بسم الله الرحمن الرحيم
ابشكي عليكم وعساكم تحلون مشكلتي لأن صدري بينفجر من الكتمان
والتستر على الموضوع لكن ماعندي إلا الله ثم أنتم

معاناتي مع زوجي من أول زواجي تكررت 3مرات مع العلم أننا لنا عشر سنوات
أولاً زوجي رجال متدين وحافظ للقرآن ومحافظ على أمور دينه
ولكن الخلوة مع النفس البشرية وماأدراك مالنفس البشرية الأمارة بالسؤ
أبدأ قصتي
#في السنة الثانية من الزواج تنبهت ليلا وإذا بالزوج ليس بالفراش قمت وبحثت عنه وإذا به في غرفة ومقفل الباب عليه طرقت الباب عليه وبعد فترة فتح لي الباب ( عن مين مقفل والبيت ما فيه إلا أنا وإياه )وإذا بالمصحف في يديه وش تسوي قال أقرأ قرآن جواي مادخلت الهرجه راسي راح ينام جلست أفتش الغرفه لقيت فوق الدولاب رسيفر وبعدين سألته وش القصه؟؟؟ صار يشغل الدش من غير علمي ويري بالسلك مع الشبك وعلى هالحاله (تعذيب) ضاق صدري إعتذر وكسر الدش والرسيفر وسلينا بهالدنيا
# في السنه الرابعة دايم يقول لي روحي لأحد وسعي صدرك لاتجلسين بالبيت
وأقول ياعمري راحمني وغريبه فيه رجال يبغى زوحته تطلع وتخليه جالس بالبيت على نياتي ويوم من الأيام أدور بسطح البيت وأشوف لي شي فوق عند الخزانات واطلع على السلم وإذا بالدش أمامي أصعق للمرة الثانية وأكلمه بالموضوع صار كل ماأطلع يروح ويشبك الأسلاك وحالته حاله وإذا كلمته يجين راح يفصل الأسلاك (تعذيب )
وكسر الدش والرسيفر وعاهدني مايرجع وسلينا بهالدنيا
# وفي السنه السابعة شاوني انه يركب دش بس يحط قنوات الكورة وبس والباقي تشفير وافقت عليه لأنه صار إذا فيه كوره يستاجر بفندق قلت خليه عندي وعلى عيني وصار 24 ساعة عند الكورة وكل المباريات مهمة عنده قلنا معليش أضغط على نفسي وأتحمل كل واحد له اهتمامات مافيه كامل...صار أحياناً يسهر لحد الساعة2 يدوخني وما أحب أجلس معاه عند الكورة ممله جيت ونزلت ليله من الليالي والا اولرجال يناظر فيلم مصري زعلت عليه قال خلاص حطي الرقم السري أنتي عشان ما أقدر أفتح القنوات وافقت وجبت التلفزيون بالغرفة من الحرص ومشاني وبعد فتره حسيت اني أحط الرقم السري وألاقيه مفتوح ومصفر أصفار ياربيه وش هالحال قلت ماراح أقوله شي إن شاء الله ثقه والشيطان يبغى يفسد بيننا وأجاهد نفسي بس اني أروح وأعيد الرقم كل يوم أقفل وهو كل يوم يفك الرقم السري ماادري كيف
وأنا كنت أسهر وهوينام يوم صرت أنام بدري صار يسهر و صار يغير إتجاه التلفزيون وإذا تنبهت حط الكورة وعلى هالحال ليلة من الليالي نسى يغير اتجاه التلفزيون وانا نايمه تنبهت بطفلتي الصغيرة تبكي ظن إني رجعت ونمت لكن أنا كنت أبغى أشوف وش يناظر جلست تقريباً نصف ساعة أشوفه حاط قناة mbc يوم جلست على السرير ويغير القناة علطول ويحط كورة وينكر انه كان يشوف mbc وأنا عاد بلغ السيل الزبى جلست وهزئت فيه وتشرهت عليه أنت المطوع أنت الحافظ أنت قصير الثوب طويل اللحية أنت الشيخ وذليته وهو ساكت ما رد ولا كلمه
ثمن في نفس الليلة فك الدش والرسيفر ورماهم للمرة الثالثة
والحين لنا اسبوع مانكلم بعض ولا نجلس مع بعض ولاننام مع بعض
وانا عندي كبرياء ما ابي أعتذر لأنه هو الي يخطي بحقي ويناظر من وراي وحنا لنا الظاهر وبالخفايا يعلم الله مع اني ماتزوجته إلا لأنه متدين وآخرته أعاني منه مع اني وقت رضاي معيشته بدلال ودلع وصايرة له على كيفه متى مابغى
وأنا ما أحب الإستغفال لأني كل مره أكتشفه ويعيد الكرة استغفر الله
وش الحل معاه صرت ما أثق فيه

اختي بارك الله فيك .. تعوذي من ابلبس واذكري الله ...

