السلام عليكم اعضاء منتدي عالم الاسرة الكرام
أتمني المساندة منكم براي سديد و نصح هادف و حكم عادل ..
أنا رجل متزوج من زوجتين ( اكبر غلط بحياتي ) ..
متعلم و طموح و نظامي لأبعد حد ، أخاف الله واتقيه والحمدلله
و ما ابغي اظلم زوجه على حساب الأخري ...
مشكلتي تكمن في الأساس بزوجتي الاولي ، و بصراحة افكر احيانا
بطلاقها لو لا خوفي من ظلمها و بسبب حبي لها ...
زوجتي الاولي بيني و بينها فارق عمري 11 سنة و هي اصغر من الثانية
فالثانية بنفس عمري ...
كنت اطمح بزوجة جميلة خلوقة متدينة و ذات علم و ثقافة واسعة
تعبت صراحة بالبحث و اتعبت الوالدة الله يطول بعمرها ..
كل يوم ترشح لي وحده لكن كلهم ما يحملون شروطي اللي
ابغاها فلابد ان يختل شرط او اثنين ..
الى ما جت الوالدة يوم وقالت لي يا وليدي الله ما خلق لم البنت اللي تبغاها
لكن وش رايك تزوج فلانة و تكسب فيها اجر ..
فلانة هذي بنت يتيمة نشأة عند زوجة اب متسلطة وأب قاسي
الى ما طردها با حدي الليالي عشان زوجته و كانت بعمر 13 سنة
أخذها احد المحسنين و ضمها الى ابناءه و احسن لها ..
و الله العالم بأسرار البيوت لكن اضطر الى ان يجعلها بشقة مستقله
و كانت لها مطلق الحرية ... هالقصة الكل تناقلها و سمعتها من الوالدة
و الحريم ما يقصرن بالسوالف ...
خطبت البنت و سبحان الله هي البنت اللي كنت احلم فيها
لكن الحلو ما يكمل ...
عجزت افهمها لي ثلاث سنوات معها ،، هي خلوقة و جميلة
و حسنة المعشر ،، لكن تعاملني بحذر شديد ، و لا يمكن تفتح
قلبها لأي مخلوق حتي أنا ،، كلها اسرار في اسرار ..
كل يوم اكتشف شي جديد ، مرة حساب بنكي بمبلغ بسيط
ومرة تصرف ببذخ اشك عندها حساب ثاني ..
الفلوس هاذي ما تنقصها ؟!! ممكن تكون قبل الزواج ؟!
لكن مادري ليش ما تصارحني و تقول الصدق ..
كل شي اكشفه احيانا بالصدفة ، مرة اسهم و مرة سحب
و مرة إيداع ..
و اذا سالت تراوغ بدهاااااء صراحة كنت أتمني زوجة ذكية
بس مو كذا بدهاء ..
عليها تصرفات غريبة ، جوال ما عندها و ترفض تاخذه
و مرة جبت لها و اختفي سألتها قالت بعته و ما صدقتها
قالت روح تأكد في المحل الفلاني ...
تجننت كيف يا بنت الناس تروحي بدون علمي قالت عادي
أنا كنت عند بالسوق و رحت المحل ...
كل سوال عندها له جواب جاهز ...
غير الامور اللي ما دري عنها ...!!
انطوائية جدا و قليلة الكلام و لا تثق بأحد ،، حتي أنا ..
لكن مطيعة صراحة و تفهم بسرعة كلامي حتي لو تلميح
مرة تطلع لها صدقات مختلفة من جنسيات عديدة
متي عرفتهم ؟!! تقول من زمان و مادري ايش وووو
و فجأة تختفي الصدقات ،، احسها منظومة عصابه ..!!!!
من جد و الله مو فأهمها و متعجب من تصرفاتها كلها سرية
في سريه ..
حتي الامور العادية ما تقولها لي ...
يعني مثلا تروح الطبيبة اسألها ايش قالت تجاوب باختصار
و احيانا ما تقول ....
جابت ولد تعلقت فيه بشدة لدرجة تخاف اذا شلته
او بعدت فيه ...!!!
تزوجت ثانية و هنا انقلبت و صارت اكثر حذر و اكثر صمت
و اكثر اسرار ..
مرة اقول مريضة بصراحة و احيانا اقول عندها سر كبير ..
من زواجي من سنة و هي بعالم ثاني ..
و تتصرف احيانا بعدوانية هادية ....!! اشك فيها احيانا
ما تبكي و لا تشتكي أبدا صمت في صمت ...
ما تسال رحت او جيت ..
و زوجتي الثانية ابتليت فيها غير مهذبة و تطاول علي و على
زوجتي الاولي في غيابها و نكدية ..
و افكر بجد بطلاقها معها بس حسيت بمعدن الاولي ..
ياليت تقولوا لي شوركم !!!
بالاولي و الثانية ...