السلام عليكم ورحمة الله


عندي مشكلة وماشاء الله عليكم ماتقصرون

وكل باسموة

انا موظف عادي
ومشكلتي اني انسان بيتوتي يعني ماحب كثر الطلعات يعني من الدوام للبيت
وصلاتي في البيت في الغالب بحكم النوم يعني اجمعها والله يغفر لي

زوجتي انسانة طيبة وزقنا الله بثلاث بنات ومرتاحين ولا اقصر بشي
بس المشكلة ان زوجتي تحب الزيارات لاهلها وانا محدد كل اربعاء وهي تقول لازم كل ويكند وغير اي يوم تستغلة في طلعة في نص الاسبوع
وكل وسط اسبوع لازم نطلع مشوار
الله لا يبلاكن يالحريم ببيتوتي مثلي

وكل اسبوع لازم مشكلة عشان تحظر عرس غير يوم زيارة للاهل
يعني كل اسبوع زيارات احس مليت
بعدين انا ابي الويكند من شان ارتاح من الدوام والكرف في الدوام

فهمتها قلت ماودك تاجلينه بعزمك ع مطعم ولا شي العروس اهم و الاهل وزيارتهم اهم


متزوج الدش والمسلسلات
وفي نص الاسبوع طول الوقت على البلاك ومع اهلها من اخوات وخالات ولسته طويلة


اش الحل



ابي اقرر قرار صايب لاني افكر اطلق
خصوصا انها تفهم اني غير راضي وقلت لها انتي عاصيتني
بس مكانك سر

احس انه قرار صعب انك تطلق ومعك ثلاث بنات وبيطشون وتدخل دوامه ومشاكل وانا مالي ومال القرف والقيل والقال سوا ببناته ظلم بناته
خصوصا ان مجتمعي اهل تناقل اخبار ونميمة وتاليف
وانا انسان بيتوتي مالي في هالافلام والجدال خصوصا اني جربتها يوم فضت
اشاعات وافلام تسبب لي ازعاج نفسي وقلق

ارجو مشورتكم

أول حاجة إنسى الطلاق الله يوفقك ومشكلتك بإذن الله محلولة ومسألة الجوال والله عندي و عندك خير لكن في حال إني اطلب أجلس مع زوجتي إني أسولف معها خلاص تبدأ تبعد الجوال عنها و تسولف معي خلك حازم شوي لا تتسرع أرجوك المسألة مو بسيطة و خصوصا إنكم عشرة وبينكم بنات الله يصلحهم لك ويقر عينك فيهم بالنسبة للأمور الثانية والله إنها عند كل النساء ما في شي جديد لكن خذ الأمور بالتفاهم و اللين لو كل مشكلة مثل مشكلتك كان طلقو الرجال حريمهم لكن الصبر ياخوك لا تستعجل بقرار تكون نادم عليه بعدين كل النساء جالسين يعاصرون التقنية وما في وحده إلا ومعها هالبلية إلي بلونا فيها ولكن ياخوك أسأل الله أن يهدي حريمنا و يهديهم .

__________________

الله يعطيك العافيه
والله كلامك لامس شي في نفسي وعقد فكرت الطلاق اكثر

طيب ابي حل والله احاول اعزمها في الويكند
بس انا اعرف انها تبغى تحط في راسي اذا بتعزم اعزم نص الاسبوع الويكند فلة وزيارات

الله يعين

ع طول طلاق مافي حل!!
دور الاسباب اللي تخليها تهرب للبلاك والسوالف كيف اسلوبك معها! وتعاملك !!
هي يمكن تبي تفضفض لااخواتها وتنسى اتعابها وشغلها بيومها وانت ماكنت صدر رحب لها
عجيب الطلاق صار ع اسباب سخيفة

ياختي اهدي علي شوي


وين تهرب وهي قاعدة تسمع لي اش قالت وش قالو
ولازم اسمع والا تردد مع نفسي يعني

تسرد لي المحادثة
هذا كلة ومسمع

لا أعرف كم يكفيها من زيارات
لكن
كم الوقت الذي تجلسان فيه مع بعض بالويكند إذااا لم تذهب
هل تجدها مستمتعة بالجلوس معك,و هناك أحاديث

هل أنت بيتوتي لدرجة أنك لا تذهب بيت أهلك و كم مرة تذهب لهم
,,,,المقصد إذا ذهبت لهم ,,,اذهب بها لأهلها

هل أنت تريديها أن تبقى ,, للتعب من المشاوير,,أم لأنك تتسلى بجلوسها
هل بناتك الله يحفظهن مشاغبات ..

__________________

اجلس معها جلسة مصارحه وفهمها وجهة نظرك وافهم وجهة نظرها
الطلاق لاتفكر فيه وفكر في مصلحة بناتك قبل كل شي
والاهم من هذا كله موضوع الصلاة مايجوز لك تجمعها متعمداً
وفي البيت وانت تسمع الاذان!
الصلاه هي عمود الدين اول ماستحاسب عليه
والذي يعرض عن ذكر الله يجعل له معيشةً ضنكا
يمكن تصرفات زوجتك عقاب من الله لك بسبب تقصيرك في الصلاة
وفقك الله لما فيه الخير.

الاولى اربع وعشرين ساعة عند جدتها تجي تغير لبس بس
والثانية بين جدتها وبيننا
والثالثة مع الشغالة ومعنا

مشكورة اختي
الله يعطيك العافية

ادعي لي بالهداية

بس لاني ارجع وانام ويتلخبط عند النظام في النوم واحيان اصحى ثلاثة ماقدرت اعدل النوم
الله يعين
دعواتك لي اختي

الله يجزاك خير

الموضوع ليس بذاك المشكله بقدر مشكلة تجميع الصلوات وتأديتها في البيت

ياخي عالج جذور مشكلتك بتأدية حق الله ..

يقول احد السلف ( كنت لارى اثر معصيتي في زوجتي ودابتي و. ..)
مايحتاج اقولك الصلاه اهم عمود في الاسلام واول مايسال عنه المسلم الصلاه
الرسول في سكرات الموت وشدة الالم قال( الصلاه الصلاه وماملكت ايمانكم)
الانسان باهمال الصلاه سواء بتاخيرها عن وقتها او السرحان فيها ولاشي واموره الدنيويه تعسر ، وضيقة الخلق مصاحبته

مر الرسول عليه الصلاة والسلام على قبر وقال لاصاحبه انهما ليعذبان ومايعذبان بكبير وان احدهما لا يستتر حين تبوله
اذا كان هالشخص يعذب في قبره لشي بسيط وهو عدم استتاره من بوله فما بالك بالصلاه عمود الدين ...

عذرا اخي ان كان في حديثي ما يضايقك لكنه والله حديث المشفق عليك ...

ومشكلتك والله بسيطه ولا تستحمل ابدا الطلاق
عادي جدا خروجها في الويكند