السلام عليكم ورحمة الله وبركاته...................
كيف الحال جميعا بدخل في الموضوع وبكتب لكم قصتي وأريد منكم الحل الشامل والوافي الله يرزقكم الجنه
تزوجت وعمري 17 من ولد خالي الذي يكبرني ب 3 سنوات وعشت معه خارج البلد ومع اهله وقامت امها تتسلط علي وتدخل في كل كبيره وصغيره لحد ماطلقني ولدها بسبب تأخري في الحمل وعمري 20 وجلست فتره طويله مطلقه لحد مابلغت من العمر 29 عام تقدم لي زوج صالح بشاهده من حوله اخذني على اساس زواج معلن وكل حقوقي قائمه وماراح يقصر علي ابد وبيحطني في نفس مرتبة زوجته على قولة عينين في راسسسسسسس (امحق)المهم تملكت عليه وكان طاير من الفرح ومندفع لي بالمررررره وتزوجنا ع طول وكنت فرحه عمري ماتوصف ورحت معه لبيت الزوجيه وفرحت أمي لا توصف وفرحت خواتي واخواني غامره جلست معه وسولفنا الرجل بعد الفجر ماكان مظبوط تغيرت نفسيته 180 درجه حسيت بها الشي معاد في قلبه لهفه علي ولا فيه حب ولا فرحه كنت اشعر بها الشي بس اكذب عمري مابي ها الشي يكون لي واستبعد افكاري ومر الأسبوع الأول من زواجي كاسنه من الالم والمأسي وتركني عند اهلي ولم يخبر زوجته بزواجه فهمت السالفه ع طول انه معاد يبغاني بس كانت نوياي الحسنه فيه وانه ملتزم تستبعد ها الشعور واقول لاااااايمكن يظلمني ومرت الأيام والشهور ومازال الصمت يحلق ع شفتيه وقلبه ولا يريد الاعتراف بي كازوجه لها حقوقها وحرمني من الليله (حسبي الله ونعم الوكيل) وذكره بربي يقول لي زوجتي عصبيه وعيالي صغار متعلقين في امهم وكنت حاسه بشعور انه راح يرخصني بس اقول من الشيطان لا طيب ها الانسان واكيد يحبني لو ماحبني ليه فتح لي شقه واثث وجاب لي خادمه وليه وليه كملت معه سنه اصبت خلالها بمرض نفسي بسبب الحزن والكأبه صرت معاد اقدر ابلع الطعام بسب الحزن انشدت عندي عظلات الحنجره والحمدلله تجاوزت المرحله بأمان وتذكر قوله تعالى(إن الذين قالوا ربنا الله ثم استقامواتتنزل عليهم الملائكه الا تخافوا ولا تحزنوا وابشرو بالجنه التي كنتم توعدون)دايم اكرره ونثلج صدري ولله الحمد وصرت انام بشقه لحالي تخيلوا معي خادمتي فقط وهو مريح عند أم العيال ولا فكر في الأنسانه الي اخذها من بيت أهلها أخذها معززه مكرمه ورمها في شقه مثل الأسير انتظر دخلته علي الظهر عشان يتغدى ويطلع عاجل عشان ماتدق زوجته وتدري ان الجو متغير عليها واختكم في الله <::::::::::::::: في حاله انهيار ماتخيلت انه بها الجبن رجل دين ملتحي يطلب مني تغطية نقابي عند الخروج من المنزل وعدم مشاهده القنوات الفضائيه الا قنوات المجد يصدر منه ها الظلم الجامح والدامح الؤلم وكلكم ماتخيلتم استغل عدم التفات اخواني لي وانشغالهم بزوجاتهم واطفالهم وعدم وجود أب لي في تماديه الخسيس واكثرت من الأستغفار وقيام الليل وكنت اشعر برحمه ربي وفرجه قريب (ولما استحكمت حلقاتها فرجت وكنت اضنها لا تفرجوا) وبعد سنه ونص من الهم والغم والخوف رزقني الله بحمممممممممممممل حملت بعد اتهام زوجي الأولى اني لا أنجب اللهم لك الحمد وفرحت وفرح لي العالم كله وكنت ابكي من فرحتي وامي تبكي فرح لي بالحمل بس في قلبه غصه حسيت فيها بدء ناقوس الخطر يدق عنده وبدء العد التنازلي لأنتهاء الفوضى وكان يواعدني بالخير بعد ولادتي يقول لي ابشري بالخير بعد ماتولدين بحط ليله ولك ما تبغين وأماني كثيره مالها اول من تالي وبعد الولاده وانتهاء مده النفاس اخذني لشقه المظاليم عشان يكمل باقي مسرحية ظلمه علي وفاجأني بكلامه انا مارتحت لك ولا حبيتك والارواح جنود مجنده وكل واحد يروح بطريق سكتت وكأن الطير تأكل من رأسي حسبي الله ونعم الوكيل بعد اول فرحه لي ويوم انجبت جيت تقول لي معاد ابيك مارتحت لك وليه ما اختصرت من البدايه ولا عذبتني ولا دخلتني في امراض نفسيه ليه كل ها الألم ليه وش سويت لك ولا شي ماقدر اعدل لك وانا ما حبيتك صار العدل هواء قلبه الزبده طلقني جعله طلقه تشق راسه !! ماتوقف ظلمه علي صار يظلم ينتي بعد مصروف ما يجي الا بعد طراره واتصالات ورسايل طالبته يسوي جزء مستقطع من راتبه رفض قال لي على اي اساس متى ماجاتني فلوس برسل لبنتي والله يا اخوان انه مايرسل لين اذكره بمصروف البنت وقبل يخلص حليبها ب 4 ايام ادق ويالله يرسل بالمنه المهم هنا ابغى رأيكم ؟؟؟؟؟؟؟؟ تفاجئت برمضان لما طلبت منه العيديه حقت بنتي ارسلها لي وبعد يومين ارسل لي رساله بهذا اللفظ( لا تدقين اذا احتاجت البنت شي كلمي زوجتي وبعدين افمك السالفه) نسيت اقول لكم حرمته درت بزواجه مني قبل رمضان بسبب رساله ارسلتها له وشافت الرساله وانفضح أمره عندها وحاست مريريه يستاهل هذا جزاء الجبناء المهم صار يطالبني يصير المصروف عن طريق زوجته وجيت بنتي وروحتها كذالك عن طريقها بالله وش رايكم المهم بعد اتصل علي وطنشته ومعاد ارد على اتصالته تفاجئت انه يتصل علي من رقم غريب ويقول لي انا بفهمك السالفه لازم اذا جات بنتي تجي لبيت ابوها وحرمتي وعيالي يحبونها عشان ماتحس انها جايه بيت غريب وتكره الجيه يلف ويدور ان ارساله لرساله عشان بنته وهو كذاب يبي رضا حرمته عشان ما تكب له بزرانه وتهج وتلجلج بالسانها عليه وقال لي جهزي بنتي برسل اخوانها يجون اليوم ياخذونها العصر الى يومكم ماجاء يا خذ البنت الكلام هذا من 4 ايام ولاحظت شي فيه مايحب بنتي ولا يوله عليها عكس عياله من زوجته هذيك وكل ما كلم قال لي والله ان بنتك زي اخوانها بظبط ( كاد المريب ان يقول خذوني) وانا ماقد سئلته عن مدى حبه لبنتي بس دايم يلمح لي لا تظنين ان بعدي وقسوتي على البنت اني اكرهه المهم طولت عليكم ودي بشوركم وش اسوي هل انصاع لزوجته واصير ادق عليها ولا اسفهه ودق عليه هو اذا احتاجت بنتي علما ان اخواني رافضين يكلمونه تمام واذا قلت بقطع هاالعايله كلمت امه تسئل عن حفيدتها واخواته يدقون يسئلون عن بنتهم وش اسوي احترت مابيه يدق وهو يدق علي واذا مارديت دق علي من جوالات غريبه واذا سكت ولا غيرت جوالي ماراح يرسل مصروف البنت مشـــــــــــــــــــورتكم اشتكيه في المحكمه بيعطوني مصروف ينتي 300 وهو يعطيها 500 ويالله تكفي بعد وش اعمل يا أخوان يا أخوات ردودكم والله يجزاكم الجنه مع الســـــــــــلامه ( تعبت الظلم)
المعذره تم تعديل العنوان
الاشراف
16-10-2008, 10:19 AM
ضوابط المشاركة
العرض العادي
