الأخت hoba
انا ما أبي اعاتبج ولا اذكرج ولا حتى اقولج انج غلطانه اللي حصل مب مشكلة كبيرة
عموما ُ انا بأعطيج الحل وهو بسيط وسهل وبأقولج المحاذير بعد :
الحل :
روحي لزوجج وبوسي رأسه ويده وبوسي خده وتأسفي له بصدق هذا في البدايه , حسسيه انج بالفعل غلطانه غلط كبير , هو في البدايه بيصد عنج وبيعطيج ظهره وهذا شيء اكيد , بس الغلط اذا يأستي من المحاولة فهنا بتكون المشكله اكبر فبتحلين مشكله بمشكله اخرى
واذا تطلب الأمر كم دمعه فهذ اسلوب سهل وفعال وشوية دلع بعد الدموع يكون احسن
بس لاتنسين بوسي يده وراسه والله انه هذا بيكون له وقع على قلبه اسأليني انا متزوج
مرتي اذا سوت شيء غلط باست يدي وراسي ولمتني وهي تصيح عاد انا قلبي رهيف
أرضى كل مرة والمشكلة اللي تخليني ارضى انه مش نفس الغلط كل مرة خطاْ مختلف ولا ترجعله مرة ثانية فأضطر اني اسامح
صدقيني اللي يحب والله مايصبر بيرضى
صدقيني مرة مرتين وكل شيء بيرجع على مايرام
بس اللي احب اقوله لج ولكثير من الأزواج انه هذي غلطه بسيطه تشوفها الزوجه بس على الزوج يكون وقعها مدوي
صدقوني لما الزوجه تقول لزوجها طلقني يحس الزوج بإحساس انا اعرفه
الا وهو اول شيء تنكسر نفسه
ويحس انه الزوجه تحسسه بأنها شيء خسارة فيه ولازم انها ترجع لأصلها اللي هو ارفع منه
ويحس انه اللي سواه لها كله ماله اي قيمة ولا قدرته
وهذا اغلب الأزواج يحسون فيها
ولا البلوة الأكبر اذا كانت الزوجه تبغي تراضيه عن طريق الجنس حاسبي مليون مرة
بيرضى مرة ولا مرتين بس صدقيني بيحس في وقت من الأوقات انه حيوان
وانتي تتحكمين فيه عن طريق غرائزه , بس بيجي عليه يوم والله وبالله بيكره حتى النظر في وجهك او حتى يقربك فلاتخلين الجنس يغلب على طابع الرضاء بين الزوجين
وسامحيني اذا كنت اتكلم بهذي الطريق بس الله يعلم اني ابغي احذرج من شيء قبل لا تطيحين فيه
والأ هم من هذا كله لاتظنين ان تقبيلج ليد زوجج فيه ذل وإهانة لج بالعكس والله
وأنا صادق عند ربي انه يرفع من قدرج ولا ينقص منه شيء
انا والحمد لله عندي زوجه تغافلني عشان تبوس يدي ومرات وانا نايم انا نومي خفيف على فكرة تمر جنب السرير وتكون جاية من الصاله تبوس رجلي والله يعلم انه هذا الشيء مانقص من قدرها الا زاد غلاها عندي وله مفعول صدقوني انها لو زعلت مني ما أقدر احط عيني بعينها من غلاها عندي واللي تسويه فيني
والله المستعان
ابوالسنونو