اتحدى عيونكم ماتدمع , قصه لوحده مات زوجها تقطع القلب

04-02-2010, 12:49 AM

ابو جـــــوري

عضو مثالي

تاريخ التسجيل: Sep 2009

المشاركات: 587

اتحدى عيونكم ماتدمع , قصه لوحده مات زوجها تقطع القلب

أخواتي بنات المنتدى

السلام عليكم ورحمة الله وبركاته

الله يسعد اوقاتكم وقت ماتقرون القصه

عشان تعرفون قيمة أزواجكم .. واللي عندها زوج تحافظ عليه ولا تزعله ..

أتوقع من كل وحده بعد ماتقرا القصه تروح عند زوجها وتضمه وتقول له

(الله لا يحرمني منك )

,

اليكم القصة

هذي القصه ناقلها من أحد المنتديات ,

عن وحده

تموت على زوجها

وهو كذلك يموت عليها

كنا نسميهم طيور الكناري ..

زوجان مثاليان بمعنى الكلمة

قمة المثالية

قمة الرومنسية

قمة الحب

قمة السعادة و الاندماج

تحسي كل طرف منهما يكمل الطرف الثاني ..

بداية القصة :

خطبها و عمرها 17سنة

مع العلم إنه ما كانوا العائلتين يعرفون بعض

أهلها رفضوا يزوجونها لصغر سنها و إنها دلوعتهم و ما تعرف تطبخ

تخيلوا يا بنات قال أنا راضي فيها و أنا لو تبي بأطبخ أو تتعلم شوي شوي ..

المهم

حصل النصيب

تزوجوا

و عاشوا تقريباً 8سنوات حياة ما يحلم فيها حد

الله ما يسر لها الحمل إلا في السنة الثامنة..

حملت و كلنا فرحنااااااااااااااااااااا ا لها ..

يا رب قد ايش كان الخبر مفرح للجميع ..

زوجها انهبل من الفرحه .. سوّى حفلات لمدة أسبوع .. بيته امتلى هدايا منه

أرسل رسائل جوال للجميع يخبرهم بالخبر ..

تخيلوا رسائل حتى لزملائه اللي يدرسون برا المملكة ..

و حلف عليها ما تلمس شيء ..

لا طبخ و لا تنظيف بيت و لا غيره

جاب لها شغالة زود على الشغالة اللي عندها ..

غير عن المطاعم و الرفاهية كل يوم

ما بقى فندق راقي إلا و سكنها فيه يقال لك يغير جو هو واياها عشانها تتوحم ..

مرت الشهور

و هم يشترون ملابس البيبي

و تركته على راحته يشتري على ذوقه ..

هو ذويق ماشاء الله عليه

كنا نروح عندها تفرجنا على ملابس النونو ، تقول خليته هو يختارها حتى لما أشيل النونو بحضني أتذكر أبوه ،

وصلت الشهر الثامن

و ما أدرك ما الشهر الثامن

آآآآآآآآآآآآآآآآآآآآآه بس

الحمدلله على قضائك يارب

يجينا خبر زوجها سوى حادث سيارة و مااااااااااااااااات

و الله يا بنات كلنا كان تفكيرنا كيف بيوصل لها الخبر

أ بوها أغمى عليه ارتفع عليه السكر و ما عرف شلون يخبر بنته

أخوانها الثلاث صياح و دموع مو قادرين يصدقون .. كان لهم أكثر من أخ و زوج أخت لا يقارن بأزواج أخواتهم

الباقين ..

و أخواتها اجتمعوا في بيت أهلها ينتظرون أحد يجيبها حتى يخبروها عند أهلها ..

تخيلوا يا بنات راح أخوها الكبير لها قال لها : أختي فلانة زوجها شكله يبي يطلقها (أخته هذي عندها

مشاكل مع زوجها).. فتعالي عندنا واسيها

لبست عبايتها و جت معه ركض ، و قبل ما تطلع من الباب قالت : يا أخوي ما قلت لزوجي ، خل أعطيه خبر ..

قال : وش دعوى يزعل .. انت بس تعالي لا تدقين عليه و تشغلينه ..

جت يا عمري تبي تفزع لأختها ..

دخلت البيت

شافت العالم جالسه

ركضت تدور على اختها

شافت أختها تبكي

قامت تواسيها يا بنات تقول لها : أصلا ما يسوى من ظفرك شيء ..

المفروض تحمدين ربك

و هنا دخل أبوها ..

أول ما شافها جلس يبكي و يحضنها ..

هي حست بشيء .. قامت تخيلوا تدف أبوها تقول : فلااان صار له شيء ؟؟؟؟؟

تكلموا .. تكذبون علي

بأروح لبيتي

و ركضت تبي تطلع

مسكوها خواتها و أخوانها : قالوا لها : تعبان شوي

قامت تصرررررخ يا بنات صوتها سمعوه الرجال في المجلس

قامت تقول :ودوني له أكيد يبيني أوقف جنبه في مرضه ، انا زوجي ما يمرض إلا و اكون جنبه ،

آآآآآآآآآآآآه يا بنات .. ما تدري إنه مااااااااااااااااات

قام أبوها يهدي فيها يقول لها بأخذك معي نروح له ..