اختي انتي قلتي هالكلاك لزوجك وانتي معصيه عشان توعينه وتنبهينه للي يسويه ... واذا الكلام جاب نتيجه فمافي داعي تبقين معصبه عليه وماتكلمينه !

هو في موقف محرج هو الغلطان عشان جي مسوي فيها زعلان ... لاتقولين كرامتي ومادري وشو ..

ان شاء الله زوجك يحبك وراح يقدر لك هالموقف ...

روحي وراضيه ولاتفتحين الا الموضوع وايد .. .بس قولي له اتمتى انرد نفس ماكنا ومن هالمكلام الحلو ..

الله يصلح بينكم يارب ..

__________________
يارب فرج كل هموم نساء ورجال المنتدى وارزق كل بنات المنتدى الزوج الصالح ... وارزق من يتمنى الذرية الصالحة .. اللهم آميييين ...

يارب يا رحمن يارحيم يا قادر على كل شي .. يارب فرحني في اختي نايت ... عاجلاً غير اجل ...
يارب نسمع خبر ملكتها على رجل خير طيب صالح فالح يعينون بعض على طاعتك وعبادتك ...

يالورده البيضاء الله ينعم على حياتك الهدوء وراحة البال
انا من رايي مو شرط انك تتصنعي المشكله علشان تلفزيون طالما انه مايشوف شئ يغضب الله ويمكن علشانه ملتزم مستحي يتفرج قدامك وانا من رايي تصارحيه قولي له تفرج عادي وانا معاك وادعي ربي يهديه وانسي زلاته يوم ركب الرسيفر وانت ماعندك علم
وطالما الأمر لايتعدى البرامج العاديه والمسلسلات خليه يشوف وبيقتنع وبيمل فتره وتذكري كل ممنوع مرغوب
هذي وجهة نظري والله يبعد عنكم المشاكل ويديم المحبه والألفه يارب

__________________
اللهم صلي على سيدنا محمد الحبيب المحبوب 00الذي تتعشقه الأرواح وتحن له القلوب صلاة دائمة التكرار آناء الليل وأطراف النهـــــــــار

اختي الورده البيضاء

هوني على نفسك ,,,,,,,,, وتذكر انك زوجه

ولست امه ,,,,,, اواستغفر الله ربه ,,,,,,, الله يهديه ان شاء

استعيني على هذي الامور بالحكمه ,,,,,, وليس بالنقمه ,,,,, ينفر منك ويطيح باعظم

الصراحه ما ادري كيف اوضحلك ان اسلوبك ,,,,, قوي !!

والنصح والاصلاح يجي بالييييييييين

حبيبتي : ان ما تمرين به ,, هو الابتلاء ,, فاصبري واستغفري لنفسك ولزوجك ,, وتقربي منه ,, حتى تهدا الامور

واعلمي بان الشيطان يريد ان يشغلكم عن ذكر الله ,,, بهذه التوافه ,,,

اعانك الله

اختك / لي مشاعر

__________________
يا مرحبا .. نورت المنتدى بوجودك .. حياك الله

سبحان الله وبحمده

" انك لا تهدي من احببت ولكن الله يهدي من يشاء " صدق الله العظيم روحي اجلسي معه ولاتعتذرين بس خذيه بالين والكلام الزين واختاري له شريط عن الدش واسمعيه معه وقولي له اني احبك واخاف عليك من النار ومن الكلام السنع والله اني متأكده انه محتاج لك الان اكثر من اي وقت... الزعل والخصام والتهديد منك له مارح ينفع يمكن يعند اكثر ولاتنسين اننا في زمن الفتن والشيطان يجري من الانسان مجرى الدم ولاتنسين زوجك بشر ماهو معصوم لذلك عليك بالدعاء له ومناقشته بحنيه وحب وقولي له اني فخوره بك وانا متأكده انها غلطه وماراح تتكرر.

