حبيب قلبى
اخى الاكبر ابو مريم
بارك الله فى عمرك
أسأل الله ان يجعل لك من كل هماً فرجا
ومن كل ضيقا مخرجا
انا اسف والله ان كنت سببت لك اى ضيق
يا اخى انا فى حالة ضيق رهيبه لا اعلم
بالامس كان افظع يوم مر على بصراحه
لما اخبرت خالتها وزوج خالتها واصبحوا فى صفى كنت مبسوط
وفى نفس الوقت عندى اختناق من الخوف انى اتركها
وللاسف هى مش فى دماغها تقريباً والله اعلم
انا فعلا وصللتلهم هى واهلها ان مفيش زيها فى الدنيا ولا فى العالم
وهى بنت ماشاء الله وكل الكلام ده
وللاسف يا اخى انهم فاهمين الالتزام غلط
المفروض الملتزمه تعمل حاجات كثير هى مبتعملهاش
الملتزمه اول هم عندها هو زوجها
للاسف يا اخى انى لو كلمتهم فى موضوع ان اجلس جنبها ده
دماغهم هتروح لانى عايز اخد بوسه او حضن وخالتها قالتهالى كده
وكمان هيتحججوا ان زوج اختها فضل لاخر يوم بالشكل ده
حتى ان امها راحت معاها يوم الحنه وهما بيرصوا ملابسها فى الدولاب
فضلت واقفه معاهم فى الغرفه
وبتقوللى انا كنت عايزه ادخل الحمام والله فضلت واقفه مرضيتش اخرج خايفه اسيبهم لواحدهم
شفت التشدد صل لدرجة ايه يا اخى
يا اخى دانا يوم ما قربت على البنت بصيتللى حتة بصة وحشه قوووووووى
.....
يا اخى هما دلوقتى مغلطنى انى مبروحش ومبكلمهاش
واحاول اقولهم ما هى مبتتكلمش
يقولولى ما هو انت مبتكلمهاش يا فارس
....
للاسف لا يمكن يطلعوا نفسهم غلط
واقول لخالتها طيب هما ينفع يسيبوا زوج بنتهم كده ميتصلوش ولا يسالوا عنه
تقوللى ما هو انت اللى قطعت مره واحده وحماتك كانت قايللالك كلم عمك
قللتلها هكلمه فى ايه
للاسف هو عارف ان بنته غلط ومبيعملش حاجه
انا هرجعلك ان شاء الله
.....

الحمد لله انى اطمئنيت عليك
وانك بخير ... ربينا يحفظك


انا كل شوية كنت ببص
على صفحتك اشوفك
رديت واللى لا علشان
اطمئن عليك


انا مستعجل الان فلم اكمل
قرأة ردك


ولكن الخلاصة انهم ناس بايعه
ومتكبرين وعشقك لبنتهم طمعهم
فيك وصدقوا فعلا ان بنتهم مفيش
منها اثنين فى الكون


يعنى حتى فى ده انت السبب
لانك بدون زعل مدلوق على
الآخر الله يهديك


المهم اصمد واجمد ولا تخاف
اللى زى دول مش ممكن
يضحوا بواحد زيك بسم الله
ما شاء الله لا قوة الا بالله


وده فرصتك الآخيرة ام تبقى
انت رجل البيت الآمر الناهى
وهى زوجة محبة مطيعة


واما تستحمل بقى انها ومعلش
يا فارس انت اخوى معلش
واما هتركب وتدلدل رجلها
العمر كله وهتفضل انت
تبذل وتعطى وضحى
وهى يا دوب ترمى لك
كلمة او نظرة وتبقى كمان
ضحت بالكلمة ده


يا فارس اما زواج عادى والبنت
تبقى ميتى عليك زى ما انت
ميت عليها واما الله ييسر آمرها
ويوفقك ويوفقها


اللهم آمين


ولى عودة بإذن الله تعالى

__________________

__________________

والله عندك حق يا اخى الحبيب
انا لا انسى ابدا انها كانت تريد ان تفرض رأيها على
حينما قالت لى عن الخروج فجأه بعدما كنا نخرج سوية وهكذا
تقول ((وقرن فى بيوتكن ))
قللتلها وانتى خارجه مع زوجك
تقوللى ايه لزمة الخروج
اقولها نقرب من بعض اكثر
تقوللى لا تعالى البيت احسن
واحاول واتلين معاها واحاول انى اكون معاها كويس
وهى لا ابدا
سبحان الله
وتذكرت والله اخر مكالمه لما زعقت فيها
تقوللى
لو سمحت متزعقش انا بابا ذات نفسه مبيزعقليش
وامها كل يوم والثانى تقوللى ابوها كان مزعقلها عشان مش عارف ايه
...
ومواقف كثير وللاسف انى كنت بتلين معاها بغرض انها متكرهنيش
لكن للاسف هى فهمت انى ضعيف
ودلوقت عايزه تستقوى هى على
وكلامها كله اصبح طريقته بذيئه
وكأن كلامها كله انا اعمل اللى انا عايزه
.......
وشكراً على الموضوع الجميل
انا سأبشرك بشرى قريباً ان شاء الله
بمناسبة هذه الهديه الجميله
....
اما بالنسبه لاهلها
انا قررت انى مش هكلمهم دلوقت حتى لو خالتها اتصلت وقالت تعالى
او كل الكلام الفارغ ده
واتصل عليهم ومش عارف ايه
انا مش هروح الا لما هما يتصلوا
وبعدين ان شاء الله
سأشترط ان تعتذر هى
والله ما رضيت تعتذر خلاص خليها
ولو قالوا مش هتعتذر برضه خليها
وان قالوا هى هتفضل كده برضه خليها
والله لو وصلت لانى اتزوج وهى مكانها كده هعمل كده باذن الله

