بسم الله الرحمن الرحيم
مسائكم/صباحكم ذكر وطمأنينة
هالموضوع صار له وقت مزعجني جدا
وهو ان زوجي صار مايهتم بأمور دينه مثل أول
يعني صلاة الفجر مايصليها الا لما يقوم للدوام الا قليل
ولو أصحيه يرجع ينام
صلاة الجمعة مرة يصلي ومرتين لا
عموما الصلوت صار يفرط فيها خصوصا لما يكون نايم
مع انه اول لا وحتى لو يفرط يضيق صدره..
وصار يطلق بصره بشكل أكبر وأجرأ
طبعا لأني بالبداية كنت أسكت من باب انه ممكن نزوة لكن الموضوع صار يزيد وصار مايأمرني بالحجاب مثل أول علشان ماانهاه عن هالحركات
وصار يدقق بالبنات ماقبل البلوغ..
الكذب حدث ولا حرج وإذا قلت له شيء قال إصلاح!!
طبعا مايكذب علي على أصدقاؤه وبأشياء سخيفة وتافهة،ولا استبعد انه يكذب علي
كلمته بخصوص غض البصر لأنه كنا طالعين مع ناس ولما وصلنا لف على الحريم بسيارته وهو فاتح النور!!! طبعا كانوا آخذين راحتهم قهرني الموقف طبعا زعل قال ربي بيحاسبك لأنك ظلمتيني قلت له ماعليش ماني غبية ترهبني بكلمتين شيء واضح!!
ومرة قلت له بخصوص الكذب قلت له وش بيفيد لما تكتب عند الله كذابا كأنه وقتها تأثر
بس الصلاة والأمور الثانية ماادري كيف أدخل عليه
أكره اني امارس دور امه وأجلس أوقف له على كل موقف كأني أربيه
بس برضو ماابي زوجي يضيع وأنا أشوف ربي بيحاسبني لو ماحاولت معاه
علموني كيف أبدأ معه مع العلم عمره 34
وش الاسلوب اللي يأثر فيه ولا يجرحه ولا يلمس كبريائه
الموضوع مرة شاغل بالي وأحتاج حل