(اختلاف مادي جعل معاملة زوجي تتغير)
السلام عليكم ورحمة الله وبركاته

يسعد صباحكم / مسائكم

ان شاء الله مشكلتي بسيطة بس محتاجة مشورة وبحاول بقدر الامكان اختصرها لكم ،

متزوجة من 9 سنين من رجل ولله الحمد رجل بمعنى كلمة رجل فوالله لو ملئت صفحات المنتدى مديح له لن اوفي حقه الله يحفظه لي ولبناتي ويديمها نعمة

انجبت منه 3 بنات و ولد

اما عن نفسي الحمدلله اخاف ربي وأخشاه موظفة براتب جيد لكني معقدة في بعض الامور وأعترف وخاصتاً في الامور المالية وسبب التعقيد بشكل عام اني قبل 9 سنين ابتليت بزوج قبل زوجي هذا يضربني ويهينني واجبرني على اخذ قرض من البنك كان يخسف بنص الراتب وعندما اكتشفت انه يتعاطى المخدرات خلعته وبقي القرض عالقا في ظهري الا وقت قريب وبعد مساعدة زوجي الحالي انتهيت منه

والحين ادخل في المشكلة واكتبلكم بالعامية عشان تفهمون علي

زوجي قبل فترة طلب مني تمويل بسيط عشان اساعده في بناء بيت صرت اتهرب منه مرات اقول احنا عائلة صغيرة ما نحتاج بيت الحين و مرات اني افكر بمشروع حاول يقنعني ان الدنيا كل ما تزيد غلا خلنا نظمن البيت من الحين بعد محاولات منه وافقت بشرط انه يتعهد في ورقة انه يرجع المبلغ وقتها حسيت اني معقدة وفي نفس الوقت شفت الصدمة في وجهه

وقال لي والله عيب يا ام فلان ما توقعت منكي هالكلام ورقة! ليه مافي ثقة لزوجك بعد هالسنين يعني اذا ما وقفت معي حبيبتي وام عيالي مين يوقف معي وطلع من الغرفة وقتها جاني شعور اني وحدة نذلة وناكرة معروف رحت وراه بحاول افهمه بس خلاص قفلها في وجهي وقال من حقك بس الله يغنينا معد نبغى منك شيء
وراح يصلي .

كلمت الوالد عن المشكلة فقال لي هو رجال ونعم فيه بس برضه تظمنين حقكك طنشيه وبيرجع

صح ان معاملته معي مثل ما هي بس اشوف الزعل والصدمة في عينه اعاشره 9 سنين اعرف زعله حتى لو مو باين عليه
تأسفت له كم مرة يقول ما ازعل منكي من حقكك بس مصدوم شوية
هو ما تغير علي بس صار لمن اهديه ما يتقبلها صرت لمن احاول اجيب لي شيء للبيت من فلوسي يقول انا اجيبه خلي فلوسك لك حتى لمن بشتري لعيالي يرفض يقول انا الي انفق عليهم خلي راتبكي لكي والله انجرح لمن يقول هالكلام.

هل رفضي لطلبه غلط؟
كيف احسن علاقتي مع زوجي حاليا؟

اتمنى تفيدوني وكتب الله لكم الاجر
(تم التعديل ليتناسب مع المضمون)

علما انه من عادتي اهديه من فترة لفترة وكان يتقبلها بصدر رحب ويفرح لها الحين يتركها فوق الطاولة

والله ياختي ما غلطتي وعلى قولتهم الي يتلسع من الشربه ينفخ في الزبادي
وهو يمكن كان متعشم فيك خير ماتوقع انك ترديه
فكانت صدمته فيك قويه
وحس انك ماتامنيه على مالك
وبعدين بالصراحه لو كتب لك الورقة وهي تعتبر من حقك لو طالبتي فيها ايش راح تستفيدي
المساله مساله ثقه اذا ماكنتي واثقه فيه لاتعطيه وإذا كنتي واثقه في زوجك عمر ماكانت الورقة هي الي بتجيب حقك
اذا يستاهل أعطيه عيوني مو بس فلوسي
وإنتي قلتي طيب ويخاف الله
وطلبك مبلغ بسيط انتي ما غلطتي لكن هو اخذها من باب الكرامه والثقه عشان كذا زعل وأخذ على خاطره منك

__________________
ريم نواف سابقا

كيف كانت مساعدة زوجك لك بإنهاء القرض؟؟
مادية ؟

ﻻ ياحبيبتي مو غلط القلوب بين اصبعين من اصابع الله محد يدري وش ممكن يصير بكرا .. الله يديم عليكم نعمه يارب بس الاحتياط واجب ..
انا اخذت لزوجي قرض ووعدني يحول لي قيمة القسط شهريا على حسابي وكتبته شيك بالمبلغ للاحتياط مع اني مستحيل اشتكي على ابو عيالي او اشهر فيه .. بس ماتطمنت اﻻ لما كتبه
دفع القسط عني اول كم شهر وبعد كذا شلته انا !
حتى والشيك عندي مني قادره اسوي شي ..
بس اللي مسكتني ان فيه صفات حلوه ولما يتوفر معاه مبلغ مايقصر علي وعلى عياله ..
لكن يلعب بذيله يطلق يتزوج مااجلس اتحسر على حلالي ..
ارجع واقولك مافي اي شي بالدنيا له ضمانات ف خليه يكتب الورقه واسمعي شور ابوك ..

