السلام عليكم
انا بقولكم قصتي من اول ماتزوجت ،،،،،انا زوجي انسجن من ثالث ليله من زواجنا دخل السجن بقضيه استقبال مخدرات من دوله مجاوره المهم انسجن وجلس بالسجن ثلاث سنين وماصرف علي ريال واحد بعد الثلاث سنين جاه عفو طلع وجلس معاي شهرين ونص تقريبا حملت في خلال هذي الفتره الي جلسها معاي
وفي خلال هذي الفتره اتهمني في عرضي وقمت ودعيت عليه بقلب محروق وسبحان الله ماامداه يروح اسبوع الا ومكافحه المخدرات يمسكونه وهو يبيع مخدرات بفلوس مرقمه انسجن انحكم خمس سنين راح وانا حامل باول شهر ووالحين صارله من انسجن ثلاث سنين وعليها كم شهر تقريبا شهرين طبعا ولدت وجبت ولد عمره الحين سنتين وسبع شهور بس قبل شهر احد خبرني ان زوجي وهو بالسجن اكتشفو انه يبيع حبوب مخدره وزادوه سنتين على حكمه الاول يعني باقي له اقل شي لين مايطلع باقي ثلاث سنين او اربع
المهم انا كل مااستخير في زوجي احس بنفسي متكدره وضايقه احس انه مافيه خير لي دايما احلم انه يطلقني بالثلاث وانا اكون مبسوطه بالحلم وفرحانه واقول احمدك يارب واشكرك
انا الحين ابغى الطلاق بس ماادري من وين ابدا
ماعرف وش الخطوه الاولى ابغى اروح المحكمه ابغاه يطلقني
هل يقدر الشيخ يطلقني منه بدون حضوره الى المحكمه وهل بامكانه يطالب بالمهر
للمعلوميه انا مااملك ولاريال لان ذهبي او مهري الي اعطاني اياه صرفته على نفسي لانه مايصرف علي
وكيف بالنسبه لولدي هل يقدرون ياخذونه مني او انا اخذه
الله يخليكم والله انا ماسجلت الا عشان تساعدوني ياهل الخير لان عمري ضاع مع واحد مايستاهل راحت ست سنوات ونص من عمري وانا انتظره وماقدر

وعليكم السلام ورحمة الله وبركاته ..

ما أدري عن قوانينكم لكن اللي أعرفه ..

إذا كان الأب غير مؤهل للتربية ما بيعطونه الولد ..
كيف بيربيه وهو بالسجن؟

وين أهله واهلك عنك؟

زوجك هل كان يصلي؟
وانتي كان عندك أمل انه يتعدل؟





أعذريني أختي بنقل موضوعك للقسم الأنسب

__________________

إستشيري محامي

ابو زوجي واهل زوجي راح ياخذون ولدي مني وانا ابغى ولدي
انا الحين عند اهل زوجي وفي بدايه الشهر الجاي راح ارجع عند اهلي
كلنا نعيش بنفس المنطقه
زوجي كان يصلي صلاه يمشي حاله فيها يعني العشاء كان يصليه بعد اذان الفجر وبعدين صلاته مانهته عن المخدرات كان يتعاطى ويبيع
احس اني فقدت الامل منه

اذا احد عنده رقم محامي لايبخل علي

زوجي يقول انه معاد يبغاني ويقول انه من تزوجني وهو سجن في سجن
والحين صارله تقريبا سنتين مايسال عني ولا يكلمني

زوجك ليس اهلاً لتربية ابنك حتى بعد خروجه من السجن و الدليل بيعه للمخدرات ثلاث مرات و هذا يدل انه لم يتوب عن فعلته فلذلك أنتي احق بحضانة ابنك
اذا اردتي الطلاق اذهبي الى المحكمة و التي بدورها سوف تتأكد من محكومياته الثلاث و سوف يطلقونك منه

لدي سؤال اختي الكريمة مع انه فات الأوان
كيف وافق اهلك و وافقتي انتي عليه و هو تاجر مخدارت الم تسألوا عنه امام مسجدهم او اهل الحىء او معارفه؟

__________________




كل مشكلة ولها حل
**باب بيتك هو باب خزنة اسرارك الزوجية**

بـــاريـــس... تــقــريــر رحلتي الــى مــديــنــة الــنــور
.
.

وضعك مريب ... يقبض عليه وتعودي له وتنجبي منه؟!
ألهذه الدرجة سُلبت إرادتك ؟!... واضح أنك ألغيتي
عقلك وظلمتي نفسك وظلمتي ابنك معك!!

وأهلك ما كان موقفهم منه ؟! ... وما هو موقفهم الآن؟!
ألا تعرفين حقوقك في شرع الله؟
ألا تعرفين أنه بإمكانك مطالبته بنفقتك انت وابنك !!
ألا تعلمين أن أمثاله ليس له لا مهر ولا ذهب ولا احد يطل في وجهه أصلاً بل هو من عليه الدفع لك وليس العكس فقد أضر بك أنت وابنك

ليس له حضانة فهو أب فاسد وفساده يحول بينه
وبين احتضان ابنه ... وليس لأحد حق فيه سواك!!
أين أهل أبيه أيضاً لماذا لم ينفقوا على حفيدهم المزعوم!!
هل حجتهم قلة مال أم حجز مقاعد في حياة الصغير للفرجة!!
ماذا تفعلين عندهم في منزلهم؟!
ومالذي دعاكِ للتحرك بعد كل هذه السنوات؟!

ماادري وش اقول لكن كان يقولي انه مظلوم وانهم اتهموه غلط ماكنت اعرف الحقيقه ماظهرت لي الا بعد ماطلع وشفته يتعاطى ويبيع قدامي
حسبي الله ونعم الوكيل
بس جد ولدي يقول ان عنده توكيل من زوجي ان له الحق يتصرف في كل شي اتجاه الولد يقول انه هو يعتبر زي ابوه في الامور هذي
اهلي سالو عنه شيخ اتفقو معاه انه يمدح ولدهم لنا

انا الحين رجعت بيت اهلي كنت عند اهل زوجي لان جد ولدي اخذ ولدي وقال خلاص بيتربى الولد عندهم وانا ماقدرت اصبر ورحت له عندهم وجلست شهر
ماادري بصراحه بعض الاوقات ادعي ان الله ياخذ ولدي عشان ماياخذونه مني
ماادري وش اسوي خلاص احس اني منهاره
اكتشفت انه قد انسجن قبل مااتزوجه مرتين وبعد الزواج مرتين وبالاضافه الى السنتين الي اضافوها له الحين

لا حول ولا قوة إلا بالله ..

يعني إنتي الآن عند اهلك ومخلية ولدك عند أهل زوجك؟

استشيري محامي يا أختي مو لهالدرجة يستغلون جهلك بحقوقك ويحرمونك من ابنك ..

__________________