السلام عليكم أبي اطرح تساؤل انا طالعه مع زوجي السوق ويوم وصلنا جان يقولي يلا إنزلي وانا انطرج بالسيارة قلت انا راح اتاخر قال ميخالف المهم انا نزلت وصراحه قلبي يحترق المهم رديت بعد ساعه وعقب قالي وين تبين اوديج قلت خلاص انا مابي اي شي ودني البيت بس المفروض اني بروج اكثر من مجمع عشان عندي احتياجات وايد بس الصراحة خلاص ماأقدر اكمل المهم وانا بالسياره زوجي يقولي ليش زعلانه قتله لأنك مانزلت معاي عصب وقام يخانق لأني قتله مره ثانيه اجيب السايق احسن لك عشان تروح انت مشاويرك ابي تقولولي من المخطئ أنا أو زوجي وجزاكم الله عنا كل خير

حبيبتي هدوله الرجال ما يحبوا يروحون السوق..انا من رايي انت اتسرعتي كان المفروض تكلمينه و كأنك تتدلعين عليه..مثلا وحشتني اخر مرة تخليني انزل لوحدي..الخ..

بقولك شي انا نفس الشي مره قالت لي زوجتي ودني السوق ويوم وصلنا السوق قلت لها انزلي وانا بنتظرك بالسياره بعد ماطقتني ساعه بالسياره كاني سواق عند ابوها جتني وركبت زعلانه وتقول خلاص مابي شي ودني للبيت واقولها ليش زعلانه على بالي احد بالسوق زعلها وبالاخر صارت زعلانه علي لاني مانزلت معها يعني هذي جزاتي قاعد بالمواقف مع السواقين وتجي زعلانه انا مااحب انزل معها للسوق لاني تنبل كبدي من طريقة تسوقها ولاحظت هذا عند كل الشباب مايحبون ينزلون مع حريمهم للسوق لانهن لهن طريقه خاصه بالتسوق ماتناسبنا يالرجاجيل

عموما حاولي تتلطفين معه وتعتذرين وشوفي رح يرد مثل اول واحسن لان زوجك حبوب والدليل انه مثلي قاعد ينتظرك بمواقف السوق بكل اريحيه

لك تحيات ابوطارق

__________________
مااضيق العيش لولا فسحة الامل

ضحكت من مشكلتك وهي دل على إنك إنسانه مره طيبه !
بس لا تكوني كثير طيبه
لأ الحق عليه يفترض أن يشاركك التسوق ولا أن يبقى في السياره إذا هو فعلا ينتظر في السياره!

لك إحترامك وعزتك لا تتنازلي عمها إلا مقابل أو بقدر ما يتنازل عنها هو للحفاظ على بيتكم


الله يوفقك

أخوك

انا بالعكس اتمنى يخليني اتسوق لحالي لاني مااخذ راحتي وهو معاي من كثر مايستعجلني

لكن هو مستحيييييييييييييييييييييييل يخليني انزل لحالي مهما يكون مشغول

ينزل معاي وبوزه شبرين وعينه عالساعة ولو زودتها شوي يتلني من يدي وللسيارة !!!!!!!!!!!!!

انت لابغيتي السوق خليه ينزلك وخذي وحدة من اخواتك معك تونسك وخليه ينتظر دام الانتظار مايزعجه

حق الزوجه ان زوجها يطلعها ويذهب معاها للتسوق....طيب هم مافيهم غيره ...شلون ينزل زوجته السوق ويخليها بروحها يمكن حد يتعرض لها....وشفايدة الاخ اللي قاعد بالسياره اذا تعرض لها حد..؟؟؟؟؟
.
.
صراحة مره انا صار لي نفس الموقف ..وزعلت ونزلت بروحي .....بس فكرت بخطه اسويها عشان مايتكرر هالشيء..وينزل زوجي معاي للسوق.....فكذبت كذبه بيضه وقلت ان في واحد تعرض لي وماقدرت اشتري وكل مااروح مكان يلحقني.....
وحياتكم عصب وقالي وينه بعد ماركبت السياره وحكيت له القصه المخترعه...قلت له ياسلام الحين تقول وينه وينك مساع ماكنت معاي.........
والحين مااروح السوق الا وينزل معي حتى لو ابي غرض بسيط
كذبه بيضه في سبيل الاصلاح مااعتقد حرام

عفاك يا لولو
المرأه عندما تفكر تصنع المعجزات
وحين تقلد تهدم حضارات

لازمك تكتبي موضوع عن قصتك هذه لتجلب الأنتباه
ذكيه والله يا بنت
الله يوفقك

اخوك

اولا - اشكري الله على نعمة الزواج من شخص يحبك ويلبى معظم طلباتك ,,

ثانيا- انظري لمن هو اقل منك في التقدير من قبل أزواجهن ,, واحمدي الله كثيراااااااااااا على حياتك معه ,,,

ثالثا- معظم الرجال لا يبحون التسوق مع زوجاتهن واعرف من تزوجت وتطلقت ما راح معها للسووووق ابداا ,,

واذا كتب لهم روحة ,, تهاوشوووا في السوق وهو يروح يمين وهي يسار وتدور علية ولا تشترى ولاااااااا شئ,,


وإضــطــرت المسكينة ,, أن تذهب مع أهلهـــــــــــــــــا ,,,, تفاديـــا للمشاكل ,,,,,,وو



واخيرا تمنياتى لكى بحياة سعيدة وهادئــــــــــــــــــــــة ,,,,,,,,,,,,

تسلم اخوي الليث .....رفعت المشاركه

يعطيكم ألف عافيه على هذي الردود يا بو طلال انا مثلا ما أشوف زوجي إلا في هذا اليوم وبالساعات لأن دوامه شفتات يعني يطلع من الدوام انا اروح الدوام اذ انا موجوده في البيت اهو يطلع يقضي شغله انا ادري اهو ماينلام بس الوقت الي نتسوق فيه ينزل معاي يختار يعطيني رايه بس هذا بغيت منه وهذا موصعب. أرد على اللولو شكلي مره ثانيه اذا سوها فيني بسويله هذي الحركه ومشكوره يالليث موطيبه الكل يقولي انتي لج يوم ينقص عليج من ناس وايد من كثر طيبج أما الرومانسية صراحة انا احب زوجي وايد ودايم احمد الله اللي رزقني اياه ويعطيكم العافيه كلكم