السلام عليكم ورحمة الله وبركاته

اخش في الموضوع دغري

الموضوع انه انا واخوي عايشين مع بعض في بيت واحد انا وزوجتي وبنتي وهوه وزجته وولده وبنته

البيت هذا اللي احنا فيه طلع ورث من والدنا رحمة الله عليه لي انا واخي

وعلاقتي انا واخي ولله الحمد قويه جداً

طريقتنا في البيت المطبخ واحد ووجبتنا وحده الا في حالة اني رغبت اكله معينه زوجتها تحضرها لي

البيت فيه الكثير من الخصوصيه حيث يوجد لي جناح خاص فيني فيه غرفة نوم وصالة ومجلس ومطبخ صغير وحمام اكرمكم الله ومؤثث ولله الحمد بأتقان .

المشكله في التالي :

زوجتي لها فتره طالعه لي بموال ان حنا نطلع من البيت وذلك لعدم راحتها وانها تحس بالكئابه فيه وانها ما تطيق زوجة اخوي وان اطفال اخوي دائما يضايقونها


ردي كان لها انه من المستحيل اني اطلع من البيت الذي يعد ورث لي وان الفكره هذي لا زم تشيلها من رأسها ولن اطلع من فله وانتقل الى شقه والسبب انه يجيلك اكتئاب من البيت .

دائما ما تبكي وتنهار عند النقاش في الموضوع وردي عليها يكون اني اطبطب عليها واقولها تقراأ المعوذات واحياناً تبكي لدرجه اني احس انها مريضه نفسياً .


احياناً تكون مبسوطه وتذكر زوجة اخوي بالخير وتراسله لما نكون برى وتقول انهم وحشوها وبعد كم يوم تقلب تكرهم ويصير فيه تناقض في الموضوع .

حقيقه انا طفشت من الموضوع هذا كل ما صار شي من بزران اخوي قامت تبكي وتكون نفسيتها تعبانه وانا دائما اقولها هذولا اطفال ولا تحطين عقلك بعقلهم

الموضوع هذا انعكس على البيت وعلى زوجتي حيث انها صارت لا تهتم فيني مثل باقي الزوجات ولا احس تجاها بش لدرجة انني كرهت الجلسه في البيت لأنها كلها نكد في نكد

ما الحل في نظركم وهل افاتح ابوها في الموضوع ؟


اعتذر للأطاله

اخوي الزوجة ماتنلام تبي تحس بحريتها

بس انت اذا ماتبي تطلع من البيت
عطها خصوصيتها
حاول انك تبعد عيال اخوك عن جناحكم
خلوا الصغار يلعبون برى يعني كل ماجاءوا حاول تصرفهم بأي شي

انا خالتي كذا .... وكانت زوجة الاخو دايم تضايقها وتتحرش فيها
ووووو اخر شيء ماخذين بيت فله آجار ...طبعا خالتي تدفع من راتبهاااا

اصلا تحس فيه منافسه بينهم
انت لو تمشيها علطووول مثلا 2 يوم بالاسبوع او مره
دلعها وجيبلها هديه حتى لو وردة صدقني بتفرح فيهاااااا

بس اهم شيء انك تهتم فيها ولاتنشغل عنها كثييير
ولاتقعد مع اخوك اكثر منهاااااا......
عشان ماتقول لو اني ببيت مستقل كان قعد معي علطول
ولا يطلع من البيت كثيييير لانه بيحاتينا

وتبعد الصغار قد ماتقدر عن جناحكم ....
واذا زعلت راضهااا وقلها كلام حلووو لاتطنشهاااااا

اخوي زوجتك لها الحق تطلب هالطلب يعني مافيه وحده ترضى تعيش في بيت مشترك خصوصا انك تقول ان المطبخ مشترك يعني حتى لو حست بالجوع ماتقدر تروح المطبخ الين ماتاخذ اذن من اخوك وغير كذه حتى ماتاكل معاها والله صعبه يعني حاول تحط اختك في نفس الموقف وتخيل اش راح يكون موقف اهلها

اخي الكريم ..
لو كنتو عايشين مع والدتك ووالدك
كان اغلبية الاعضاء بيقولوا لك لا تطلع
وامك و ابوك اولى بخدمتك و رعايتك لهم

لكنك تعيش مع عائلة اخوك ..
وهذا صعب .. حتى لو لكم جناح خاص
تظل الزوجة تحس انه مش بيتها و لا تقدر تحس باستقلاليتها فيه
كل وحدة فينا تحب تكون ملكة بيتها ولو كان شقة من غرفة
افضل من العيشة مع حد بفيلا
لذا اذا عندك القدرة المادية على الطلوع من البيت و الاستئجار
يكون منالاحسن عشان تبعد عن المشاكلل و تستقر حياتكم ..

