السلام عليكم ورحمة الله وبركاته

مشكلتي بدات من يوم ماتزوجت اولا الحمدلله لقيت بنت الحلال وزي اي رجل يبغى يكمل نصف

دينه تزوجت وراح اول شهر من زواجنا والحمدلله ومع مرور الايام اكتشفت ان زوجتي تدخن في داخل

المنزل (والله)مانسى الموقف الي شفتها فيه الا الان ومن شدة الذهول وقفت بدون حركه وبعدين

وديتها عند اهلها ورجعتها في نفس اليوم وقلت استر عليها وقالت والله غلطه وما عاد اكررها وووالخ....

قلت طيب انا برجعك حتى اهلي ما يدرون عن المشكله لان ماكنت ابغى اي كلام يجي عليها

ومع مرور الايام اكتشفت انها (خائنه)وتكلم رغم اني وفرت لها كل شي في البيت وكنت طيب

معاها واجيبلها كل طلباتها اول باول لاكن للاسف للاسف للاسف .

وطردتها من البيت والان هي عند اهلها بالله عليكم هذي تستحق انها تكون زوجه وام لاولاد في المستقبل؟

اذا كان كلامك حقيقة وواقع

طبعا لا تستحق ان تكون زوجة


بعدين قبل لا تتزوجها ليش ما سالت عنها؟؟

__________________
لا اله الا انت سبحانك اني كنت من الظالمين

سالت لاكن مالقيت ولا سمعت اي شي ولمن تزوجتها ظهر كل شي والكلام الي اقوله كله صار

أخي‏*‏ غلطةعمر‏*‏مادم أنهاتخون وتدخن بالله زي هذي وش ترتجي منها كيف تربي أولادك مستقبلآالله يسترنا

شوف اخوي الفاضل
انا بدون مااخبي عنك انا دامني داخلة هالمنتدى الا وابغى اقول كل همومي وابيكم تشاركوني الراي وتشرون علي عشان ارتاح واستفيد وبالاول والاخير ماحد يعرف مين هي انا يمكن على ارض الواقع صعب الانسان يبوح باسراره
لكن الدنيا مليانة هموم وكل بيت بداخله اسرار
فقررت من يوم عرفت هذا المنتدى الطاهر اني اشارككم همومي واشارك هموم الناس وكلن فينا يخفف على الثاني
انا بدوري مدخنة والله العظيم انه لو يشوفني اي احد في حيائي صعب يشك اني ادخن
لان هذا ابتلاء وحاولت كثير اني ابطله وعجزت بسبب الفرراغ الي عندي بحياتي وبسبب هموم احتوت صدري
وصار الدخان ونسيي بوحدتي الخالية وادعي الله ليل نهار يرفع عني هذا الابتلاء
لكن مسالة الخيانة اولا لو انت ماقصرت معها بشى فهي تستاهل الطرد
انا سمعت محاضرة للشيخ المنجد لواحد اشتكى من زوجته وقال ان زوجته خانته وكان هو السبب في خيانتها له لانه كان مقصر معها ومهملها
واحتاجت حق غيره ..وقاله ياشيخ هل اطلقها ولا اسامحها؟
رد عليه الشيخ قاله ان سامحتها فلك الاجر بشرط ان تابت توبة نصوحة ولاتنسى انك انت السبب ولكن مهما كان السبب ماهو مبرر للخيانة
انت يبقى لك القرار ترجعها ام لا
لكن نصيحتي الشخصية دامك مسكت عليها الخيانة صعب تثق فيها بعدين وربما يجيك الشك القاتل حتى وان تابت
اذا ماعندك معها عيال سرحها تروح لاهلها
وعمر الخاين قصير والي يخون ياخوي مايخون الا نفسه
لاتحزن ولاتزعل رب ضارة نافعة
الله يعوضك بمن هي تصون عرضك
وحتى وان قصرت معها تطلب الطلاق ولاتخون

اميرة حبيبتي ادري ان نظرة المجتمع للمدخنة نظرة فاسدة
لكن التدخين هذا ابتلاء وفي ناس تخاف الله وتصلي كل صلاة بوقتها وتعمل الخير وهي مبتلاه بالدخان واسمعي قصة والد الشيخ حسان انه كان مدخن ومن افضل من فيه المثل
وفي مطاوعة بلحية ومظهر دين لايدخنون ولايسكرون ولكن لايغرك الظهر
اي نعم احب الرجل الملتحي واعشق المتدين ولكن اهم شى يااميرة الايمان يكون بقلوب الناس ماهو المظهر
لاتقسين على المدخنين هذا ابتلاء الله يرفعه عن عباده

لاحول ولاقوة إلا بالله

سؤالي

وش دخل ان توفر لها كل شي بالبيت في كونها تكلم ؟!

هذا شي أما تعودت عليه أو نقص عاطفي

الله يستر علينا وعليها

ويكتب لك الخيره

__________________

اخوي هلا وغلا

حبيبي الدنيا مو بس طلب وايجاب... مو بس اكل وشرب....انت توك متزوج وسذاجتك اتضحت عندما قلت موفر لها كل شي

اخوي الاحتياجات المادية ليس هي المطلوب....الاشياء المعنوية والجسدية والغزل اهم بكثير من احضار الطلبات

انت لم تطلقها وهذا دليل على رغبتك بها.... وعندك نيت ارجاعها.

كلنا خطاءون وخير الخطائون التوابون...........

اخي من يحكم انها تكون ام للاولاد هو انت....ليش؟


لانك تعرفها وتعرف تربيتها وتعرف اهلها......... لذا انت اصلح للحكم عليها
لايمكن لاحد ان يحط في رقبته ذنب غيره


اخي الرسول صلى الله عليه وسلم عفى عن زانيه............ والله غفور رحيم


وفقك الله

اخي التدخين لا يعني انها فاسدة ومنحلة ... هو حرام وعادة صحية سيئة جدا واغضاب لرب العالمين ومعصية
ولكن لا دخل لها في الشرف والعفة و الصلاح و الاخلاق
في كتير بدخنو واخلاقهم كويسة لكن الله ابتلاهم يعني ممكن تكون محتشمة وكل شي لكن تعلمت بطريق ما وادمنت التدخين
لاتربط التدخين ابدا بكونه عادة تحملها المنحلة الفاسدة و الفاجرة


مع الوقت واقناعك الها بانه حرام و صحيا سيء جدا ان شاءالله بتبطل

بس الخيانة كيف بتخونك وكيف تاكدت؟

__________________

والله يا أخي الكريم النزول من أول الدرج ابرك لك واستر عليها ولا تبين سبب طلاقكم وهي بيصلحها الله ان شاء الله وبيرزقها.

__________________
نحتاج إلى فهم المشكلة قبل أن نبحث عن حلول لها ،إذا لم يتم ذلك فإن الجهود المبذولة لحل المشكلة يمكن أن تقودنا إلى الحل الخاطئ.