السلام عليكم والرحمه

صباحكم طيب .

بدخل بالموضوع على طول
انا صارت لي مشكله مع زوجي اخر اسبوع في رمضان
اهو يشتغل بعيد عني مسافه 4 ساعات بالسياره
وينزل بالويكند وطلبت منه ياخذني ورفض
والمشكله مو هنا المشكله انه من راح واهو متغير
وانا عارفته وحافظته ف عرفت انه الرجال فيه إن مو خالي
وعرفت انه بالوقت الي اهو يهلمني فيه كان مشغول بغيري مكالمات وصور
ماراح اذكر تفاصيل كثيره لكن هذه مو اول مره ولا ثاني
وسبق ونبهتته وحذرته باني بكلم اهله يتصرفون مع سولكياته الخاطئه
لاني انسانه ماقبل بهالشي ولا ارضاه وساحمته وعطيته فرص كثيره
وانا قلبي تعب وماتحمل على طول اكتئبت ومرضت ووزني نزل من الهم

ورغم هالشي انا سكت وكشخت وسويت نفسي مادري عن شي
لكن باين علي الغبنه وغصبا عني دموعي نزلت
وعرف اني عرفت وقام يقولي مثل كل مره انه ابليس واني انا العزيزه
ومن هالكلام وانا كنت ماخذه قرار اني بعلم اهله وكنت مابي يعرف اني دريت لين بعد العيد
لاني كنت مابي انكد عليه وعليهم والناس عيد
وانا حاولت احل هالشي بيني وبينه اكثر مره لكن مافاد حسيت لازم ينهز لازم احد يتدخل
لازززم اادببه

لكن بعد ماعرف خذلني قلبي وسامحه
انا سامحته وحلفت انها اخر فرصه

بس قلبي للحين محروق ومن اتذكر تتازم نفسيتي
مادري مرات افكر اقول انا ضعيفه لاني اسكت بكل مره
انا المفروض اكرهه وأكرهه عيشته وأأدبه
افكر واقول ليش انا رضيت بهالسرعه
ليش انا ماقصرت وياه ليش انا اخاف اخرب بيتي
واخاف من ان المشكله تكبر وهو اناني مافكر فيني وبولده
الوم نفسي كثير مدري الي فيني ضعف ولا حبا فيه

خايفه بدال لا اكبر بعينه اني سامحته وماتكلمت لاحد
انه يستسهلني ويستصغرني ويهون عليه جرحي
بالذات انها مو اول مره !


يارب الطف بي وامسح على قلبي

انا عندي قاعدة (( اذا ضربت فاوجع ))

فاي زوجه تكتشف ان زوجها له علاقة بالحرام
انها تصير مجنونه وغير مسؤلة عن تصرفاتها
تصرخ تكسر البيت فوق راسه وتروح لاهلها شهر شهرين
ولا ترجع الا بعد ما تكسر رجلينه عند عتبت بابهم

اما تجلس الوحده تتبكبك عنده وانا انصدمت فيك
وتنام بحضه وهي حزينه ويضحك على اوتار مشاعرها بكلمتين
ولا عاد تعيدها حبيبي واحلف وتواعدنا ما يكررها
اسمحولي هذا شغل ام مو شغل زوجة

وهي ضربة وحده من اول ما تعرفين
لكن خليها موجعه موجعه مره ما ينساها مهما عاش

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

أستغرب من اللي يخونها زوجها وبدال ماتعاقبه
تلبس له وتدلعه وكأنها تقوله "شكراً حبيبي إنك خنتني!"
بالضبط نفس اللي يدري إن زوجته خانته ويسفرها ويمشيها ويدلعها
على ابو إنه بيفتح معها صفحة جديدة
ترا هالتصرفات تخلي الواحد يتمادى
ومافي شي أسمه أكبر بعينه لإني سامحته
لا حبيبتي إنتي بهالشي عطيتيه الضوء الأخضر يستمر بهالطريق
أصلاً بيستهين فيك بيقول بكره إن درت بتمسّكن عندها وأعطيها كلمتين وترضا
وأهله ماأنصحك تدخلينهم وش بيسوون له يعني وهو رجال كبير وأبو عيال
لو من البداية عطيتيه درس ماينساه يمشي معك زي الألف
هو متطمن إنه مهما سوا إنتي باقيه معه ماشاف نتايج أفعاله
لو حسّ إن بيته بينهدم وبيخسرك ماكررها
لو عرفتي إنه بيتزوج وش بتكون ردة فعلك؟ إييييوه بالضبط هذي ردة الفعل اللي لازم تطلع منك لما تعرفين إنه يخونك

__________________

وبدأت تحدي إنقاص الوزن الهدف إن شاء الله 55 كيلو

احب اضيف نقطه انه احنا كنا خارج البلد
ورجعتنا السنه هذه ومن رجعنا وعلاقتنا متوتره
ونكد لان صار نقله من حياتنا الي متعودين عليها ل صفر
يعني صرنا بدايه تاسيس حياه حتى سكنا بغرفه فقط
مادري هالشي سبب ؟؟
رغم اني احاول اضغط ع نفسي وانا ابدا مو مرتاحه

ممكن انا سبب بتصرفه هذا ممكن ضغطت عليه

مو عارفه ؟!

