السلام عليكم ورحمة الله وبركاته

اليوم يا جميلات جايبتلكن وصفة لذيذة وسهلة وخفيفة وبحبها الكبار والصغار
اسمها مدام شارلوت





مكوناتها

6اكواب حليب سائل
6ملاعق طعام نشا
12ملعقة طعام سكر
ملعقة طعام كاكاو
ملعقة طعام ماء ورد وملعقة وماء زهر
باكيت بسكويت




للتزين برش جوز الهند
زبيب




اول شي بنصف البسكويت بأرض الطبق


بنضيف النشا الى الحليب وبنحركهن ليدوب النشا وبنحطهن على النار مع استمرار التحريك



وبس يصيروا متماسكين بنضيف السكر وماء الورد والزهر





وبنحرك لنحصل على هيدا المزيج


بنصب نصف الكمية بالطبق فوق البسكويت



وبنرجع نضيف الكاكاو لباقي المزيج
بكون مدوبة مسبقا ملعقة الكاكاو بقليل من الماء


وبنحركهن شي دقيقتين لنحصل على هيدا


بنصف طبقة تانية بسكويت


وبنسكب خليط الكاكاو




وبنزينها بجوز الهند واي شي تاني بنحبه


ملاحظة:
اذا كانت الكمية كبيرة بنقدر نعمل كل طبقة لوحدها وبنستعمل طنجرتين
مثلا بالاولى تلات اكواب حليب مع تلات ملاعق نشا و6ملاعق سكر وماء ورد وزهر
وبالطنجرة التانية بنوضع تلات اكواب حليب مع تلات ملاعق نشا وملعقة الكاكاو و6ملاعق سكر وماء الورد والزهر

وكمان بنقدر نعمل طبقة كاسترد مع طبقة كاكاو وبنفس الطريقة والخطوات
ان شاءالله تكون عجبتكن
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

ماشاء الله تبارك الله تسلم الايادي حبيبتي ميمو

عملتها كم مره اخذت الوصفه من جارتي جدا لذيذه ومفيدة خاصة للاطفال بس اول مره اعرف انه أسمها هيك
طلعت مدام كمان 😂😂😂بس ايش سبب التسميه

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

وعليكم السلام ورحمة الله وبركاته ..

شكرا ميمو تسلم الأيادي يارب وبالعافية عليكم
شكلها جميل جدا وسهلة ، وأكيد لذيذة ..
هو في بعض الأنواع من الحلويات تشبهها لكن تختلف أحيانا بالطبقات ..

وصحيح ليش اسمها مدام شارلوت ؟؟

شكرا ميمو ، الله يديم النشاط عليك ونشوف وصفاتك الجميلة ..

دمت بكل خير

__________________

روووووعة ماشاءالله تبارك الله تسلم الايادي

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

الله يسملك ويحفظك حبي ندى 😙😙😙😙😙😙😙
ايه صح معك الولاد كتير بحبوها ومغذية كونها بتحتوي عالكالسيوم والكاكاو الو فوائد كتيرة
والله شو بدي خبرك لخبرك عن اسمها ههههههه
من وقت ما وعيت على هالدنيا وبسمع ماما انو رح تعملنا مدام شارلوت 😁😁😁😁😁
ولا مرة خطر على بالي اسأل ليش هيك اسمها
بس هلئ بحبشت عند العم جوجل لقيت الاسم مزبوط وبتقريبا نفس الطريقة
وكمان شفت انو في نوع حلو فرنسي اسمو شارلوت بس باصابع البسكويت والكريمة والفواكه
هلئ انا عم حلل من عندي انو ممكن ايام الانتداب الفرنسي وقت كان بلبنان اتعلمناها منهن وهلئ اتطورت وصارت عندهن غير ونحنا بقينا عالاصل 😁😁😁😁😁😁😁😁😁😁😁😁

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

الله يسلمك ويعافيكي حبي مؤيدة 😙😙😙😙😙😙😙
بالفعل كتير سهلة ومش مكلفة ولذيذة وخاصة انها خفيفة يعني بياكل الواحد منها ما بحس بالشبع.
وصح صاروا يعملوها بالكاسترد والجيلو او يحطوا الوان ويعملوها بالنكهة اللي بدهن ياها وهيك شي
بالنسبة لاسمها متل ما خبرت ندى
بس صار عندي فضول اعرف اصلها وفصلها وشجرة العائلة وجذور اجدادها 😁😁😁😁😁😁😁😁😁😁😁😁😁😁😁😁
وشكرا لدعواتك الحلوة
والك بالمثل الله يديم عليكي الصحة والراحة والسعادة

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

الاروع حضورك يا عسل 💓💓💓💓💓💓
الله يسلمك مرسي حبيبتي سديم نورتي وين هالغيبة

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

الفضول يقتل بروح ابحبش بجوجل مثلك عن نسبها هههههههه

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

شكرا ميمو
يمكن أصلها فرنسي فعلا لأن اسم شارلوت فرنسي يمكن ..

دوري أخت ندى وقولي لنا ^_^

__________________

شو طلع معك ندى هههههه
انا لازم اسأل ستي لانو ماما اتعلمتها منها وستي على زمن الانتداب الفرنسي بلكي لعل وعسى نعرف سر الاسم هههههه

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه