صباح الخير
كيفكم
حابه اتوصل لطريقه مثلى لفرض احترامي في العمل من غير
زعل
زميله لي في الدوام احسها شايله علي من غير سبب وتنتظر الفرصه الحاسمه
عشان ترمي علي كلام لاذع في البدايه قلت في نفسي يابنت طنشي وخلي منك الحساسيه اوك
في البدايه كانت علاقتنا حلوه وهي تغيرت انا السبب لإني عطيتها مجال ودخلتها في عالمي الخاص للأسف
وهي كانت تبيني بجنبها عشان تدربني على الشغل
بدر منها موقف وبصراحه كرامتي ماسمحت لي اني اجلس بجنبها وسوت المستحيل
وكلمت المسؤلين عشان اجي حولها على طول رجعت لمكاني السابق
من بعد هالموقف صرت رسميه معها بصراحه
وحصل موقف امس بصراحه جرحتني وربي يستاهل الزعل رمت علي كلام لاذع وأمام المراسله جالسه تهايط علي واااضح لكن مسكت نفسي وقلتلها قصري حسك قسم الرجال يسمعون
وهدت شوي انا بصراحه زعلت منها بس مابينت ثقلت عليها بقوه وحسستها انها مضايقتني وصارت تستشيرني على لون المكتب والجدار اي لون نصبغ
ردت عليها قلت اختاري اللي انتي تشوفينه هي حست اني شلت بخاطري
دخلت اليوم ولا صبحت علي ولا كلمه هي الغلطانه
مارأيكم ابي افرض احترامي في العمل بدون زعل
رجاءا خاص وبلييييز لااحد يرد علي ويربط مواضيعي بااي موضوع سابق لي والأحداث اللي حصلت لي

تسعة أعشار الخلق في التغافل..

وسيد قومه المتغابي..

اذا رفعت صوتها لدرجة ان قسم الرجال يسمعونها فهالشي يعيبها مايعيبك..

وصدقيني اذا هي استمرت ترمي الحكي قدام الناس وانتي تتجاهلينها.. هي بتكون بموقف الضعف والفشيلة مو انتي

وخذيها قاعدة.. زميلات العمل بالذات حطي لهم حدود غير مرئية تحفظ هيبتك وتحط كل شخص بالمكان الصح..

لان العلاقة معاهم مهما كانت حلوة.. لابد من التنافسية اللي تخلق الغيرة وما الى ذلك

يعني الثقل مع الكل.. مو تستنين موقف يصير لك عشان تثقلين

لا تتركين ممسك عليك.. لاناذا شلتي الحواجز ورجعتي حطيتيها ماراح ترجع هيبتك

خلي كل علاقاتك بضوابط تريحك وتفرض احترامك وتبين اللي لك واللي عليك..

واذا ماصبحت عليك.. ترا السلام لله بس القي التحية من بعيد كل يوم

انصحك تقرأين كثير بتطوير الذات
واسمعي للدكتور ابراهيم الخليفي روعه
عن تطوير الذات بجوانب عده
صدقيني بتلقين نفسك مع الوقت تتغيرين تلقائيا

ماشاء الله
استاذ ردك في الصميم وراح أستفيد من خبرتك
بصراحه مانسلم على بعض بس اذا احتجت شي تفز لي على طول حسيت انها ندمت
بس من اليوم ورايح راح أكون رسميه معها
وإذا تمادت مره ثانيه راح أنفجر عليها قدااام الكل
لو فيها خير اذا في خاطرها شي تقوله لوحدنا بحكم اني صديقتها بس هي تحب تثبت وجودها على حسابي وبعض الموجودين مايصدقون خبر
انا ماأنكر فضلها لأنها كرست جهدها ووقتها لي لكن مو معناته تفرض وجودها على حسابي وتستعبدني

فعلا حسيت انها ندمانه
جلست تسولف معي وتقول البارح نفست على أمها
الله يهديها
الحين صرت عاديه معها ونضحك سوى ماقدرت اثقل عليها أكثر
هل تصرفي صحيح

انا انثى عزيزتي 😂

سلمي عليها
وخليك رسميه
الرسميه مش الواحد مبوز مثلا ومنفس
ولكن تعاملي عادي كان شي ماصار
بدون ميانه
كزميل للعمل يعنب

ان شالله
صرت رسميه معها اذا سولفت معي عادي
بس اذا بطلع مااقولها مع السلامه انا قاصده
اذا صبحت علي عادي ارد اما اني ادخل واصبح عليها ماتستاهل ابدا
خصوصا اذ ا في بنات
عرفت شخصيتها عدل الحين والتعامل اللي ينفع معها