السلام عليكم ورحمة الله وبركاته
الحمد لله رجعت للمنتدي الغالي بعد طول انقطاع دام لمدة سنه واكثر عانيت فيها ماعانيت وقاسيت الهموم
لكن انا تعبت تعبت مااقدر اتحمل اكثر من كذا ياليت تعطوني حل او خلاص ابطلب الطلاق يمكن ارتاح ------
قصتي لعلي اجد من يرشدنى لطريق النجاة -----انا متزوجه منذ سبع سنوات والحياة لاتخلو من المنغصات لكن كنت شبه مستقره لكن قبل سنه وخمس اشهر انتقل زوجي للسكن عند اهله وطبعا اهلي ساكنين بنفس المنطقه وكنا مبسوطين جدا لكن الصدمه التى واجهتنا انهم رفضو وجودنا عندهم وبقوة
لكن زوجي الله يهديه مايهمه الانفسه ولا كانه حس بشي عادي رتب الامور للسكن مع اهله رغم رفضهم الشديد لنا وقربنا منهم لكن انا حاولت معه لكن لاحياة لمن تنادي لدرجة انه كذب علي وقال انهم هم اللي طلبو منه السكن معهم لكن انا اشوف غيركذا لكن غبيه صدقته وسكت وعشت طبيعي رغم ان الحياة يستحيل ان تكون طبيعيه ونحن نعيش مع ناس لا يرغبون وجودنا --وبعد كم شهر من المعاناة والتعب لانى اذا جلست معهم مايكلموني ولا حتى يناضرونى ولا شي ولاكانى موجوده قمة التهميش بدات المشاكل مع زوجي لانى مااحب اعيش منبوذه لذا تعبت مرة ----وتقدمو لزوجي بمعروض شكاوى منى بانى مااحفظ اسرارهم وانى اتكلم فيهم عند الناس وانى وانى رغم انى ماكد جبت سيرتهم ابد لاني مالي علاقه فيهم ابد كيف اتكلم فيهم ولا حتى اهلي مستحيل اتكلم فيهم عند امى او خواتى لاني ماحب اطلع مشاكلي لاحد رغم انى تعبانه -- لكن بعد هالكلام بديت بس ازور امه لمي يكونو البنات بدواماتهم-- وحياتى انهارت بعد ما انهارت ثقة زوجي فينى رغم انه اكد لي انه ماصدقهم لكن هالشي باين في تصرافته بدا كل شي بالخش والدس ويقفل جواله عنى وبعدين تخيلو مانستقر ابد تخيلو اسبوع بمنطقه اهله واسبوع بمنطقه ثانيه علشانه طلع علينا بشي جديد انه قدم دراسات عليا بدون تخطيط ولا حسب حساب وجودنا بحياته ورضيت انى اتنقل من مكان لمكان علشان اضمن انى اعيش اسبوع راحه بدون حزازيات والاسبوع اللي بعده نمشيها لكن تعبت من الوضع هذا رغم انى طلبت منه انه ياجرلي بيت بعيده عن اهلي واهله علشان مااطلع كل يوم لاهلي لانى اطلع ابغي ارتاح من الحياة المقيده واحساسي انى عايشه عاله عليهم وهم رافضينى وجانا قرار جديد الاو هو انه بيعمر بيت جنب اهله رغم انهيملك ارض بنفس المنطقه لكن بعيده عنهم لانى مااحب اكون تحت رقابة احد رغم ان امه وخواته ناس في حالهم ولا يتدخلون باحد للكن انا احب اكون بعيده مااحس ان احد يراقبنى ولااراقب احد علشان اكون في حالي ولما قلت له كذ عصب وقال انتى بتفرقين بينى وبين اهلي رغم انى احب امه وامه تحبنى ومحترمه حيل بس خواته الله يهديهم ناس يحبون الخصوصيه زياده عن اللزوم لكن ماراح انسي انه بيوم من الايام حاولو انه يخربون بيتى لكن الله علي الظالم -----ارجوكم رجاء حاولو تحلون مشكلتى وانا متابعه معكم لنى تعبت حتى انى ابكي في كل وقت وبدون سبب القي دموعي تنزل باي مكان لدرجة الناس لاحظو لكن اقول حساسيه افكر ازور طبيب نفسي لااجل اخذ مهدائة لكن ان شاء الله بتنحل المشكله بفضل دعائكم لي وتوجيهاتكم



تم تعديل العنوان//الاشراف

__________________
تم حذف الرابط

الله يفرج همك
شوفي حبيبتي رضاء الحمولة غايه لاتدرك
ولابد الوحدة يطلع لها أحد أما تكون أم الزوج راعيه مشاكل والبنات طيبات أو البنات يسببون مشاكل والام طيبه وإذا كانوا كلهم طيبين طلعت لك زوجة أخوة تسبب مشاكل وإذا خلت العائلة طلع الزوج
يعني بالعربي مافيه أحد مرتاح...
عموماً أحس السكن مع الحموله يزيد المشاكل
الافضل الواحد يكون بعيد علشان تدوم معزته...

أنتي حرصي زوجك على أمه ووصيه دايم عليها والله مالك الا أجر والدنيا تدور وأن شاء الله بكرة عيالك يبرون فيك...
والسكن جنبهم بالعكس أحس مافيها شيء لانه راح يكون بابك مستقل أهم شيء أنه مو نفس البيت ...

وأن شاء الله على ماتعمرون الوضع يتغير والبنات الله يوفقهم أن شاء الله يكونون تزوجوا
مالك الا الصبر والدعاء الله يفرج همك ...

