السلام عليكم
انا متزوجة لي ثلاث سنوات ومشكلتي مع زوجي تزيد ما تنقص و جاني السكر ولحقه الضغط وهو ما يبغى يفهم انه حايقضي عليه باسلوبه الاستفزازي
انا ما انكر اني عصبية لكن ما كنت لهذه الدرجة اللي وصلت لها الان
المهم زوجي كل ما اتكلم معاه يقلب الجد هزل والهزل جد
ابغى احد يتكلم معاياه القى انسان يسخر من كلامي
عندي مشكله والجا له يقلب الموضوع الى مسرحيه ساخرة الى ان انفجر من الغيظ وممكن ابكي لدرجة انه يغمى عليه من القهر
انا ما احس اني متزوجة بس غرضه مني العلاقة الخاصة وانتهى وليتها علاقة يستفيد منها الطرفين بل مملة جدا و الله بس عشان ربي لا يغضب عليه اذا حاولت اجدد فيها يحرجني بالكلام ويقول عليه كلام غيرلائق ويخليني اندم يحب الطريقة التقليدية وبس ولا مقدمة ولا خاتمة بس نفسه وخلاص وصرت اخجل اناقشه عشان ما يحرجني لانه مرة فلت لساني وطلبت منه العلاقة الخاصة بعد ما تزينت فضحك عليه وقال انتي ماتستحين ورفض قال انا اللي اقرر متى مو انتي فعاهدت نفسي اني اعطيه حق الله بس لكن انا خلاص ما عاد لي نفس بشئ وبصراحة صار عندي برود مو طبيعي
وهو ما يلاطفني ولا يسمعني ولا يتكلم معاياه ولا يجلس جنبي
انا اتقرب منه وهو يبعد واذا ناقشته فيه شئ منفرك مني يقول ابدا انت كاملة والكامل وجهة الله
عادي هذا طبعي
والله ما قصرت معه لا شكليا ولا عاطفيا ولا في البيت ولا حتى ماديا اعطيته كل ما املك وهو يستخسر فيه الريال من يوم اتزوجته صبرت عليه وعلى ظروفه ويوم تحسنت الظروف ما تغير شئ يعصب اذا طلبته فلوس واذا اشترى لي شي يحاسبني عليه
تعبت ياناس نفسي ارتاح صرت اتمنى من الله ان يحسن خاتمتي ويعيش ولدي حياة احسن من حياتي اللي اعيشها واقنع نفسي بان الله سيعوضني في الاخره اذا صبرت فكرت في الطلاق لانه دمرني نفسيا وصحيا واهله مو مقصرين مساعدينه عليه
لكن افكر في ولدي اخاف يتشتت بيننا
ابغى حل ياليت احد يساعدني قبل ما انجلط