السلام عليكم ورحمة الله وبركاته انا عضوة قديمة فالمنتدى ولكني جديدة في عالم المشعوذين قصدي المتزوجين ويا ليتني ما دخلت هالعالم وبقيت عانس!
انا متزوجة قريب من ابن خالي صارلي شهرين كانهن عشر سنوات تقدم لي ابن خالي ووافقنا علية بسرعة من دون تفكير لان ولدنا ونعرفه زين واخلاقه العالية بين الناس, ولكني انخدعت فيه بعد الزواج ما مر اسبوع من زواجنا وقالي لازم تشاركين فمصاريف البيت قلت ما عليه لاني اشتغل والحياة الزوجية تعاون, والله ثم والله انه ولامرة جلس حتى بقربي او مسك ايدي او قالي كلام رومنسي او كلمة طيبة او جاملني بشي, قلت ما علية طبع الرجال كذية يخفون عواطفهم, فيوم احضرت البوم زواجي وانا فرحانة به مثل اي بنت وحابة زميلاتها واخواتها يشوفوا الصور,تدرون ايش قالي ؟ انا بحرمك هذا الالبوم وما حد راح يشوفه وقفل عليه بالخزنة طبعا ماعندي الا دموعي وهو قلبه حجر حتى ما يسألني وش بيك, وطبعا لا يخلو الامر من المنازعات والكلام القاسي الي يسمعني اياه, انا ما غصبتك وقتلك وافقي علي !هذا جزاءي, ويقولي اذا ما عاجبنك الوضع معي اخذي حاجاتك وروحي بيت اهلك ولا تفكري اني راح اجيبك, المهم حملت قلت بقوله عالخبر وبيفرح وبتتغير معاملته لي تدرون وش قالي: انا مو مهتم بحملك انت حملتي او ما حملتي كله واحد عندي, وعندنا خدامة بالبيت تصدقون انه ما يريدها تشتغل يريدني انا اشتغل بدل عنها ولا يرحمني عشان حامل, سالته مره ليش تعاملني كذا انا زوجتك قالي اسلوبي كذا عاجبك او مو عاجبك,اي شي يصير بينا حتى فالحياة الحميمة يروح يخبر امه بها.وكل يوم منازع فمنازع, كرهت هالزوج وكرهت بيته وكرهت حتى الحياة الجنسية معه من اشوفه احس ان الدنيا مو بخير ,كرهت والله الزواج بصورة عامة من كثر ما افكر واصيح عحظي خايفة اصيب بالضغط فكرت بالطلاق لولا الجنين الي فبطني.الله يخليكم لاتبخلون علي بالرد حياتي عذاب فعذاب.

__________________

الاقدار

الله يعينك اختي

فعلا اسلوبة جاف جدا

اذا هو ولد خالتك ..طيب كلمي امك خلها تشوف الموضوع

لكن سكوتك راح يخليه يتمادى معك

وربي يهدية

الله يعينك عليه

الله يسخره لك

طيب كلمي امك شوفي حل اذا من بدايتها كذا معناتها مو حابك يمكن مجبور عليك ابوه جبره يخطبك

__________________

لا مو مجبور علي اهوه متزوجني برضاه

__________________

الاقدار

لاحول ولاقوة إلا بالله
بس تصدقين انت غلطانه انك حملت منه بسرعه!
وعموما استخيري الله كثيرا في وضعك وحالك قبل مايكون عندك اطفال اكثر
بصراحه قاسية جدا معك برغم انك ماقصرتي معه وايضا تساعدينه بمصروف البيت بما انك موظفة
والغريب كيف يخبر والدتك بعلاقتكم الخاصه مايصلح وحرام حتى لو كانت امه !
وبنسبه لك ان حبيتِ الاستمرار معه انصحك انك تتكيفي على طبيعته القاسية عشان مايمرضك ماراح تفيدك الدموع والقهر والبكاء يا تتكيفي بحياتك وبطبعه رغم اني اشك بذلك! لانه فيه رجال ازواج قاسين هكذا هم بأطباعهم لا رومانسية لا كلمه حلوة والزوج كانها قطعه اثاث بالبيت يعني حياتهم مافيه مشاعر وآحاسيس . الله لايبلانا