حاولي تهزئينه بالكلام وهدديه انك بتطلبين الطلاق ( تهديد فقط ) وشوفي بيتغير ولالا
المشكلة الثانية غلط تتركين زوجك بعيد عنك اكيد بيضيع وعنده فراغ كبير حاول انه ياخذك معه لمدينته الي يشتغل فيها
وتحججي باي حجة قولي اهلي مايبوني او طفشت او اخاف اي كذبة بيضاء

يسيئ الرجل للمراة التي يضمن بقاءها
و هذا اللي صار مع زوجك
عملها اول مرة انتظر ردة فعلك
ردة الفعل كانت ضعيفة
عملها ثاني مرة و نفس الشي
ردة الفعل صعيفة
النتيجة انتي بجيبه و ضامن بقائك معه
ليه يحرم نفسه و انتي ساكتة و ماخذة وضعية الجمود
و المصيبة تلومي نفسك
ما فيه اي مبرر للخيانة و ما فيه اي مبرر لسكوتك لانه معناه انتي راضية
لا و عطيتيه هدية كمان
كشختي له و هو كم كلمة و خدرك و انها اخر مرة و اتحداك تكون الاخيرة
اطلعي من ثوب الضعيفة و خلي ردة فعلك قوية بقوة فعله
خليه يندم على افعاله
كوني معه و لو بغرفة
مصير الحال يتبدل و تتحسن اموركم

انا هذا الي كنت خايفه منه وصار
حسب كلامكم انه مستهين فيني
طيب ايش الي ممكن اسويه
انا بكى وبكيت تهديد بالطلاق وهددت لكنه فعلا ماياخذها بمحل الجد وضامني

ايش الحل
ازعل بيت اهلي صعب اهلي الي فيهم مكفيهم

شلون اتدارك الغلط الي سويته انا وربي يكسر خاطري ع كثر ماحرق قلبي لازال يكسر خاطري ايش اسوي بهالضعف

كيف ممكن اعدل رده فعلي بعد ماسامحت ؟!

اختي واضح جدا انك تحبين زوجك جدا ماشاء الله تبارك الله

اولا ومادام انك تحبينه ما راح يكون الطلاق في صالحك في جميع الأحوال

الزوجة هي المتضرر الأكبر في الطلاق

الرجل يطلق منها و يتزوج 10 منها

ثانيا بعد الازواج عن بعض يفتح أبواب كثيرة للشيطان سواء للزوج ام للزوجة

شوفي لك حل ظروري في مشكلة البعد عن بعض

خلاص اذا ماتقدرين تروحين لبيت اهلك
ادبة بطريقتك الخاصة
اهمليه وخليه يحس على نفسه
خلي علاقتك معها رسمية جدا وحسسيه انه ولاشي بالنسبة لك يعني اقهريه واهتمي بنفسك وبسسسس
اذا جاك ويطلب حقه الشرعي وافقي لكن خليك ساكته لاتتجاوبين معه خليك مثل الجثة
صدقيني بعدها بيطلب رضاك لانه من داخل بيحترق وبيستصغر حاله
اضغطي على نفسك ممكن تتعبين لكن ان شاء الله بتكون فيه نتيجة

كان الله بعونك
وربط على قلبك

اولاً عليك بالصبر واللجوء لله تعالى
ووكلي امرك لله وأشغلي فراغك بذكره سبحانه وتعالى

ثانياً لا ارى من الصواب اخبار أهله أو أحد آخر
الحياة الزوجيه ومشاكلها تحتاج لحفظ الاسرار
فلا أحد أياً كان له علاقه بما يحدث بحياتكم
وستجنين ثمار الستر عليه حين يكبر أبنائك وبناتك
ولا أعتقد بأن أخبار أهله سينفعك بشيء
بل قد يكون ضدك
فما كان يفعله بخوف في الخفاء ليتدارك الفضيحه
سيصبح لا يبالي فقد فُضح امره وانتهى
وايضاً قد يستخدم لمعاقبتك على تشويه سمعته بل وسيدخل بقلبه ولو القليل من الكره لك بسبب ذلك
واعلمي ان قلب المرأه ليس كقلب الرجل
ثالثاً لا انصحك ابداً بالخروج من منزلك لبيت أهلك لمعاقبته


فيا أُخيه
عليك بعد اللجوء لله
ان تتخذي معه موقف صارم وحازم بحدود الادب
فلن يفيدك ضعفك
واعلمي ان بعض الرجال لا تجذبه إلا القويه الشرسه وقت الحاجه
والودود الحنون ذات الدلال بأوقات آخرى


لا تهددي بشيء لا تستطيعين القيام به
واستهلكي طاقته كلها حتى لا يفكر بغيرك من الشبع
واحذري ان يأخذ حبه مساحة بقلبك تنافس محبتك لله
فيبتليك الله به

أسأل الله الهداية لزوجك
وان يسخره لك
ويصرف عن حياتك كل سوء وكل مكروه