بسم الله الرحمن الرحيم
أخواتي و أخواني الأعضاء !
أنا صارلي متزوجة تقريباً سنة و شهرين و كانت فترة الملجة تقريباً 9 شهور يعني هاي فترة كافية عشان أعرف زوجي عدل و هو يعرفني ,, و كل شي و لله الحمد بأحسن ما يكون ,, المشكلة هي إني انا امووووت في زوجي و هو بعد يمووووت فيني بس فيه مشكلة !!
إني أحس انه يكلم بنات و يوم أسأله يقولي لا! لاني اشوف في موبايله رسايل احس انها من بنات بس هو ينفي هالكلام !! حتى اني امس رسلتله مسج عن الخيانة كنت أبا أشوف ردة فعله و انا قلتله اني كنت ابا ارسله لصديقتي مو لك !! لكن هو زعل من المسج واااايد !!
هو وااايد طيب معاي و كل شي اباه يجيبه لي مو مقصر معاي أبداً ,,, بس شو الحل ,,؟؟؟؟
و انا حاولت اني اتصل في الرقم اللي انا شاكة فيه بس محد يرد !!

ساعدوني أرجوكم انا ما ابا اخسر زوجي لاني احبه وااايد !!

علشان مسجات اتشكين في زوجش

لا تستعجلين حبيبتي في حكمش عليه

اني زوجي ساعات اشوف في تلفونه مسجات حب وحتى مزحات بايخة عن النسوان وادري ان ربعه هم اللي يطرشونهم له

ولين اقوله اشلون تقبل يطرشون لك هالمسجات يقول وش اسوي اقول لهم لا اطرشون؟؟؟؟؟؟؟؟

ادا كان المسج وصخ فهو على طول يمحيه اما ادا كان مسج حب وغزل فادا كان مزاجه رايق يطرشه ليي...

في اعتقادي انه اغلب لرجال يتبادلون هالمسجات

أقترح توقفين عن الشك هذا في أسرع وقت
الشك يقضي على الحب
ما له داعي الشكوك
صح إذا شفتي شيء واضح ذيك الساعة تقدرين تتصرفين

نصيحتي
اغمريه بوافر كرمك وأدبك وعلمك وفهمك وخليه يتوجه التوجه الصح ما هو بالكلام
لا
بل بالأفعال اللي تخليه يخجل على نفسه

بهذا تكسبين زوج زي الحلاوة

أسأل الله لك التوفيق ولكل مسلم

لا حول ولا قوة الا بالله استعيذي بالله من الشيطان الرجيم
والانسان إذا صار مبسوط وسعيد شك في هذه السعادة ؟ وأنها مزيفه وصار يبحث عن ما يعكر سعادته الزوجه تشك في زوجها والزوج يشك في زوجته .
الله يوفقك يا اختي ويهدي لك زوجك ويكمل سعادتك ويديمها عليك .

مشكورين اخوااااني على الردود... انا اعرف انه هو يحبني و هو وااااايد يزعل لو شكيت فيه او لمحتله عن هالشي ....
اختي باقة ورد انتي تقولين اني ما اتسرع لين ما اتأكد ,,, انا شفت مسجات مكتوبة منه لوحدة ,,, مثلاً اسمحيلي انا كنت راقد!!! و مسج ثاني يرسلها بطاقة رصيد لتليفونها شو يعني هالكلام !!!!

قولي له أبغى أغير رقم هاتفي الجوال فإذا سألك ليش؟ قولي له : إنه في رجال يتصلون فيكي و يتحرشون بك !
و المقصد من هذا الكلام هو إثارة الغيرة في قلبه و إشعالها في نفسه بس لازم تكون بقدر معين حتى لا يغضب منك و يبدأ يشك فيكي لا لا المقصد هو إثارته و بيان إن الله سبحانه ممكن يبتليه غدا فيكي و في بناتك يعني ممكن بسبب تحرشه بأعراض بنات المسلمين فإن الله تعالى يسلط على أهله من يفتنهم و يؤذيهم ...
و لازم يكون الكلام غير مباشر ... يعني فيه وحده صار فيها هذا الشيئ و الآن هي مبتلاه بمكالمة الرجال و ما تستطيع تتوب و من هالحكي اللي يهز بدن زوجك الله يهديه ويصلحه ...

على فكرة أنا زوجتي تشك فيني أيضا و لكنها تعرف أني بحمدالله لا أسلك طريق الحرام فلذلك هي شكها بأني متزوج عليها بس!
........................................

اسمحيلي انا راقد؟؟
يرسل لها رصيد؟؟
مادري وش اقولك بس واضح ان له علاقه لكن لا تتعجلين لازم تتصرفين برويه اول شي حاولي تعرفين ليش ممكن يسوي هالشي اذا هو يحبك وتوكم في بدايه الزواج حتى ما لحق يمل منك؟
حاولي تتقربين له اكثر وتاخذين وتعطين معه في الكلام
ترا ممكن يكون عارفها من قبل لا يتزوجك وهي اللي رجعت تتصل فيه ولا شي
حاولي تقربين له اكثر قدر وبعد كذا ابدي لمحي وقوليله انك رح تسامحينه لو يعترف لك وكذا
واخر شي لو انكر قويله انك شفتي المسجات وعرفتي كل شي وعطيه فرصه انه يدافع عن نفسه ووقتها انتي تقررين وش ممكن يصير وهل يمكن يتركها ولالا..

الله يعينك ويصبرك

اختى الكريمه

هونى عليكى ولا داعى ان تجعلى للشيطان مكان بينكم فاذا دخل الشيطان بينكم فلن يخرج .

اذا كنتى متاكده انه يكلم بنات ويراسلهم فعليكى اثبات هذا واذا اثبتى هذا لا قدر الله فانتى لكى القرار .

اما اذا لم تستطيعى اثبات هذا فعليكى تستغفرى الله لانك ظنتى ظن السوء فى زوجك .

__________________
لا يوجد شىء اسمه صعب ، ولا يوجد شىء اسمه مستحيل ... نحن من نصنع الصعب والمستحيل