غلاتي انت لسى ببداية زواجك ربما مع الايام يتغير والحل الاخر اخبري والدتك ووالدك بالي يسويه فيك وهم ينصحونك بالمناسب وبالحلول وبنسبه للشغاله انتبهي منها ترى بلاويهم كثيره وقصص تخوف.. وبصراحه المرأة تتزوج من اجل ان تجد الراحه والسعادة وتكون لها مملكه خاصه بها مع زوج يحن عليها يخاف عليها والزواج مودة ورحمه
وكلامك وحالك ما اشوف فيه إلا القهر والألم..
الله يسخر لك زوجك ويحننه عليك انصحك بالاستغفار والدعاء ان يؤلف الله بين قلوبكم وان يسخره لك
فالدعاء بصدق وبألحاح له سحر ومفعول عجيب جدا ولا تنسي الصدقه بما انك موظفة وكان الله في عونك
اتمنى ان يجد موضوعك تفاعل من الاعضاء ويساعدونك ..اتمنى افدتك

الله يسخر لك ويريح قلبك وبالك حبيبتي انتي الحين حامل في شهورك الاولى اهتمي بالجنين وبنفسك ولاتفكرين وتزعلين القهر والتفكير مو زين لا على شانك ولا عشان اللي في بطنك والله يارب يعوض صبرك خير وترى ناس وايد نفس حالتك وصابرين (ان الله مع الصابرين)والله كريم

اختي انا كان زوجي زي زوجك وهو يصير لي ولد عمتي المهم كان يعملني بقسوة وجفا امكن اول يوم من زواجنا هو الا كان طيب ومعامله ولا اروع بعد كذا الله المستعان مثل مايقولو اتمسكن الين مااتمكن بس الحال زاد وكل شئ يروح يقولو لامه تكون عمتي على الصغيرة والكبيرة بس لما شوفت الوضع بيدهور اكثر واكثر وكمان حملت بدري ثاني شهر من زواجنا وانا حامل المهم رحت قلت لامي وامي اتفاهمت معاها وكان الموضوع راح يوصل لطلاق لكن وحدة من اخوات ام زوجي اخذت زوجي وقالتو امك متزجه معندها زوجها وبيتها وعيالها وانت راح تخرب بيتك بيدك اسمع كلامي وخذها نصيحه مو كل شئ ينقال ومو كل شئ صح الام تقول عنه يكون صحة لا ممكن تكون غيرانه من زوجتك وهذااكيد عشان كنت عندها وهي دحين اخذتك منها وهذا ممكن يكون طيعي ومبرر لتصرفاتها بس اني تركت يبت يورحت عند اهلى لا ماسويتها عشان مااطلع انا المقصرة والغلطانه لا.. المهم جلس لوحدو فكر بينه وبين نفسو وحسبها صح وطبعا ماجاء واعتذر على افعاله مااظن في رجل يعتذر من زوجته.. ولكن بدا يعدل تصرفاته معايا والحمد لله دحين مو هو اللي كان لا بالعكس صار احسن ولله الحمد ...
اختي لازم تقولي لامك وضروري عشان الواحد يتصرف قبل ما تكبر يكون افضل طبعا ....
والله يصلح بينكم ويهدي يارب .. وصلي وادعي ذالذات الثلث الاخير من الليل يكون رب العباد في سماء الدنيا وان شاء الله يستجبلك
واتمني لك السعادة والراحه تعم في بيتك يارب
اختك :انثى حالمه

__________________

انتِ الحين حامل انتبهي لصحتك ولغذائك.........
وابعدي عنك الضغوطات ..................... من اجل سلامتك وسلامة الي في بطنك الجنين ........... الله يعينك ويفرج همك

حبيبتي ... كتبت كلام وانمسح
بس شوفي تصرفي اليوم قبل لايكثر عيالك
وتفاهمي معه لشفتيه مطنش ويقول روحي لاهلك
لاتترددين بالروحه لاهلك وخذي الشغاله وياك
واذا شفتيه مطنش وقررتي تتطلقين خلي امك تكلمه وتقول اذا ماتبيها طلقها لان ناس دروا انكم متهاوشين وجاو خطبوها .... طبعا الفو عليه
الرجاال لو حس ان زوجته بتضيع منه يتعلق فيها زياده

اسمحي لي هذا مريض نفسي يحتاج علاج
مشكلة بعض الرجال ما عندهم ثقافة التعامل مع الجنس اللطيف

الله يهديهم بس