فارس يا اخوي... انا قلت لك سابقا بين لهم شوي انك بايع علشان يراجعون اعمارهم...

ارجووووووووووك لا تقدم على الزواج و حالكم جذي..

وقققققققققف كل اجراءات الزواج حاليا... تشطيب شقه و حجز قاعه و اي شي يتعلق بالزواج وقفه تماااااااااااماااااااااا... إذا كانت القاعه محجوزه فاتصل و اجل الحجز...انت ما شاء الله دافع مهر عالي... و شبكه غاليه و فوقها مؤخر محترم... يعني انت الخسران اذا انت طلبت الطلاق...

خل الطلاق يجي منهم هم و مب منك انت... مع تنازل عن المؤخر و كل شي.. و اي تدخل من اي شخص وقفه تماما....

المحكمه تنصب للإثنين إذا غلطوا مب لك انت وحدك...

يا فارس... اللي خلقها خلق غيرها....

ارجوووك وقف كل شي يختص بالزواج حاليا... كل شي... و خل الخبر يوصل لهم... و لا تروح لهم البيت... خل ابوها هو اللي يجي لحد عندك.. لأنهم اصلا ما يعرفون الأصول و لا يعرفون معنى الإلتزام...

والله عندك حق

__________________

فارس انا لفت نظرى شىء فى
ردك وانت تتكلم عن الجهاز


هل انت من سيأتى بالعفش
دون مساعدة من اهلها ؟


واذا كان نعم ... يعنى تقصد ان كل
جهاز البنت اللى هيجيبه ابوها
لبس البنت وادوات المطبخ ؟


