السلام عليكم
بأدخل بالموضوع على طول! صار لي خاطب شهر ونص (عقد قران) وصرت ازورها من فتره لفتره
كانت ايام جميلة بالنسبة لي وجديدة ومشوقة، وانا اتصرف بطبيعتي طبعا وبحكم انها زوجتي، اطلب منها شغلات بسيطه كقبلات وكذا، كلها مرفوضة رفض تام... كنت اتوقع الموضوع خجل فقط! بس مع الوقت تغيرت وصارحتني ان الموضوع هذا يضايقها جدا!! طيب ليش وافقت على الزواج؟
شيء آخر، طبعا كان بيننا مكالمات ورسائل ونطول مع بعض... بس مع الوقت ما احسها تهتم وكلامها دايم بارد،، على كثر كلام الغزل والإعجاب و و و من جهتي..
لي كم يوم نفسي عايفه الدنيا ولا صرت احب اتصل ولا ارسل الا شيء بسيط (عشان لااحسسها انه فيه شيء) وفعلا بديت اتخيل اني اخطأت بموضوع زواجي...

ابغى مشورتكم هل انا حساس وماخذ الأمور بمنظور خاطيء! هل البنات كذا في البداية ومع الوقت تتقبل وتحب زوجها؟
مع العلم ان فرق السن بيننا (10 سنوات) هل هذا سبب عدم التفاهم؟

لا تستعجل على ازاحة الخجل
بعد كم شهر سوف تلاحظ بأن الخجل بدأ يخف

__________________




كل مشكلة ولها حل
**باب بيتك هو باب خزنة اسرارك الزوجية**

بـــاريـــس... تــقــريــر رحلتي الــى مــديــنــة الــنــور
.
.

بعض البنات يخافون يسايرون وينفهمون غلط وينشك فيهم

بصراحة ما الومها

ولو كانت تقبلت بسرعة ممكن تجي وتكتب موضوع انك شاك فيها

تحس انك اخطات ليش؟

المفروض بهالفترة بالذات المبادرة تكون من الولد

من جهتك انت

مو منها

البنت تجي خام ماتعرف شي وتستحي..

انتو تطلبون تكون البنت أوطة مغمضة.. واذا جتكم الأوطة المغمضة تشكيتوا

طبيعي ماراح تسلك معاك من البداية

الحين متندم ومتحسف بدون سبب

شلون لو مكتشف فيها عيب؟

بعدين حلو الغزل بس لاتبالغ فيه لانك في البداية.. مامداك تعرفها

عشان يصير في مصداقية مو مبالغة

مو كلام حلو لمجرد انك تبي تقول كلام حلو.. كلمة من القلب ابلغ من كثر الحكي والغزل اللي ماله طعم وبدون مناسبة

مو شرط تطفح مكالمات لمجرد انها خطيبتك

عادي اسال عنها وعن احوالها مرة مرتين باليوم مكالمات قصيرة ومو شرط تقول كلام حلو

مرة ومرة

اهم شي تحسسها انك مهتم وبدون ماتحس انك دلقت نفسك

وكل كم يوم كلمها مكالمة طويلة

مو تروح كلك ولا تجي كلك

لا افراط ولا تفريط

اتمنى ذلك، شكرا لك

شكرا على ردك... وانا مثل ماذكرت مبادر بالأمور لأكسر الحاجز، بس هيا صارحتني ان هذه الأمور مرفوضه جدا من ناحيتها وانها تزعل لمجرد اني ذكرته لها،،، وان كل شيء بعد الزواج! هالشيء معناته انها لا رغبه لها بالزواج اصلا
وانا معاك حلاة الأنثى بحيائها، بس لايكون بشكل مبالغ وانها تتحسس من كل كلمة وحركة اسويها لدرجة انها تزعل

واشكرك على نصيحتك الأخيرة بأن الامور لا افراط ولاتفريط

ايوا في وجهة نظر ان كل شي بعد الزواج من الى

حتى الامور البسيطة

تحفظها ماله علاقة برغبتها بالزواج من عدمها.. هي قالت لك تبي كل شي بعد الزواج

مو قايلة مابي اتزوجك!

كيف استنتجت ان مالها رغبة؟ :/

قد تكون من مجتمع محافظ او تخاف يصير تمادي قبل الزواج

كم باقي على زواجك؟

ان شاء الله بعد 5 شهور

البنت ما شاء الله عليها شكلها حريصه على نفسها وهذا الافضل والله الله يوفقها ويتمم لكم على خير حافظ عليها ومعها حق انها تركت كل شئ لبعد الزواج عشان يكون له طعم وعشان ما تملون من بعض

__________________
الحمد لله الذي جعل بعد العسر يسرا... و بعد الضيق فرجا... و بعد الغم راحة ...وبعد الفراق عودة
« الْحَمْدُ للّهِ حَمْداً كَثِيراً طَيِّباً مُبَارَكاً فِيهِ »

كلام جميل ، أنا معه وأعجبني
وأعانك الله وجمع بينكما بخير

__________________

دام قالت كل شيء بعد الزواج
فهي ما تكره هذا الشيء
لكنها تفضل عدم وقوعة الان

وللتخلي انك في مشكلة عشان هذا الموضوع!
امر عادي جدا وطبيعي ويحدث مع عينة من النساء