و هي بس تبي تطلع

و خواتها ماسكينها ..

يا ربي يا صعب هاللحظة ..

تخيلوا أبوها ما قدر يكتم الكلام ..

قام يصيح و يقول لها يا بنتي وين تروحين له و هو م ا هو حولك ..

عاد هي بدأت تستوعب و سكتت ، و قفت صراخ

قالت : وشو ؟؟؟ فهموني وش تقولون ، لهالدرجة زوجي تعبان و مو قادر يحس فيني ؟؟

يا بنات المشكلة إنها كانت مستبعدة تماماً إن زوجها مااااااااااات

قام يقول لها أبوها : يا بنـتي خلاص ماهو حاس فيك .. و جلس يبكي

و أمها تبكي

هي هنا فهمت قالت : لا تقولون مات

لااااا .. أصلا هو ما راح يموت و يتركني

يتركني و لسه ما شاف اللي في بطني

و أغمى عليها

و لا حست بأحد

حاولوا أهلها يصحونهاما قدروا

نقلوها المستشفى ، قالوا جايها انهيار عصبي شديد و احتمال ولادة مبكرة يمكن تفقد فيها الجنين لأن

الجنين صعبة ولادته في الشهر الثامن و نبضاته ما تطمن ..

جلسنا ندعي لها ربي يهون عليها ..

بيت أهلها صار حزن في حزن

و هي استمرت في المستشفى غايبة عن الوعي تقريباً 3 أسابيع

تفتح عيونها و تناظر اللي حواليها و هي ساكته و ترجع تنام

( كان الدكتور يقول هذي حالة نفسية تبي تهرب من الواقع )

دخلت الشهر التاسع و هي ما زالت في المستشفى

قرروا الأطباء لازم يولدوها قيصري

ولودها و جابت ولد ما شاء الله جميل .. و الشبه نسخة كربون من أبوه ..

طبعاً ولدوها و هي مو حاسة بنفسها

بعدها قرروا الأطباء إن خروجها للمنزل أفضل حتى تتأقلم مع الوضع ..

طلعت لبيت أهلها .. أمها و أختها الكبيرة كانوا يهتمون في المولود

و هي جلست ملازمة للصمت تقريباً شهر في المستشفى و شهرين في بيت أهلها

تخيلوا ما تتكلم مع أحد

صامته و لا حتى تبكي و لا شيء و لا دمعه

فقط تناظر في عيون اللي حوالينها

حتى الأكل يؤكلونها كأنها طفل يدارونه

و لقمتين بس

بعد ما كان وزنها قبل 65صار 49

جلد على عظم

إلى أن جاء اليوم اللي فرحوا فيه أهلها إنها بدت تتكلم ولكن

المصيبة إنها صارت تتكلم مثل اللي فاقدين الذاكرة

تأشر على ولدها تقول : منو ذا ؟

تقول لها امها : هذا ولدك اللي حملتي فيه ؟

ترد على أمها : كيف حملت فيه ؟

تقول لها:لما كنت متزوجة فلان

و تسأل أمها : وين فلان ؟

تقول:راح الجنة إن شاء الله

تقول لها : يعني ما راح يرجع ؟

تقول أمها لا .. تقوم و تصرخ يا بنااااااات آآآآآآآآه يا ربي بكاها ما أنساه

كأنه بكاء طفل

تعرفون ليش ؟ لأنها كتمت ردة فعلها تقريباً لمدة 3شهور ..

و فجأة طلعتها ..

عاد قصتها و تعذيبها لأهلها بصياحها آخر الليل قصة طويلة .

أذكر منها : لما اهلها يحطون العشا و ينادونها تتعشى ، طبعاً ترفض

بس بعد شوي يشوفونها داخلة المطبخ يفرحون يفكرونها بتأكل

تخيلوا تروح تفتح القدر و تغرف في صحن و تدخله في الفرن

وتقول لأهلها : هذا اللي في الفرن لزوجي .. لحد يأكله .. هو كلمني قال بأجي بعد نص ساعة ..

أأأأأأأأأأأأه يا قلبي ..

يقومون أهلها من العشا و يبكوووون ....

و من المواقف الصعبة إن أحد أخواتها كانت تشوفها كثير تمسك جوالها

تقول أختها شدني الفضول أبي أشوف ليه في يدها الجوال

تقول لما طلعت من الغرفة رحت أشوف جوالها إلا هي طول الوقت قاعدة تدق على تلفون بيتها و على جوال

زوجها ، طبعاً محد يرد عليها

و ترسل لجوال زوجها رسايل : حبيبي وينك ، لا تتأخر ، ما راح أتعشى إلا معاك ... يعني كأنها مو مصدقة

الوضع ..

