السلام عليكم ورحمة الله وبركاته...

اولا انا ماصدقت ونشطو تفاعلي بالمنتدى والله لي شهرين متحسره ابي اكتب بس الحمدالله فرجت........


طبعا انا بحكيلكم القصه بكل امانه وصدق إن شاء الله ...


انا متزوجه من شهر 6 عربي ولي الحين 3 شهور عند اهلي ....

من اول يوم زواجنا:

كان مثل يوم اي عروسه خجوله بالطبع يمتليه الخوف والرجفه والارتباك وجميع انواع الخجل المهم
ثاني اسبوع زواجي طلبت جواله عشان اكلم امي وكلمتها وخلصت وقلت برسل لامي رساله ورسلت لها ولما رحت للرسائل المرسله لقيت مسج ((((((((((( افتحي قناة نجوم الخليج اهداء بسرررعه وانا تراني تزوجت)))))))))))

وها هي الصدمه قلت تماسكي يمكن خلاص بيترك هالاشياء وطبعا ولخجلي دور كبير باني مااكلمه وبعدها بفتره سافرت انا وياه للخارج قعدنا اسبوعين طبعا زفت انواع البكاء والقرف اللي شفته هناك وبعدين قعت انا 21 يوم بنت لاني كنت خايفه وهالشي مهو بايدي ....
وردينا للبيت وشوف انواع الرسائل المكالمات كذا مره ناداني باسم بنت وخروج طول الوقت بحجة شغل وانا كنت زعوله مره ازعل وابكي وكنت جافه بعدين قعدت تفاهمت انا وياه وصرت حليله والله مااقصر حتى خروجه مااساله ليه تاخرت وماليه وج شهر رمضان كله مااشوفه الا على الفطور والسحور فقط لاغير ..........

وينك ؟؟؟؟ شغل .........
العيد انواع العزيم عند اهله ويوم واحد رحت لاهلي وقلت عشان ينبسط بقعد معاه اول عيد يعيد مع زوجته .....
وبعدها قلت متى تفضالي قال بداوم بكره قلنا طيب ج بكره وانتظرته للشاء ويجيني وبكل برود يقول انا معزوم للعشاء للعمل كالعاده ..........
عشاء العمل=(((((((( اكتشفت انه عشاء باستراحات خايسه مع ناس خايسين)))))))))))))
انصدمت طبعا وكانها طامه كبرى على راسي وبالنهايه توصل مكالمته الهاتفيه لاقرب قريب لي بالغلط انا رسلت له رساله اتصل علي من رقم قريبتي ودق وكلمها بصوت تمنين ارض تنشق وتبلعني ولااقدر اقولكم شنهو الكلام اللي قاله
وسكتت وسوين نفسي مااعرف وقالته انا فلانه انت ماتستحي ماتخاف ربك ومن هالكلام وقال اوعدك اخر مره ....
وبعدها رديت البيت عادي وقلت ماله داعي ابين وبديت من جديد معاه واساله دايم وش مقصره عليك انا يققول
((((( انتي الحين كامله بس شي زوديه كلامك حلوو خليه طول الوقت))))))))))
يعني كله كامل يافلان قال إن شاء الله كامله ..........
وماكامل الا وجهه
يعني تركت العصبيه والبكاء بس الشهر الاول من زوجي وبعدين رجعت طبيعبه....
وبعدها تخاصمت انا وياه على شي تافه وقام يقول انا عمري مارتحت معك ولاشفت يوم حلو معك ولا شي نكر لي اشياء كثيره سويتها له مثل الحريم اللي قال عنهم الرسول ((((((((( يكفرن العشير))*))))
وطبعا تعبت ورحت عند اهلي عشان الدراسه اسبوع فقط واتصل علي وقال انا مقدر اجيك تعبان قلت طيب واكتشفت انه لاتعبان ولاشي بس يتعذر.....
قلت طيب مو مشكله ويوم دق علي قال لي (((((((((( انا اجرت بيتي تعالي خذي اغراضك عشان اخذت الفلوس))))))))))
طبعا انصدمت وقلت طيب ونزلت اخذت اغراضي كلها ولي 3 شهور طالبه الطلاق علما بانه:
لايصلي وان صلى بالبيت.... وبالتعب
يدخن
مشيه بطال
حاس بنقص من ناحيتي رغم اني ماقد بينت له هالشي
ناحية العلم والماده
بالصراحه انا انسانه خلاص عبت مشاعري تبلدت والله ولاعاد ابيه وتوه قبل اسسبوع جا ابوه واخوه يبون يردوني وين ولدكم صح النوم؟؟؟؟

وش اسوي استخرت احس براحه ماني حاسه باي شوق له ولاحب
مدة ملكتنا سنه وكان كذاب درجه اولى طبعا ومااكتشفت الا بعد الزواج



ابي حل الله يخليكم ابي طلاقي.....................