__________________

أنا أنصحك تتقربين من خواته كثيييييييييييييير
والله صدقيني لو كسبتيهم راح تنحل مشاكلك كلها
حاولي واضغطي على نفسك
وأكيد هما بنفس عمرك لأن الغيره لها دور مهم بينكم
قدمي الهدايا وحاولي تعزمينهم في مطعم أو كوفي زي كذا
وحاولي دائماً يكون زوجك بالصوره وهاذي أهم نقطه
ولا تحاولين تبينين إن سويتي كذا عشان يشوف بس حاولي يكون على علم بكل شيء تسوينه
بدون ما يحس

تحياتي لكي
والله يفرج همك

__________________
عن بريدة رضي الله عنه قال: سمع رسول الله صلى الله عليه وسلم رجلاً يدعو وهو يقول :
(( اللهم إني أسألك بأنك أنت الله لا إله إلا أنت الأحد الصمد الذي لم يلد ولم يولد ولم يكن له كفواً أحد ))
قال: فقال صلى الله عليه وسلم :
(( والذي نفسي بيده لقد سأل الله بإسمه الأعظم الذي إذا دعي به أجاب. وإذا سأل به أعطى))
"رواه داوود"

يا أختي اسمحي لي .. أنتي اكيد مطلعه كلام والدليل هذا

وطبعاً أنتي تشوفينه عادي وما يستاهل وكلام عادي جداً ولا يأثر

بس هم يعتبرونه خصوصي ويحبون تكون لهم خصوصياتهم ,,

أنا متأكدة أنك شايفته بسيط لدرجة أنك مو حاسة فيه .. بس تقيمهم له أنه مو بسيط ولا يحبون أحد يعرف

عنهم شي

وهذا من حقهم ..

وبصراحة النسوان إذا ما عندهم كلام بس يجيبون سوالف من هنا وهناك ولا يخلون شي

ما يقولونه بس اهم شي يتكلمون ويصير عندهم سالفة

وانا مرة صار لي مثل هالموقف مع وحدة ومنها قلت خلاص ولا أتكلم معها بأي شي يخصني

حتى لو قد النملة بس كلامي بيكون عمومي .


وبعدين على سالفة البيت الي بيعمره ..

ما فيها شي إذا مثل ما قلتي بنفسك أن أهله ناس في حالهم ولا يتدخلون في شؤونكم

وأمه طيبة ولا عليها منكم ... يعني تاركين لكم حرية التصرف في حياتكم




وين المراقبة الي تقولين عنها .. بالعكس هم ما يبون يعرفون عنكم شي ولا يدخلون بشؤنكم

وهذا كلامك أنهم ناس في حالهم

لو كانو يسألونكم على الطالعة والنازلة وين رايحين ومن وين جايين وشنو اشتريتو

وشنو عندكم وما عندكم ... أو اذا كانو يرمون عليك كلام مو محترم ..

بس هذا كله مو موجود .. انتي الي حساسه زيادة عن اللزوم

اهله تاركينكم لحالكم وتقولين ما يبون تسكنون معاهم هذا أكبر دليل أنهم ما يحبون يدخلون

في شؤون أحد ولا أحد يدخل في شؤونهم ..

ورفضهم لسكنهكم مو أنهم يكرهونك ... لا .. بس يحبون تكون لهم خصوصياتهم وتكون لك خصوصياتك

بالعكس أنا شايفتهم ناس محترمين جداً ولا يحبون المشاكل

والدليل انهم يبونك تكونين مستقله لحالك من بداية زواجك

احمدي ربك في ناس حتى لو تزوج الولد يبقون لاصقين فيه ولا يرضون يطلع في بيت لحاله

ويخلون في كل صغيرة وكبيرة


و بالنسبة للبيت أشوف احسن لك تكونين جنبهم لأنك أكيد بتحاتجين لهم ..

الدنيا ما تدرين عنها .. يمكن يوم تمرضين وعيالك صغار .. تحتاجين مساعده عشان يمكن اولادك يمرضون

يصير عندكم طارئ وهو مو موجود وزوجك حاسب هالحساب لأنه دايماً يسافر

ويبي يطمن عليكِ أنك موجوده عند ناس ممكن يعينونك .

خلي عنك الحساسية الزايدة .. ترى انتي الخسرانه لأنهم مو ظالمينك

__________________

اسفه لانكم مافهمتونى
انا جدا محترمه معهم واحبه ودايم اضحك ومستحيل اقط عليهم كلام يجرحهم لكن مااتحمل انهم يضربون عيالي او يقولون انهم غير مربيين ويقطون علي كلام يجرح لاابعد درجه لدرجة ان وحده منهم مزح زوجي علي عندها مزح ثقيل قالت لو انا مكانك لااطلب الطلاق يعنى بالله عليكم هذي وحده تحبنى او تحب لي الخير ولو هم ناس يحبونى كان ماقالو لزوجي وفتنو بيننا---- والكره بين مايبي مجهر علشان اكتشفه انا انسانه فاهمه وواعيه وف اللي يحبنى من اللي يكرهنى-- وانا طالبه انى ابعد بالسكن عنهم موقصدي امه وخواتى انا قصدي بقية اخوانه وابنا عمه اللي كلهم ساكنين بالقرب من بعض وشوفو الرقابه علي الطالعه والنازله----مايحقلي انى اسكن بالمكان اللي يريحنى ------ابغي منكم تفهمونى لانى تعبت من الصبر وتدلونى علي طريقه اقنع زوجي فيها لانى ابغي ارتاح بقية عمري واريح زوجي معي -------

__________________
تم حذف الرابط