والله من حقك ماغلطتي ولاشئ

وخليك زي مانتي بمعاملتك الطيبه له ولاتفتحي الموضوع معاه نهائي وصدقيني بيرضى من حاله لانك انتي ماغلطتي ودا ابسط حقوقك

يَا أَيُّهَا الَّذِينَ آمَنُوا إِذَا تَدَايَنتُم بِدَيْنٍ إِلَىٰ أَجَلٍ مُّسَمًّى فَاكْتُبُوهُ ۚ وَلْيَكْتُب بَّيْنَكُمْ كَاتِبٌ بِالْعَدْلِ ۚ وَلَا يَأْبَ كَاتِبٌ أَن يَكْتُبَ كَمَا عَلَّمَهُ اللَّهُ ۚ فَلْيَكْتُبْ وَلْيُمْلِلِ الَّذِي عَلَيْهِ الْحَقُّ وَلْيَتَّقِ اللَّهَ رَبَّهُ وَلَا يَبْخَسْ مِنْهُ شَيْئًا ۚ فَإِن كَانَ الَّذِي عَلَيْهِ الْحَقُّ سَفِيهًا أَوْ ضَعِيفًا أَوْ لَا يَسْتَطِيعُ أَن يُمِلَّ هُوَ فَلْيُمْلِلْ وَلِيُّهُ بِالْعَدْلِ ۚ وَاسْتَشْهِدُوا شَهِيدَيْنِ مِن رِّجَالِكُمْ ۖ فَإِن لَّمْ يَكُونَا رَجُلَيْنِ فَرَجُلٌ وَامْرَأَتَانِ مِمَّن تَرْضَوْنَ مِنَ الشُّهَدَاءِ أَن تَضِلَّ إِحْدَاهُمَا فَتُذَكِّرَ إِحْدَاهُمَا الْأُخْرَىٰ ۚ وَلَا يَأْبَ الشُّهَدَاءُ إِذَا مَا دُعُوا ۚ وَلَا تَسْأَمُوا أَن تَكْتُبُوهُ صَغِيرًا أَوْ كَبِيرًا إِلَىٰ أَجَلِهِ ۚ ذَٰلِكُمْ أَقْسَطُ عِندَ اللَّهِ وَأَقْوَمُ لِلشَّهَادَةِ وَأَدْنَىٰ أَلَّا تَرْتَابُوا ۖ إِلَّا أَن تَكُونَ تِجَارَةً حَاضِرَةً تُدِيرُونَهَا بَيْنَكُمْ فَلَيْسَ عَلَيْكُمْ جُنَاحٌ أَلَّا تَكْتُبُوهَا ۗ وَأَشْهِدُوا إِذَا تَبَايَعْتُمْ ۚ وَلَا يُضَارَّ كَاتِبٌ وَلَا شَهِيدٌ ۚ وَإِن تَفْعَلُوا فَإِنَّهُ فُسُوقٌ بِكُمْ ۗ وَاتَّقُوا اللَّهَ ۖ وَيُعَلِّمُكُمُ اللَّهُ ۗ وَاللَّهُ بِكُلِّ شَيْءٍ عَلِيمٌ (282)


ما تركنا ربنا غافلين ، له الحمد و النعمة ..

تصرفك صحيح
مسألة وقت وبيرجع زوجك زي ماكان.
تصرفاته الحالية أوحت لي كأنه يقول لك(خذي القرض وجيبيه لي هدية وكفري عن غلطتك)

لكن ممكن توضحين كيف ساعدك في انهاء قرضك اﻷول؟

شقولك يا اختي غلطانة ومش غلطانة ،،،
غلطانة لأنك ما صارحتيه بخوفك ومنها عشان لما تقولي بموضوع الضمان ما يحسك مادية وخايفة على فلوسك .. فهميه انك تعقدتي من هالموضوع بسبب اللي صار لك من الزوج السابق وتحسي بخوف من هالشي هو راح يتفهم موقفك ..

مو غلطانة ،، لانك انلدغتي مرة! وذقتي التعب على انهاء قرض مااستفدتي منه شي! .. وطبيعي اي انسان يمر بتحربة راح يخاف اعادتها ،،،

ولكن لا تنسي ان زوجك ساعدك بقرضك يعني فيه الخير مع انه قرضك انتي مو قرضه وماكان ملزوم يساعد فيه ... راضيه و قعدي معاه صارحيه بكل اللي يدور ببالك وخوفك من المستقبل وهو اكيد بيتقبل وجهه نظرك وعلى الاقل البيت يكتب باسمكم انتوا الاثنين ... يعني لازم تحسسيه انك شاريته وتحبيه ومستعدة تشاركيه ولكن الخوف من تجربة اخرى هو اللي يمنعك ..

الله يعينك مثل هاﻻمور صعبببه
ﻻن محد يعرف وش اللي مخبى ب القلوب
بجاوبك عن نفسي انا شخصيا. .
لو زوجي فيه الشهامه ووقف معاي بأزمة كبيره كنت فيها
فهذا دليل على حبه لي
فوقتها مو اعطيه فلوسي أﻻ عيوني
ولكن ماأجزم بهاالرد ﻻن قلتلك مره صعب القرار
الله يوفقكم