الله الله في أزواجكم يا بنات.. تذكروا الجوانب الإيجابية فيهم

من بعد ما شفتها تأكدت إن فراق الزوجة لزوجها صعب جداً

فلا تدعون على أزواجكم في لحظة غضب

و لا تخلونهم يطلعون من البيت و هم زعلانين

ترى الدنيا ما تنأمن

ممكن يصير له شيء

و تكون آخر نظراتك له من غير شر

انا لله وانا اليه راجعون

ولاحول ولاقوة الا بالله

__________________

التعديل الأخير تم بواسطة ابو جـــــوري ; 04-02-2010 الساعة 12:57 AM

04-02-2010, 01:22 AM

أطياف المجد

كبار شخصيات المنتدى

تاريخ التسجيل: Jan 2007

المشاركات: 2,430

الله يجعل يومي قبل يوم زوجي وأمي وأبوي

تدري أنك حطيت يدك على الجرح دايما أفكر لو فقدت أحد أحبابي بأقدر أصبر؟؟

الله يثبتنا بالصبر عند المصائيب بصراحه أشك في قدرتي على الصبر إن لم يلهمني الله بكرمه

أو يأخذ أمانته قبل أن أفتن في ديني عندما أعيش مثل هذه المواقف المؤلمه فأسخط وأجزع فيسخط مني الله

الله يتولانا برحمته ولا يحملنا مالا طاقة لنا به

موت الأحبة مؤلم والأكثر ألما عندما نكون مقصرين تجاههم ويأتي الموت فيأخذهم دون أن نعتذر لهم

ونعوضهم عن تقصيرنا معهم

جزاك الله خير

موفق

__________________

[استغفرالله وأتوب اليه.]

04-02-2010, 01:22 AM

أبو ناصر22

كبار شخصيات المنتدى

تاريخ التسجيل: Dec 2009

المشاركات: 650

غفر الله لك يا أبا جوري

لقد أثرت الأحزان وقلبت المواااااااااااجع

الله يكون في عونها

__________________
قرأ وهيب بن الورد رحمه الله قوله تعالى {وإذ يرفع إبراهيم القواعد من البيت وإسماعيل ربنا تقبل منا} ثم بكى! وقال: (يا خليل الرحمن ترفع قوائم بيت الرحمن وأنت مشفق أن لايتقبل منك) تفسير ابن كثير1/167

04-02-2010, 02:10 AM

ترستال

عضو مميز

تاريخ التسجيل: Aug 2005

المشاركات: 1,546

بسم الله الرحمن الرحيم
عليكم السلام ورحمة الله وبركاته

__________________

04-02-2010, 02:35 AM

جرحني زماني

عضو نشيط جدا

تاريخ التسجيل: Feb 2010

المشاركات: 261

آآآآآآآآآخ ياقلبي عليهاا
تقطع قلبي عليهااا
والله ان فراق الأحبااب صعب وصعب جداا
وخاصة لما يمووت وهو شايل في خاطره عليهاا

يعطيك الف عافية عالطرح الرائع والمفيد

__________________

سبحان الله وبحمده سبحان الله العظيم

04-02-2010, 03:21 AM

روعـــــــة

شمعة المنتدى التى لاتنطفئ

تاريخ التسجيل: Sep 2004

المشاركات: 4,376

سبق وقرأت هالقصه من حوالي أكترمن 3 سنوات ...وأثرت في نفسيتي بشكل كبير ...

مشكورأخي أبوجوري على القصه المحزنه

والله يحفظ لنا أزواجنا ويجعلهم قرة عين لنا ويجعلنا قرة عين لهم

تقبل تحيتي

__________________

04-02-2010, 03:50 AM

بنت مكة2008

كبار شخصيات المنتدى

تاريخ التسجيل: Apr 2009

المشاركات: 7,516

قلت اقرا القصة وانام جلست ابكي مو دمعت وانا لسة مااتزوجت طار النوم
ياربي لاتبتلينا

__________________
ياررب ارح قلبي وعوضني خير

04-02-2010, 03:58 AM

نور الإيمان

العضو الماسي وكبار الشخصيات

تاريخ التسجيل: Jul 2008

المشاركات: 6,354

04-02-2010, 04:17 AM

الوردالجوري90

عضو نشيط جدا

تاريخ التسجيل: Dec 2008

المشاركات: 339

يارب سامحني والله انا دايما افكر في هذي اللحظة واتخيلها واعيش فيها صدقوني يطير النوم من عيني واجلس ابكي مااتخيل الحياة بدون زوجي حبيبي وابو اولادي عندي اهون اذا انا مت قبله بس هو قبلي انا ممكن اتجنن والله وانا اقرا القصة عشت فيها وصرت ابكي الله لايحرمنا ازواجنا ولاوالدينا ولا اولادناولا اخواننا واخواتنتا يارب امين

04-02-2010, 04:50 AM

#10

sultanooh

عضو نشيط

تاريخ التسجيل: Nov 2009

المشاركات: 117

قدر الله وماشاء فعل
قصة محزنة جدااااااااااااً

ينتابني شعور بالبكاء دايم افكر في الموت

شكراً على النقل الرائع

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه