كل عام وانتو بخير وصحه وسلامه

ادري اختفيت فتره طويله

انتو ادرى بحالي ...


اكيد البعض تســائل وش صار فيها ؟؟

والبعض مايدري وش السالفه


للي مايدري عن السالفه هذا رابط الموضوع الاول


http://www.66n.com/forums/showthread.php?t=186283


وللي شكك فيني وقال اكيد كذااااابه بقول له

( الله يســامحك )


وللي سأل عني بينه وبين نفســـه أهديه أجمل تحيه مع باقه من أخباري





طبعآ أكيد اني ولـــدت ...

ايوهـ ولدت وجبـــت ولد .... نسخه من ابوهـ ....

العجيب اني احب هالولد بجنووووون

أعشقه

اموت فيــه

طلعـــت كل حرتـــي من الحب بذا الولــــد

وصـــار هو شغلي الشاغـــل ......



والخبــر الثاني ....

بعد ماولدت حــاولت أسامحه ....

بعد الاربعين حجز لي فندق وقلت بجلس معه اسبوع

يعنني اغير جو وافتح صفحــه جديده

جلست معه ثلاث ايام بعدين كلمـــت اهلي قلت تعالو اخذوني

مااااقدرت وربي ماقدرت

بعد اسبوعين برضه قلت بحاول ...

رحت معه مكان شغله علشان مااضعف وارجع

بعد هناك بعييييد مابقدر اقول لاهلي تعالو اخذوني

هالمره بحاول ...

علشان ولدي

وعلشان قلبي

وعلشان الناس

والجمله الاخيره سمعتها من خالاتي كثيييييييييير

كل شي نسويه علشــان الناس

وياليت هالناس اللي خايفين على معاليهم من التأثر والحكي

ليتهم يفيدونك لا بغيتهم ....

دســـت على كرامتي

ورحــــت .....



حاولت اتقبل الوضـــع

لكــن ....

كل ماضحك وبانت اسنانه تذكرت

وكل ما مسك يدي تذكرت

وكل ما قال لي حبيبتي تذكرت

وكل ما ضمني لصدره تذكرت

وكل ما طفينا اللمبات تذكرت

وكل ما تغطيت وحاولت انام بعد تذكرت


السرير جاب لي أزمــه ...


لا لا .... كل شي يتعلق فيه جاب لي ازمه


حــاولت أسامحه

اعيش مثل الناس ...

حاولت اني اتغلب على الجرح وماقويت

وربي ماقويت ..


مشكله

لا صار اللي جرحك قدامك

ليه ؟؟

لأنك كل ماحاولت تنسى وتقول عل وعسى

يطلع بوجهك و ويرجع شريط الذكريات لوراااااااا

لذيك الليله ...

تذكرون اي ليله ؟










واليوم ....

جيت علشان ...
















أبشركم ...


... اني تطلقـــت ....








ما بغيت يمر علي العيد وانا معه

ابغى تصير فرحتي بالعيد غيييييير

لكن تدرون وش الحســـف ؟؟؟

ان اكيـــد بيكون هالعيد وكل عيد غير

لأنه شوهـ فرحتي بالاعياد


ليه ؟


حسافه ان زواجي كان بالعيــــد ....



..


..


لي عـــودهـ

الف مبروك علي المولود والحمدلله علي سلامتك وسلامته ,,,, ليش ياختي طلاق كان صبرتي وخليتي الوقت ياخذ حقه وعطيتي زوجك فرصه بتقولين مقدر ليش ما تقدرين اذا رب العباد يسامح ويغفر احنا البشر ما نقدر , وبعدين وش ذنب الولد الي بينكم حاولي انكي تصبرين وعطي نفسك وزوجك فرصه والوقت كفيل بالنسيان الله يهديك بس الطلاق خراب بيوت ومفتاح للشيطان نصيحتي لك يا اختي صلحي امورك بعقلك ماهو في عواطفك و وقفي جنب زوجك ودعيله بالهدايه الله يصلح حالكم.

الله يعوضك
الله يعوضك
الله يعوضك

والله والله والله
ان قلبي تفطر من الرحمه والحزن يعلم الله
حطيت نفسي لو انا مكانك وش راح يصير فيني....


لكن
والله صح اني زعلت لكن فرحت علئ
قؤة قلبك وشجاعتك

بصراحه
لو وحده اخرئ او انا خلاص ابطلب طلاق واقعد بحزني واكتئابي
وانتي
ماشاء الله قؤيتي قلبك
اكيد انك حزينه
لكن
وقفتي مع قلبك وصارحتي الجميع وانفصلتي.


الله يعوضك عاجل غير اجل.

بصراحه
انا انقهرت والمشكله اني ماقد قريت مشكلتك الي قد كتبتيها من الاؤل .

ماادري كم المده الي ابتعدي عنه
هل هي مده كافيه للطرفين بلتفكير بلانفصال؟؟؟؟

ابموت قهر لؤ كانت مده قصيره..
اذا مده قصيره

فاانا الؤمك الومك.

حبيبتي

والله توني اقرء قصتك
توني فهمتها
توني
وياليتني ماقريت

ومعك حق تطلبين الطلاق
ولو
انا مكانك كان نفس
طلبك وهو الطلاق

ليش اكذب علئ عمري واعيش غصب معاه

لا
الطلاق ارحم من اني ادمر نفسيتي.

حبيبتي
كل سنه وانتي بالف خير ياري
ومبروك الولد اهم شي انه بكامل صحته وعافيته

انا ماراح اقول ليش اتطلقتي وكان صبرتي

اعتقد انك صبرتي بما فيه الكفايه

ومدام الطلاق راح يريحك فانا مع اللي انتي ترضي نفسه وتريحي عمرك فيه مهما كان ابغض الحلال


حمدلله على كل حال

الحين صار عند ولد زي القمر ما شاء الله وعقبال ما تفرحي بزواجه يارب

اهتمي بولدك واكيد انه شغلك الشاغل

وشوفي لك وظيفه او كملي دراستك او حتى سجلي في دورات في نادي


المهم عيشي حياتك وانبسطي

محد راح ياخد من الدنيا غير نصيبه


لا تفكر بالايام اللي راحت فكري قدام


وحتى العيد اعتبريه اول عيد لكي مع ولدك

والعيد اللي بعده خليه واعتبريه ثاني عيد

الله يوفقك يارب

واحيكي بصراحه على قوتك

يكفي انك جربتي مرتين

اما لو انا ولا مرة
لان كل مرة اطالع في عينه راح افتكر

خاصه اني افهم الانسان من عينه و اح افتكر نظرات عينه لمن كنت احبه والعكس وراح اشوف كيف نظره عينه اتغيرت قمه العذاب بالنسبه ليا



اتمنى ما اكون اتكلمت كثير وازعجتك

__________________
يارب ...والباقي وحدك تعلمه

لاحول ولا قوة الا بلله, يالله ياكريم انك لاتبلانا يالله ياكريم انك لاتبلانا... والله مدري شقول غير الله يعينك على بلواك ويخلفلك خير من ما فاتك ويخليلك ولدك ويحفظه ان شاء لله. والله شي يكسر الخاطر بس وش نسوي هذي الدنيا.

يالله !!

والله إني دايم أفكر فيك ..

حتى يوم شفت أسمك في المتواجدين في المنتدى قلت ليتها تكتب

تعلمنا عن أخبارها .. والله إنك دايم على بالي ..

جعلنا مانسمع عنك إلا كل خير ..

بس تطلقتي :'(

مدري أحس النهاية أحسن من كذا ؟!

ننتظر عودتك لا تتأخرين الله يخليك ..

!

__________________

لاحول ولاقوة إلابالله العلي العظيم
بورك لكِ في الموهوب وشكرتم الواهب ورزقتم بره وصلاحه
والحمدلله على سلامتك أختي الكريمة
وكان الله في عونك وربط على قلبك بالصبر ..
بإنتظار عودتك ..

__________________