بالبدايه اقولكم متزوجة لي 6 سنوات وعندي 3 اطفال
زوجي حالته الماديه ضعيغه يشتغل دوامين بس الراتب يروح على قروض
وانا موظفه وراتبي يروح جزء منه قسط لسيارة زوجي وجزء منه مصاريف لي ولبيتي ولاطفالي ...

زوجي من النوع اللي مايتحمل مسؤؤلية ..وحتى راتبه يدفع جزء منه لابوه
كثير التدين ..يحب السفريات مع اصحابه
يرفض السفر بنا او الخروج معي للتنزه

دائما يبقيني في بيت اهلي ..لدرجة ان والدتي تتضجر من ازعتج اطفالي وتجلس في غرفتها بسببهم ...

طلبت منه ايصالي لمدرستي لكنه يحاول ان اطلب سائق خاص او نقل للتوصيل وتمشكلنا بسبب هالموضوع
انا رافضه النقل لاني كل شي اسويه وهو صفر على الشمال

اراءكم بالموضوع

وقفي القسط حق سيارته ولا خليها باسمك
الله يهديه مايبين بعينه شيء

انا خاذه قرض من البنك لسيارته بمبلغ 180 الف وراتبي يخصم منه 3200 شهريا علشان القرض

يعني ماقدر اوقف شي

وحتى شغاله ماعندي لاني موب قادرة اوفر مصاريفها

الله يعينك فعلا ،، السيارة مفترض كنتي كاتبتها باسمك مبلغ 3200 كلش مو بسيط ويبقى لكم سنة يعني توقفي كل مخططاتك الى ان ترتاحي من هالقسط ... حاليا اصري على موضوع ايصالك لعملك وانك ماتملكي المال الكافي للسائق الخاص! ... اي شي يطلبه منك تحججؤ بعدم تواجد المال حتى وان اصر ان عندك قولي له داخله بجمعية بمبلغ كبير لاجل والدتي والدي او لي وادفع مبلغ وقدره بشكل شهري وطبعا ما له حق يعترض! ،،، وشهر بعد شهر قلللي المصاريف جدا وقولي له دخلت يجمعية ثانية ومحتاجين انك انت اللي تصرف علينه ،، حتى لو عصب فقولي له انت المسؤول عنا وانا دخلت لمشروع .... هالشي عشان يحطه امام الامر الواقع ! ... طبعا اذا شايفه انه يبقى له من الراتب سويها اما اذا لا اذن عليك بمصروفك ومصروف ابنائك فقققط حتى بالماكل والمشرب ...

صديقتي زوجها كزوجك والادهى من هالشي الله يهديها اشترت بيت له والحمدلله صار عندها الوعي انها تكتبه باسمها لان كان ناويي يبيعه لديونه ! بعدها قامت تنسحب من المسؤولية شوي شوي وتفرض عليه الانفاق عليهم حتى ولو بالقليل ... فاذا كان يرفض كانت تجيب ماكل ومشرب كافي لها ولابناءها فقط ! وهو اذا يبغي يقدر يجيب وتطبخ له ... والرجال اللي كان يصرخ ماعنده فلوس سبحان الله الشهور اللي بعدها صار عنده لمصروف!

ألاخت ريماس ارجو التكرم بسماح لي بان اشطح بعيداَ عن موضوعك شوي
كيثر من الرجال مثل نوعية زوجك عاشين في نعيم لا هم و لا مسئولية و لا يحزنون ونرى الزوجة في هذه تسعى لكي تمن كل شيء لها ولبيتها وزجها "دنيا عجيبة"
لكن الزوج الغلبان اللي متحمل كل شيء من الالف الى كوز الذرة "معيش الزوجة أميرة في بيتها لا شغل ولا خربيط" يكون الزوج في هذه الحالة منكد عليه من قبل الزوجة دنيا معكوسة
نفسي اعيش زي زوجك لمدة سنة بس

الحقيقة أن زوجك وجد منكِ المساعدة في كل شيء فاصبح اتكالي لانه ظمن وحدة تدفع قسط السيارة و كذلك توفر مستلزمات البيت في كل وقت وكل حين
لذا ينبغي لك الوقفة الجادة بان تقولي له الفلوس اللي تروح على السفريات نحن بحاجة لها أكثر أما طلبة لك بان تدبري نفسك في المواصلات قولي له السيارة انا اتحمل قسطها لذا لي حق بان توصلني بها الى مكان عملي أو سوف ارفع يدي منها وبقسطها ابحث عن من يوصلني الى عملي

السياره يبيع ويشتري وعلى هالحاله لحد ماوصل سعر السياره اللي شراها 40 الف ..
يعني المبلغ اللي يبقى من بعد البيع يسدد فيه مخالفاته او يشتري كماليات للسياره او يصلح فيها سيارته
طبعا مخالفات ساهر تاصل بالالاف ..

ماراح استفيد لو بخلي السياره باسمي


مشكلتي الان كيف اقنعه يوصلني لمقر وظيفتي
يكفي اني دفعت مبلغ الروضه لبنتي 4000 ريال والحضانه في مدرستي لطفلي وطفلتي تطلب مبلغ 800 ريال شهريا

موب يكفي اني قمت بمسؤؤليات البيت
ماطلبت منه فوق طاقته اللي طلبت انه يوصلني وبس
ماصارت حياة هذي
ادرجة ان فكره الطلاق تلوح ببالي
ماحس نفسي متزوجه كل شي على راسي من والى

الصراحة لازم وقفة حازمة ..

لو رحتي للقاضي لا سمح الله
راح يجبر زوجك يدفع 500 ريال اقل شي لكل طفل
و لك 1000 ريال شهريا

زوجي ما حد أدبه
غير القاضي

حاسة بمعاناتك

الفرق اني فكرت بنفسي و جبت شغالة
بدل ما أجيب له سيارة سعرها كبير

وألزمته زمان انه يوصلني العمل
و يسدد لي قيمة السيارة المستخدمة الي جبتها له

السلام عليكم

انا لا ارى ضيرا في مساعدة الزوجة لزوجها

اختي تذكري فرحتك يوم اشتريتوا السيارة

انا لا انصحك انك تتكلمي على السيارة

زوجك يشتغل دوامين و ما ملحق

فحتى طلوعه مع اصحابه فمن حقه
و مسالة انه يعين ابوه فهذي ما بتضيع عند الله
فبالنسبة لي المشكله تكمن في انه ما بيطلعكم و هطا اللي يبغا له حل في نظري

ممكن يكون مثل امك بيتضايق من الاولاد

نصيحتي لا تخربي الاشياء الحلوة اللي بحياتك، لانه زوجك و ابو عيالك

انتي الحين متضايقة، فكري بهدوء، نظمي حياتك بحسب امكانياتك، و حاولي توفري من الشئ اللي بيفضل من راتبك
و كمان خذي من راتبه و حاولي ما امكنك ترتبي حياتك

يعني الواحد ما يصير يصرف من غير ما يكون عنده رؤية للمستقبل، و هذا من مسؤوليتك لانه على حد قولك زوجك ما عنده حس المسوؤلية

صعية الوحدة تنحط في هيك موقف، بس ما عندك غير خيار معالجه الوضع الحالي

الله يكون بعونك