تم تغيير العنوان

الاخت الفاضلة

السلام عليكم

المشكلة في الاساس مشكلة اختيار و الظاهر انك اخطائتي في هذا الموضوع

انتي تطلبين الحل وهو من وجهة نظرك الطلاق

فكري في الموضوع جيداً خاصة ان كان لك اطفال؟


اخيراً
هل حاولتي ان تصلجين هذا الرجل في دينه اولاً ثم خلقه؟

__________________

استخيري رب العالمين واسئل الله ان كان طلب الطلاق خير لك في دينك ودنياك انه ييسرة عاجلا غير اجل ويعوضك بزوج شهم كريم وان كان بقائك معة خير لك في دينك ودنياك ان ة يصلح مابينكم وتصيرون سمن على عسل والله يعيذكم من الشيطان الرجيم

فيصل

لا اختي اصبري و ما صبرك الا بالله و جربي تاني معه يمكن ينصلح حاله و حاولي تتناقشي معه و توضحي له كل شي و يمكن انتي الخطأ منك لأنك قلتي انك كنت مستحية و ظليتي معه 21 يوم بنت يمكن مو لاقي الشي الي يبيه اي رجال حاولي تغيري نفسك للأحسن و خصوصا بالأمور الجنسية معه و الله يوفقك للخير و الأصلح لكي

يبدو أنكما اخترتما الطلاق ، وهذا واضح في ذهابك لاهلك ، واتصاله عليكي لاخذ أغراضك . لكن استخيري قبل ذلك كما أشار لك الأخ فيصل.

وأحذرك حين الذهاب لاخذ أغراضك من ان تذهبين لوحدك ، واقترح أن تذهبين مع والدك ، أو أحد أخوتك.

__________________
https://soundcloud.com/abo-faisal-9/...5-wa0024-mp3-1

الله يكون بعونك نت من نفسك

واستخيري الف مره والله يكتب الي فيه الصالح والخيره

واهم شي ما تكونين حاسه انك مقصره معاه يعني حاولتي انجاح زواجك بكل الطرق

اما سالفه 21 يوم وانت بنت عادي جدا فيه كثير حياهم ومراعاه ازواجهم لهم يقعدون اكثر من كذا

انا بصراحه احس حركاته مو متحمل للمسؤوليه بدليل تهربه بس سالفه الصلاه ما ينسكت عنها


على كلا الله يوفقك ويسخر لك امورك ويكون بعونك في الحل الي بتختارينه








تحياتي
دلوعه زوجي

ما دامه قليل دين وذوق خديها مني الطلاق حل سليم

السلام عليكم ورحمة الله وبركاته

اختي الكريمة سلام الله عليكي اولا اوصيكي بالاستعانه بالله والصبر على ما أنتي فيه واعلمي ياأمة الله ان الصابرين يوفون أجورهم بغير حساب ولكن...........................
انتي ذكرتي انه لايصلي فإن كان حقا تاركا للصلاة جاحدا لها ففارقيه وطلبي الطلاق وللقاضي أن يطلقكي منه ولكن إن كان فيه صلاح ولو قليل وكان فيه خير أو يرجى منه الخير وترين في نفسك أنك قادره على إصلاح هذا الانسان فاستعيني بالله وحاولي ان تصبري معه وتأكدي أنك لو اخذتي بيده للجنه فلن يخذلكي الله ابدا وستكونين اسعد السعداء ان شاء الله .
اللهم إني أسألك بإسمك الأعظم الذي إذا دعيت به أجبت وإذا سئلت به أعطيت وإذا استغفرت به غفرت أن تجعل أمتك هذه من أسعد عبيدك في الدنيا وفي الاخره:::::::::::::::أمين أمين أمين يارب العالمين

السلام عليكم
انا نصيحتي لك انك تجلسين بيت اهلك معززة مكرمة وماتحاولين تتصلين فيه او حتى تردين على مكالماتة بس ار سلي له رسالة اكتبي فيها انك عرفتي وش يسوي من وراك
وصدقيني فترة بسيطة وبيرجع بس لاتعطينة وجه الا اذا تأكدتي انه ترك خرابيطه مرة
والله يكون بعونك ويرزقك الحلم والثبات

أختي كانت البداية غلط خاصة أنه لا يصلي لذا أسال الله عز وجل أن يجريك في مصيبتك ويخلفك خير منه