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

لا مالها حق زوجتك بصراحة...

طالما انه بيت كبير فيلا وانتم وارثيه عن الوالد ولها فيه جناح خاص ويوجد مطبخ صغير في جناحكم يبقى خلاص ماعدها حجة زوجتك الله يهديها بس...

انت خصص وقت تقعد فيه مع زوجتك وبنتك وتسولف معاهم وحسس زوجتك انك بتحبها وجيب الها هدايا بس خليك حازم في موضوع البيت يعني موضوع الطلعة هذا تشيله من بالها احسن الها...

,
,

لا يا اخي الكريم إحذر أن تفاتح والدها بالموضوع ..

هذه مشكلة بسيطة إن لم تستطع أنت حلها فلا أعتقد أن هناك من سيحلها من خارج بيتكم ..

أخي إجلس معها وإطلب منها إجابة على أسئلة :

1- ليش ماتحبين زوجة أخوي ,, الأسباب !!

2- إنظر هل فعلا الأطفال يؤذونها أو يحرمونها من بعض الخصوصيات ..!!

3- ثم أخبرها أن تضايقها من الجلوس في البيت لايبرر تقصيرها بحقك ..!!


باختصار إبحث عن الأسباب وأوجد لها الحلول ..

وفقك الله لما يحب ويرض ..

,
,

بصراحة زوجتك معاها حق وصدقني لو طلعتوا في بيت لحالكم انت راح تنبسط وبتحس بالراحة والاستقلاليه يا اخي ابتعدوا عن الاشياء اللي ممكن تسبب لكم مشاكل واسكنوا لحالكم أحسن صدقني وأسأل مجررررب ...
تحياتي

اخوي اما عن قولتك مستحيل اطلع من فله واسكن شقه انا اتمنى اسكن غرفه وحمام ومطبخ ومرتاحه على اني اسكن فله

الفله اذا ماارتاحت زوجتك فيها وش فايدتها

اسال مجرب ولاتسال خبير
انا ساكنه مع اهل زوجي
زوجت اخو زوجي موريتي نجوم النهار لسانها طويل ومسببتلي مشاكل مالها اول ولا اخر وزوجي يدري اني مااحبها بس شنو السب مايدري

وانا مااحب ابين له الاسباب حتى مايحس اني ضعيفه وثقتي بنفسي مهزوزه


فزوجتك يمكن حاطه اولاد اخوك سبب تخبي وراه السبب الحقيقي

فاخوي الرحمه في زوجتك والله تمر ايام ماذوق طعم النوم بسببها

اذا انك تقدر تطلعها فاكيد ماراح تنسى لك هذا المعروف



رفقا بالقوارير

__________________
ربي هب لي من لدنك ذريه طيبه عاجلا غير اجل وكل عاشقات الامومه

آمين

متابعة

زوجتك لراضيه ومبسوطه

كما هو واضح

لكن اعتقد ان كلام الناس ياثر فيها


حريتك

حياتك الخاصه

وشلون متحمله


فتكون مشحونه منهم

اجلس معها جلسة مصارحه


ووضح لها ان السعاده بالتفاهم والحب وراحة البال


واننا ان صرنا عائله كبيره


سننتقل باذالله

الله ييسر اموركم

__________________

	لاتقل أنا طيب فالكل طيب! ولا تقل أنا متعب فالكل متعب! ولا تقل أنا حزين فالكل حزين! بل قل فقط الحمد لله صبحاً ومساءً ، ليخف أنينك وتضمحل أوجاعك وتقل أمطار دموعك ... وعش هانئاً مؤمناً...متسامحاً عفواً متعاطفاً مع الغير..و ابتعد عن النزاعات والأحقاد والانتقام فلن يكسبوك سوا الندامه في الدنيا والآخره..