وهل من ستكون الاجهزة الكهربائية ؟

__________________

اخى العزيز ابا مريم
قبل ان اتكلم سأرد على سؤالك الاخير
بالطبع لا
سأحكى لك موقف حدث فى اول ما تقدمت
جلست مع ابوها
قلت له يا عمى انا سأحضر الشقه ان شاء الله من اجود انواع الخشب لا تقلق
فقال لى شقتك يا حبيبى
قللتله طيب بالنسبه للمطبخ والاجهزه الكهربائيه والسجاد والنجف ونص التنجيد عليكوا
قاللى بس يا بنى انا مش هجيب كل ده
قللتله يعنى ايه ؟
قاللى انا معملتش كده مع اختها
قللتله طيب أأمرنى عايز تعمل ازاى
قاللى موضوع النجف والسجاد ده مش هقدر انا مجبتش لا نجف ولا سجاد
قللتله يعنى بس ده عندنا كله بيعمل كده
قاللى والله اتكلم مع اهلك وانا تحت امرك
قللتله انا جايلك قبل ما اهلى يجولك عشان نحط النقط على الحروف بعد كده الكلام مع اهلى هيبقى رسمى وبس
قاللى طيب زى ما قللتلك
يا اما هشيل من هنا احط هنا
قللتله يعنى ايه ؟
قال يعنى اجيب حاجت اى كلام فى المطبخ والكهربه
واجيبلك اللى انت عايزه
...انا قللتله لا وانا مرضاش بكده لازم كل حاجه تكون نظيفه
قاللى بس ما هو ده اللى انا بتكلم عليه
...المهم ثانى يوم رحتله انا وعمى جلسنا معاه ((والدى مسافر ))
واتفقنا على كل شىء من جديد
عمى قال له
انتوا عليكوا المطبخ والكهرباء والتنجيد
بالنسبه للنجف ملكوش دعوه عندنا ده
قاله اللى تشوفه يا حاج حاضر
قالله وبالنسبه للسجاد والموكيت بالنص
قالله اللى تشوفه يا حاج
قالله خلاص نقرأ الفاتحه
....
ده كان يوم الفاتحه وانا لن انسى هذا اليوم ابدا ان شاء الله
....
طيب بالنسبه لنقطة الطلاق
على فكره انا لسه مسجلتش فى الحكومه لان احنا عقدنا وهى سنها صغير 17 وانت عارف القوانين هنا فى نصر
وقبل كده بقول للبنت وقدام ابوها
يا بنتى انتى زوجتى ولو حصل حاجه لا قدر الله هتبقى مطلقه
قالتللى لسه مسجلناش فى الحكومه
قللتلها وانت عندك الحكومه ولا ربنا
قالتللى لا طبعا ربنا قبل اى حاجه بس الجكومه دى العرف بتاعنا
المهم ان نرفوتنى بالكلمه وخلاص
وبيقولوا صغيره ومبتعرفش ترد
بس يبدو ان فى حد كان ممليها الكلمه
ربنا ينتقم من اللى عايز يبوظ على حياتى ربنا ينتقم منهم ...
ان كانت اختها او اهلها
....
انا كنت عند خالتهاا الجمعه
طبعا انا رحت عشان حاجه ثانيه خالص
وخالتها اللى فتحت معايا المواضيع
وكل شويه تقوللى يعنى انت عايز ايه دلوقتى يا فارس يعنى انت عايز ايه ؟
كان نفسها اقولها مش عايزخا تمسك على الكلمه ويلهفوا الحاجه
المهم انا محافظ على كلامى لحد دلوقتى
بالنسبه لتدخل اهلى
انا حاليا والدى مسافر
تمام ووالدى كلامه معاهم قليل جدا بواسطة التليفوت
تفكير البنت بعقلانيه دا كان كلام ابوها
هو قاللى انا علمتهم يفكروا بعقلانيه
ويتركوا العواطف على جنب فى كثير من المواقف
الله ينتقم منه
...
بالنسبه لموضوع التاجيل
هما نفسهم ااجل
البنت لسه فى 3 ثانوى
ولسه قدامها 4 سنين كليه
وهما على استعداد تام للتاجيل
يعنى مش هعرف العب من الحته دى قد كده
اما بالنسبه لموضوع ان اقلهم لغيت كل شىء
ده سهل قوى اوقف شغل فى الشقه تماماً
حجز القاعه مش موجود اساساً
لسه فى ايه ثانى ؟؟؟
...
امها اكثر من مره تقوللى ما تخليها حتى تاخد اول ترم هنا
وانا اقولها لا انا ورايا سفر وشغل
واقول للبنت بعد الزواج هنسافر ان شاء الله
تقوللى لا لا لا انا متنقلش من مصر لاى سبب كان
...
بالنسبه لاهلى انا كلمت والدتى انها تجلس وهما موجودين
وهجيب عمى يكون موجود
قالتللى لا بلاش هتكبر المواضيع وكده غلط عليك
فى المستقبل هتبقى وحشه ليك وليها ومتتعودوش على كده
طبعاً لان والدتى مش ككل حاجه تعرفها برده
موضوع النصيب ده اساس عندى
وهضحكك
والله انها كانت لما اقولها لها يا بنتى انتى باسلوبك و طريقتك دى ممكن تخسرينى
تقوللى والله يبقى قدر عادى وانا راضيه باللى ربنا قاسمهوللى
...
انت من الحق قلتللى اقول لو كده يجيبوا الحاجه
ما هوا انا لو قللتلها كده يبقى انا اللى بطلب الطلاق
يا اما تعملوا كذا يا اما الطلاق
ويمكن يقولوللى خلاص وساعة الكلام يقولوا شرعا البنت لها نص المهر ومش عارف ايه
والكلام ده
وانا عايز اطمنك من حاجه تقريباً حبها بيموت يوم بعد يوم ...
ان شاء الله اللى فيه الخير ربنا يقدمه باذن الله

اول شي العقد تسير توثقه في المحكمه فوووورااااا..

ثاني شغله..

فارس انساهم تمااااماااا

و ابدأبجديه البحث عن عروس اخرى... او انشر على الاقل انك بتبحث عن عروس اخرى... و لا ترد لا على خالتها و لا على اي شخص من طرفها...

والدها فقط يكلمك في الموضوع... و اذا سألك عن بحثك عن عروس... اجابه واحده لا غير... انا حاسس ان البنت تبي الطلاق و لهذا ببحث عن زوجه اتزوجها و نسافر... و اذا قال لك و بنتي مصيرها اييييه... قول له بنتك زوجتي و وقت ما هي حابه تتم مراسيم الزواج و تحس بمسؤولية الزواج انا على اتم الاستعداد... و اذا هي مش حابه تكمل الموضوع معاي مفيش مانع كمان... تطلب هي الخلع و نخلص كده...

صحيح الطريقه قاسيه جداااا و لكن هم يبون كل شي على كيفهم و وقف الزواج شكله ما راح يأثر عليهم وايد... فأنت وقف مع نشر اشاعه انك تبحث عم عروس اخرى...


ملاحظه: ممكن لان العقد ما وثق في المحكمه هم بالغوا في حماية البنت... و لكن هذا الشي ما يبرر انهم ما يعلمونها كيف تتعامل مع زوجها...