السلام عليكم ورحمة الله
سؤال للرجال خاصه )والنساء اللي يعرف لايبخل
بقولكم صفات رجل وطريقة حياته وابي اعرف هل هومتعاطي اولا
وهل اللي تعاطى مخدرات اول شبابه وتاب فتره طويله تضل اعراض التعاطي عليه اذا الاجابه نعم تبقى الاثار ارجو ان تكبوها

وشرايكم بالشخص
هو عمره بالاربعين
هو عصبي جدا يهاوش زوجته على كل شي
لو صحته من النوم وجاه ضيوف يعصب
ولوطلبت مقاضي البيت الاساسيه هاوشه
تحسه يراقبها ويدور الزله يمنعها من زيارة اواستقبال الناس حتى اهله
لو طلع الاكل باهت اوطلبت تكلم اهلها تليفون قوم الدنيا وما قعدها وراح يبات لوحده مده طويله تصل لست شهور احيانا لايجامعها خلالها نهائي
واذا رضى جامعها مره وبعدها يضل يبحث عن سبب لهجرها مثلا لوطاح كوب من يدها هجرها مره ثانيه واذا سألت ليش مايرد اويقول لها خربنك الحريم
مايصلي بالمسجد
اغلب ايامه جدوله فيها
يروح لعمله بعد محاولات صعبه لإيقاضه وتجهيز كل شي من الحمام وملابس وفطوروقهوه يجلس يفطر ويروح لعمله يرجع الساعه الثانيه ظهرا يتغدى ويجلس على الكمبيوتر لمدة ساعتين ثم ينام ما يصحى عالعشره مساء يجمع صلاته واما يطلع ويرجع عالوحده ويكمل نت
اوانه مايطلع ويبقى شابك النت قبل صلاة
الفجر نام وصحى عموعد عمله سبع صباح كل يوم هذا جدوله الا اذا في اجازه زاد نومه اوسافر مع اصدقاه بدون ان تعلم الزوجه وجهته
لوزارت اهلها تركهاشهر اواكثر ويتعامل
مع الناس الغرب بلطف وكرم بالغ يصل لصرف كل مافي جيبه
اهله امه واخواته يتحاشونه
كل شي الا باذن حتى لوحبت تغير مكان قطعه اثاث يفرح بأخطاى اهلها ويبقى يتكلم فيها فتره لوناقشته احيانا يسمعها
ويقولها خلصتي اطلعي وسكري الباب اهلها مش مصدقينها لانه يعاملهم بلطف ويجلب هدايا لهم واذا صدف زاروه اكرمهم بالضيافه واول مايطلعوا رجع لحالته
تسألوه ليش ماتطلقني اذا ماتحبني وهذا الباين من تصرفاتك يقول هذا اللي راح يحصل لو ماتعدلتي تقول بايه اتعدل قول بالضبط طلباتك يتركها ويمشي
يخدم الناس على حساب نفسه وسمعته عند الناس ممتازه الكل يقول لزوجته يابختك فيه
شكت لاهلها يقولون ماراح تلقين مثله كسبهم بصفه هي اللحين عند اهلها طالبه الطلاق
هل هو رجل مريض نفسي اوجنسي اوانه كان يتعاطى















‏ ‏

لا أظن أنه يتعاطى مخدرات
لا أرى شيئاً في تصرفاته يشير إلى ذلك وعقله سليم
المتعاطي يتصرف مع الجميع بنفس السوء ولا يفرق بين زوجته وغيرها .

ولكني أرى هذا الشخص يبدع ويمعن بإذلال زوجته لأسباب لا علاقة لها بالتعاطي .

طيب مكن يكون مريض نفسي او مريض جنسي
اهلها لايصدقونها ظنا منهم برغبتها بخطيبها السابق الذي ارغم على طلاقها اثر مشكله بين والدها ووالده والجميع يعرف حبه لها وانه سيجاول مجددا في حال طلاقها
وشكرا ابو حكيم عالرد

أختي
أنا أجبتك من ناحية التعاطي - والله أعلم -
عموما حاله بشكل عام غامض وبحاجه إلى الكثير من التحليل لفهم نفسيته .

