و مدللني لكن موقف الاهل هاذ و لا يمكن يطلع مني

__________________
باحثة عن الحق

لاااااااااااا مو معقوله صالح والله انك دايم على بالى افكر بوضعك وش صار لك

انا سجلت دخول علشان ارد عليك مكانى محجوز بصلى وارجع

يالله ان تحييه

شكلنا بندعى ان الاعضاء القدماء تكون عندهم مشكله علشان نشوف طلتهم هنا

__________________
سبحان الله وبحمده

بالنسبة لاهلك


لاتعتذر لهم ابدا



خلهم يشرفون بيتك


وعشيهم عشا محترم من برا .. الله يعينك .




وقول لها اهلي اشيلهم في عيوني واخدمهم اما انتي ما ابي منك شي ..








واذا راحوا من عندك


..



تفاهم معها بشكل وااااااااااااااضح وصريح ..



واحسم موضوعك معها ..


ما يصير هالدلع والمسااااااااااااخة ..



الله يهدي سركم يارب ..


ت ح ي ا ت ي ..

__________________

الله يكون بعونك

وقلتها لك قبل كذا زوجتك تبي تشد معها تغير اسلوبك معه وش ماتنفذ طلبك الا مقابل ماتنفذ طلب له

لدرجه هذى مستحقره شخصيتك زوجتك ماينفع معه الطيب والحنيه غير اسلوبك شد عليها احرمها من الاشياء الى تحبها منك

خلها تحس بقيمتك وقيمة حياتها معك

هي تغلط وانت تسامح وتتنازل بذمتك كذا بتتعدل لا والله الا انت الى بتموت من قهرك والعب يالسكر والضغط

واهلك لا تعتذر لهم لانك لو اعتذرت بتفرح انتصرت عليك وظهرها من ايش بعورها من قلة الحركه

وش تجيب شغاله له والله ماخربها زياده الا قلبك الطيب عندها الى بكره كل شوي ترتب شي وتنظفه

بعدين انت لاتتجاهل وساخة البيت نظفه انت وذب عليها كلام الى متى بنجلس بالوساخه هذي

كيف عايشه كذا يمكن تستحى شوي

اجلس معها وطلع الى بخاطرك عليها كله يمكن تصحى شوي تحس فيك شد عليها بالكلام

يمكن زوجتك محتاجة احد يشد عليها علشان تحس بحياتها قل له ان سلوبها خلك تفكر بزواج

واذا استمرت كذا بتتزوج وتعيش حياتك واطلع وتركها

و اهلك لا تعتذر منهم خلهم يجون ويشفون بيتها الوسخ يمكن تستحى شوي

اسقبل اهلك وجب لهم عشاء من برا ووضح له انك تقدر تسوى كل شي بدونها ورايها

زوجتك واثقه بحبك وهذا الى خلها تتمادى معك لانها ماتشوف عواقب للتصرفاتها تشوفك تعصب شوى

وبعدين تنسى

بتقول بكيفه شوى ويرجع احلى من اول

صالح بقولك كلام قلتها لنفسى قبلك

لاتجلس حياتك كذا تاكل بنفسك الى متى التضحيه حنا ماضيعنا بحياتنا الا تضحيات والتنازل الزايد

مع ناس بدال ماتشكرك وتعطيك اكثر من ماتعطيها تستغلك وتشوفك شخصيه ضعيفه مردك لهم

غير حياتك وهتم بنفسك وصحتك عش حياتك واهم من هذا تقرب من ربك بالدعاء والعباده

صدقنى ربي مابيتركك بيفرجها عليك وتتعدل حياتك

اسفه طولت عليك بس اتمناء انك ماتعتذر الاهلك ولاتجلس تترجاء بزوجتك انها تستقبل اهلك بكره انت استقبلهم وهي براحتها

كل شخص يسوى با اصله

__________________
سبحان الله وبحمده

اخي الكريم الله يعينك على هذا الحال الصراحة رأيي من رأي الاخوة زوجتك تستغل حبك لذا اظهر لها الوجه الاخر ولو يوم واحد و شوف اذا يتغير الوضع و اعتقد ان الصراحة في هذه الامور واجبة لانكم زوجان و تعيشان تحت سقف واحد و لستم خطيبان حتى تخاف على زعلها. و لا يسعنا الا ان ندعي الله لكما ان يصلح بالكما و يبعد عنكم الهم و المشاكل.

__________________
رب لا تذرني فردا و انت خير الوارثين.
اللهم يا حي يا قيوم اجمع شملي و زوجي عاجلا غير آجل. آآآآمييين

::


خلي اهلك يجون واطلب غدا من برا ~

وقولها اهلي جايين وجيب شغاله من برا او شغالة اهلك ..

وهي الله يعينك عيلها ...

::

__________________
{ احبــــ ـــكم بلا استثنـاء ~

دامك قلت عنها حقيره
فا انت ماتحبها

انا مع رد شعااع من نور مية بالمية


وكمان شوف كلام ريفان عين العقل

ماشاء الله

خلي اهلك يجو وانبسط معاهم

وقوم خد مامتك وخليها تتفرج على البيت اذا كانت اول مره تدخله

وقولها نبغى دعائك ورضاكِ وخليك طول الوقت مع أهلك وهى طنشها الطناش الاكبر


وبعدين لمن يروحو احكي معاها


الله يوفقك يارب

__________________
يارب ...والباقي وحدك تعلمه