أخطاء الأهل.. والشريك..
بسم الله الرحمن الرحيم
ندخل بالموضوع
أهلي نوعيتهم-حسب بوصلة الشخصية-غربيين نمرة ون
مافيه مواعيد مافيه التزامات مافيه علاقات اجتماعية
الكل عايش حياته وبس واهم شيء الوناسة والراحة
بعكس زوجي وأهله -شرقيين متطرفين
-
كله نظام والتزامات وعادات وتقاليد
المهم هالأختلاف يولد عندي إحرجات كثيرة
مثلا: أهل زوجي مايمر أسبوع الا عازمين أزواج بناتهم ماشاء الله
أهلي والله سبق ومر 3ش وزوجي مادخل بيت أهلي
لأن ابوي أما مسافر مؤتمر والا مشغول يستعد لمؤتمر
أما أخواني مايحبون الالتزام بأحد
وهالشيء الاحظ يحز بخاطر زوجي وبصراحة معه حق مو لهالدرجة والله انه ساعات يكلم ابوي يقول بشوفك المغرب ولما يزوره يجيب أغرضه من لابتوب وأوراق وكتب
ويجلس يشتغل وأنا أقهوي زوجي..
وطبعا أنسى انهم يعزمونه مثلا الا أنا أنسق مع الوالدة وطبعا إحراج ألصق زوجي
هو في الطرفين سلبيات وإيجابيات بس اللي مزعجني هالصدام
المهم اليوم حصل موقفين من جد معه حق لما زعل
الأول : الصباح لما جاء يودي بنتي الصغيرة لاهلي ماحد فتح وتأخر عن الدوام نصف ساعة كلها راحت انتظار عند الباب!!
بصراحة انا جدا انحرجت
واللي كملها
انه لما مر بياخذها تفاجأ أنها عند الباب!!! طبعا بالشارع وبدون جزم
سمعت جوال أمي يرن وطلعت
طيب فرضا اللي رن مو هو الله يستر عليها
لو كنتي مكاني كيف تتصرفين
شلون تغطين عيوب أهلك
ـــــــــــــــــــــــــــــــــــــــــــ
فيه مواقف كثيرة صرت اعرف اتعامل معها
بس هالاختلافات الجذرية بأسلوب الحياة تحير
عطينا تجربتك إذا لك تجربة بهالمجال