شكرا ابو حكيم

والغريب انه يشكر فيها ولماسألوه اهله يقول ماقصرت بشي ولو ماأبيها ماخليتها على ذمتي

زوجها عنده شك فيها هي وعلى ما أظن إنه عارف قصة خطيبها السابق وحبه لها وفيه شئ تسرب لداخله علشان كذا يشك في زوجته وإلا ليش يراقبها وليش يقول لها لوتسنعتي ليش يراقب إتصالاتها الحرمه هاذي زوجها يعاني ضغط شديد فيه شئ مخفيه عنها في نفسه مضايقه سمع عنه أو وجده بنفسه هو علشان كذا يهرب من الواقع إلى النوم والإنترنت والسهر والسفر بس ماقدر ينسى الشئ هاذا إللي مأثرعليه في حياته
بل أ فضل لها أن تحتويه وتجلس معه وتسأله بصراحه إيش إللي مغيره عليها وتسأله هل قصرت معك بشئ هل رأيت عليه شئ لم يعجبك هل أناضايقتك بشئ أحيانا بعض الناس تسعى وتكيد المكائد في خراب بيوت بعض الأزواج يمكن وصله شئ يخص زوجته وخطيبها السابق أو أحد أتصل عليه أو ارسله رسائل تبعث الشك في قلبه على زوجته والهدف منها كرهه لزوجته وتطليقها فقام يسوي معها كذا ويعاملها بقسوه حتى هي تطفش وتطلب الطلاق منه بنفسها أما بالنسبه لكل ماذكرتيه من إحتمالات إصابته بمرض جنسي أو نفسي او متعاطي كل هاذي ليست موجوده فيه أبدا ولاكن الرجل إذا دخل في قلبه شك وظن بسؤ بزوجته من أي مكان تجديه يكرها كره شديد ولايحب أن يقترب منها ولاتميل نفسه لها كل ماتذكرمصدر الشك والظنون زاد كرهه لها ونفوره منها وربما وصل له أي شخص كاذب معلومات عن أهل بيته بعد مالفق لهابعض الأدله كصور أو رسائل خاصه أو تسجيل ليدخله في دوامة الشك في زوجته هاذا تحليلي والله وحده أعلم الله يكون بعونها ويفرج كربها إن شاء الله.

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

من ناحيةخطيبها السابق لاتوجد بينهم اي علاقه وهي محافظه ومتدينه وتقول احب زوجي مع انه سيئ بمعاملتي
واصلا هو ماتغير عليها هذا تعامله من بداية الزواج حتى تذكر انه يتهرب من النوم معها في ايام شهر العسل
وبالنسبه لنومه لماشكت لأمه قالت هذا هو طبعه وذكرت لها انه قبل زواجه كان ينام مرات بعد مايرجع من العمل ومايصحى الا على عملة ثاني يوم
ومن ناحية الكلام والصراحه كل شي قالته له حتى قالت له اخاف منت حابني وموقادر تعيش معاي اوتحب غيري قولي عيوبي انا ودي اكمل معاك تقول يسمعني للأخر ومايرد ويطلب انها تتركه لوحده

أؤيد بنت الحكمي بموضوع الشك والغيرة ... لكن ممكن في مشاكل ثانية ..

كم مدة زواجهم ؟؟

عندهم أولاد ؟؟؟

ما المواقع اللي يدخلها بالنت ؟؟؟؟ ساعات طويلة جدا يقضيها بالنت تخليكي تتساءلي .. ممكن للنت علاقة بسوء علاقته بزوجته .

أحس انه انسان يحب المظاهر ونظرة الناس له وبنفس الوقت أناني .

هو بالأصل كريم لكنه يكره شيء معين بزوجته بالرغم من حبه لها وهذا الشيء يخليه يبخل عليها ..

ما يناقشها لانه متضايق من أمر اخر غير الأمر محل النقاش لكنه لا يريد الافصاح والنقاش بما يضايقه فعلا
(من هنا ومن مراقبته لها توقعت موضوع الغيره)

Betaوبنت الحكمي
شكرا لكم من ناحية الغيره هي شوي ملاحظه بس شك ما اتوقع لان تقول
لويشك كان لاحظت
وبالنسبه للنت ماتدري على شنو يدخل مايعلمها
وزواجهم فتره اقل من سنتين ومافي اطفال
ومره شكت انها حامل تقول احسه فرح
وتلبس وتكشخ تقول مايقرب يكلمها من مسافه وتقول لو حاولت اظمه ينزع يديني ويتركني
صراحه حالتها مزريه صايره تكسر الخاطر تقول بس ودي اعرف هويحبني ولا يكرهني وليش يعاملني كذا
لما تشكي لصديقاتها قالوا لها ممكن مريض جنسي اونفسي اواعراض مخدرات
قبل شوي أخته كلمتها قالت لها اصبري يمكن اخوي مريض اومسحور
وكل اهله معاها ضد ولدهم وهذي المكالمه زادتها حيره