__________________
[/SIZE]

مشكورين على الردود
وياما صبرت ومليت الصبر والصبر مل مني
المشكله انه هو الحين مسوي نفسه زعلان
والحين بس يلعب بلايستيشن وأخذ التلفزيون من الغرفه وصار عزابي مع أغراضه بغرفه ثانيه له اسبوع

اختي

أنا الصراحة لي تعليق على أسلوبك

دقايق و راجعة

اسمحي لي انتي مكبره الموضوع اختي

والله حسبالي يشفو افلام اباحيه

ادري انه جالس يغلط ومضايقك هذا الشئ

بس ياليت تاخذين لفه بالمنتدى وتشوفين الحريم وش يشكون منه

خمر وزنا وعلاقات وسفريات ووووو

يعني اول شئ خلاص انسي السالفه

وبعدين المفروض ما تتركينه ياخذ اغراضه ويروح غرفه ثانيه

بجلسه هدو وصراحه تنحل الامور

(((وأنا عاد بلغ السيل الزبى جلست وهزئت فيه وتشرهت عليه أنت المطوع أنت الحافظ أنت قصير الثوب طويل اللحية أنت الشيخ وذليته وهو ساكت ما رد ولا كلمه )))

ياليت تعيدين ترتيب اوراقك من ناحيه اسلوبك مع زوجك


اختك بالله
جينز

__________________

حبيبتي اولا قضاء اخف من قضاء

يعني دخلت و انا براسي انه زوجك يشوف افلام اباحية
او دخلتي عليه لاقتيه يسوي العادة السرية اعوذ بالله
او شفتي بجواله مقاطع او ارقام بنات

استعيذي بالله من الشيطان ارجيم
ارجعي للمنتدى و شوفي الحريم كيف يعانون ..
اللي يعذبها زوجها و يضربها
واللي اكتشفت خيانته بنفسها و ساكتة و صابرة
واللي مايقربها زوجها و اكتشفت انه يمارس العادة السرية
والي و الي و الي

يعني اللي يشوف مصيبة غيره تهون عليه مصيبته
الممنوع مرغوب و الشدة ما تنفع .. اذا انتي معترضة على مشاهدته للافلام و المسلسلات
كلميه بالرفق .. ذكريه بانه ما يجوز يشوف الاشياء هذه
شوفي اشرطة و سمعيها له ..
ذكريه باولادك و انهم لو شافوه يتفرج راح يتفرجوا و يتعلقون بالتلفزيون
يرضيه هذا الشي؟؟؟
و ان شاء الله بيقتنع ... و اذا بعد فترة رجع مرة ثانية .. اتبعي نفس الاسلوب
اسلوب اللين ..
بس مو بالخناق و الزعل لانه مافيه اي فايدة
واحمدي ربك انها جت على الم بي سي مو على قناة ثانية
قومي روحي صالحيه و اتفاهموا مع بعض و لا تدخلي الشيطان بينكم

الله يوفقكم و يحميكم من كل شر

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

حبيبتي صح ان في هالقناة اشياء مخلة كثييييييييير

لكن زوجك ما شاهد افلام اباحية او شيء

يعني يا قلبي دام زوجك يصلي وحافظ للقرآن فثقي ان الشيطان غلبه

فلا تكوني عون للشيطان عليه

يعني قولي له من تاب تاب الله عليه ومن هالكلام

صدقيني هو حاااااااااسسي ان اللي يسويه خطأ بس مستني احد يدفعه للخطوة الصح

صح انه ما زال صغير لكن الانسان ضعيف بنفسه قوي باخوانه فما بالك زوجته

يا قلبي لا تكبري الامور

وادعي الله ان الله يهديه

وشوفي مصايب الناس هنا وفي غير هالمنتدى

برأيي ان تعتذري له او تسوي الامر عادي او تشوفي حل يمكن الاعضاء يسعفونك فيه

بس لا تطول المسألة حتى ما يتعود على بعدك

الله يهدي سركم ويوفق بينكم

طمنينا عنك

__________________
الحمدلله حمدا يليق بجلال وجهه وعظيم سلطانه..الله اجعل ابنتي من الصالحات وأعني على تربيتها يارب