موضوعي. طويل.والله العظيم حالتي حالة .كل أموري مرتبطة بقبل الزواج وبعد الزواج،،ماراح اعرف أجزأ قصتي ،،والله العظيم ماراح تكفي الصفحة،،،،،ما راح أتعرض لحياتي قبل الزواج لان هذه لحالها يبيلها كتاب،،في عزوبيتي حبيت بنت تعرفت عليها عن طريق الشات ،،قصة طويله ورحلة عشق لا تنتهي..ظلينا الى هذا الحب لين مالله سبحانه يسر وتزوجنا،،طبعا قصة ارتباطي فيها هذه لحالي يبيلها سررد طويل ،،المهم بحاول اختصر،،تزوجنا والحمد لله،،طبعا أنا من غبائي وممكن اقول الحب اعمى سردت لها كل شي عن الماضي..كان ماضي اسود الله يغفر لي،،،في بداية زواجنا كل شي تمام والحمد لله،،فجأة في ظل سعادتنا اختلفنا على شي تافه،،وفجأة بدأت تسرد لي الماضي انت سويت وسويت يا كذا يا،،،،،،لا حول ولا قوة الا بالله،،ما صدقت ابدا يطلع هذا الملام ،،ونا ماقصرت معها في شي،،تصالحنا بعدها،،ومرت الشهور اختلفنا مرة اخرى ورجعت للماضي ونبشت فيه،،،والحين عادي حياتناأحسها كرهتني حتى الفراش مت تعطيني حقي فيه،،،وعلى طول عند اهلها،، ،،مدري كيف اتهورت وحكيت لها عن الماضي وهذه النتيجة،،،ابي مشورتكم،،علما اني صابر وراضي بالمقسوم،،


تم تعديل العنوان ليتناسب مع مضمون الموضوع

يا أخي قول لها ان الله غفور رحيم يتجاوز عن العبد ويتوب عليه ويبدل سيئاته إلى حسنات

ضعها بين خيارين

إما أن تمزق صفحة الماضي وتسامح وتعيش معك في راحة وأمان مادمت مو مقصر عليها،
وإما كل واحد يروح لحاله ومافي داعي للمعايرة والجرح،،ﻷن من تاب تاب الله عليه.

مثل ما انت لك ماضي هي بعد لها ماضي معاك وله كيف تعرفتوا مو بالشات وتكلمون بعض وانتم ما بينكم علاقه

__________________
وهل من مصير اخر ؟

ربي غفور رحيم
حياتك قبل كلها ماضي ربي غفور رحيم تاني شي حتي هي لها ماضي قول لها لاتفتحي شي قديم عشان لاتخسري حياتك معي
بجد هي فتحت لنفسه باب الشك الله يكوون بعوونك

__________________
لإإًلـه إًلإ إًنت سبحـآنـگ إًنـيَ گنـت من إًلظآلمينَ
الْلَّهُمَّ انَّ رُفِعَتْ لَكَ يدَيِيّ أَدْعُوْكَ بِحَاجَةٍ .فَلَا تَرُدَّ يَدِيَ بِلَا حَاجَتِيْ وَانْتَ الْكَرِيْمِ
الْلَّهُمَّ إِرْزُقْنِيْ مِنَ الْرِّزْقِ الْحَلَالِ مايُغنِيْنِيّ عَنْ سِوَاكَ اللهم اجبر كسري وعوضني بالزوج الصالح

انت مختصر مشكلتك وبقووه ..كأن فيه احد فوق راسك يباخذ جهازك

طيب عادي اكتب لنا كل شي بالتفصيل ...

لانه من خلال هالتفصيل نقدر نساعدك بشكل ادق

غلط تحكي ماضيك لزوجتك لانه يبقى بمخيلتها مدى العمر
حاسه فيها لاتلومها يمكن ماتحس بالامان وعاد الشيطان شاطر باللعب في احاسيسها
استقيم اولا وتوب الي الله
استقامتك بدينك لربك اول شي
راح تحس بالطمئنينه بالتدريج والله يستر على عبده بس الانسان يفضح نفسه بنفسه
الله يسخرها لك .

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

انت أخطأت وتحمل نتيجة خطأك

ماضيك ما تقوله لاي انسان على وجه الكره الارضيه لانه الشخص يمكن يتغير
فما بالك بزوجتك ؟ اكيد بتستخدمه ضدك

حذرها ان هددتك وذكرتك بماضيك بالطلاق

والله مو عيشه
الله غفور رحيم وهذي تهدد خلها تقول اللي تقوله انت انكر وكذبها وقول من الحقد قامت تكذب والحريم مشهورات بالكذب يعني لا تخاف انكر واجحد مع راح يصدقها

عفا الله عما سلف

ماضي وراح ،، اجلس معاها وكلمها بهدوء وحزم ،، قول لها انك تبت

تبي تكمل معاك ؟ وتكون لها نعم الزوج وهي نعم الزوجه براحتها

م تبي هم بكيفها ،،واذا قالت م تبي لاتروح تتهور وتطلقها

خلها براحتها كم يوم بتشوفها رجعت لك وتبيك وتأدبت


الله يهديكم

وش طبيعة هذا الماضي..؟
علاقات بنات صح..؟هذا الأكيد

قل لها سلامات وانتي كيف تزوجتك مو علاقة على الشات ..!وشوفيني تزوجتك ما كرشتك زي غيرك
على الاقل انتي اللي فزتي بقلبي من بينهم ..احمدي ربك ولا تعيريني بشي انتي سويتيه
ولو غيري كان هو اللي جلس يعيرك ويقول انا رجال عيبي في جيبي لكن انتي حرمه عيب عليك تسترسلي معي اقلب عليها الطاوله

واحنا تبنا خلاص وربي يغفرلي ولك ولا عاد تعايريني ولا اعايرك دا الهم طيلني وطايلك

واتحداها ترجع تفتح فمها

انت اخطأت بسرد ماضيك لها..هتكت ستر الله لك ففضحت نفسك بين البشر!!! من رايي ان تقف وقفه جاده امامها في هذا الموضوع ..وتطرح عليها خيارات العضو السابق👆