السلام عليكم
اخواني اعضاء هذا النتدى

اكتب لكم مشكلتي ورجائي ان اجد لديكم من الحلول مااستطيع تقديمه لزوجتي الحبيبه

انا متزوج من ثلاث سنوات من فتاه احببتها ذات خلق وجمال ودين اعطتني كل ماتملك من مشاعر واحاسيس وهبتلي حياتها صبرت معي على السراء والضراء في الهم والفرح
اعطتني حياتها بكل مافيها احبتني جدا

ما ادخل البيت الا نظيف
ما اشوفها الا باحسن منظر
ماتكلمني الا احسن الكلام
تراعيني في كل شي
تحترم اهلي وتقدرهم
كل الصفات الجميله موجوده فيها
احببتها من قلبي
اصبحت لا اطيق البيت دونها ولا اطيق نفسي من دون ماتكون جنبي


مرت الايام والشهور والسنين
ما حطيت في بالي موضوع الاولاد
قبل كم اسبوع اصرت الى ان نذهب الي طبيب

قلت ماله داعي اذا الله ما رزقنا عيال الشكوى لله
اصرت
ورحنا
وياليتني مارحت
فحصنا
والنتيجه طلعت






زوجتي لا تنجب
صارت حياتي جحيم
تقول تزوج ولا تطلقني
انا احبها وهي كذالك
ولا افكر اني اتزوج عليها ولا اطلقها
انا موضوع العيال مو مهم عندي راضي بقضاء الله وقدره
اذا الله رزقنا عيال الحمد لله
واذا الله مارزقنا عيال ما اقول الا الحمد لله على كل شي هذا نصيبي
المهم با اخواني
انا ابي اطلع زوجتي من ها الحاله الي هي فيها واقنعها اني ماراح اطلقها ولا اتزوج عليها
ونا فعلا
ماراح اتزوج ولا اطلق
انا انسان مؤمن جدا بالي يكتبه لي ربي زوجتي لا اريد ان اتخلا عنها و إن شاء الله مايفرقنا الا الموت

بس عاد انا ابي منكم تساعدون بفكاركم
وشاكر لكم جدا
واعذروني لني طولت تراني ماعرف اكتب توني جديد وسامحوني اذا فيه اخطاء باكتابه
شكرا

ماشاء الله عليك ياخوي .. و الله يكثر من أمثالك يارب ..
و حابة أقول ( لا تيأس ) ..

و زوجتك مدري و الله بإيش أنصحك ..؟؟ لإن أي وحدة مكانها راح يخطر ببالها الشئ هذا ..
لكن برأيي .. لو تذهب بها لطبيب آخر و تتفق مع الطبيب إنه يوهمها بإنه مافيها أي عيب و يطمئنها
بس علشان تشيل الفكرة من راسها و ترتاح ..

__________________

شكرا لكم يا اخواتي

بس انا فعلا مؤمن بقضاء الله وقدره وفهمتها
يعني قلتها توك صغيره والعمر قدامنا إن شاء الله عمرها 25 ونا 28 بعدين انتي تبين ونا ابي بس الله ما كتب وش نقدر نسوي مالنا الا الصبر بعدين لاتشيلين الهم وتنسين نفسك عيشي حياتك ولا تفكرين ابدا بالموضوع
تقول انت وش ذنبك

قلت يا حبيبتي هذا مو ذنب هذا شي مقدر ومكتوب علينا ماتبين الاجر لا تجزعين بلعكس المفروض الشي هذا يقربك من ربك اكثر ادعي
وصلي

وذا جت علي انا مابي عيال الا منك غيرك ماابي ولا متزوج لو اعيش معك كل العمر

قريت ردك اختي روح الطير ودي بشي من دون مااتفق انا واحد عليها يعني بيني وبينها والله يخليك على اهتمامك

اختي حائزه الامل إن شاء الله كل الي تتمنينه تحصلينه امين يارب
قصصك الي قلتيها زادت الامل عندي انا ولله يخليك ادعي لخوك وختك
ولقصص بنسخها

ينقل الى عالم المتزوجين

خالص احترامي

اخي نايف : رده فعل زوجتك طبيعيه لانها تخاف تخسرك عشان موضوع الاولاد وتحس انها عاجزه ان تجيب لك الولد وممكن تبحث عن اخرى وتتركها ..... هني يجي دورك انا انصحك انك تسافر وياها وحبذا لو العمره منها تغير جو وتقعد معها جلسه صراحه وتفهمها انك مستحيل تتخلى عنها وان الحياه الزوجيه ماتتوقف عند الاولاد وان هذا ابتلاء من رب العباد عشان الله يأجركم وان الله اذا احب عبده ابتلاه ....... والخيره فيما يختارها الله حاول انك تزرع فيها الثقه وان كل شي بيد رب العباد وان الرابط مو العيال ياما ناس عندهم عيال وتطلقو وياما ناس ماعندهم ولحد اليوم مع بعض

صدقني يا نايف هذا اختبار من الله وربك اعلم بعباده ..... وبعدين محد يقدر يقول ان في امل او مافي امل في الانجاب ........ اذا لك رزق بتاخذه في ناس ما تعاني من شي بس الله ما كتب لهم يرزقهم بعيال ....... حاول تهديها بالصلاه والقران يعني كل مافتحت لك الموضوع قول لها قومي صلي او قومي اقري القران ......... واحرص انت وياها على قيام الليل والدعاء والاستغفار فسيد الارزاق الاستغفار وربك كريــــــــــــــــــــــــــــــــــــم ما ينسى احد


والله يوفقكم ويجيب لكم الخير

__________________
اللهم لك الحمد كما ينبغي لجلال وجهك وعظيم سلطانك

ولله كلامكم حلو جدا

ولله مقدر شعورها وما الومها وثل ماقلتي اختي او اخوي شامبو55 عشان كذا انا جالس اسوي كل الي الله يقدرني عليه ولله كلمتها
وعندي كامل الاستعداد اني اتكلم معها مره ومرتين والف وطول العمر فعلا كم من الازواج من عندهم عيال وتطلقو

والعيال هذا شي مقدر ومكتوب
انا ابي زوجتي ولا ابي اتخلى عنها حتى مسئاله الزواج من ثانيه ماخشت مزاجي ابدا ماقدر حبي لها يمنعني

بس ابيها تفهم ان هذا قسمه ونصيب
ومقدر شعورها جدا
عشان كذا اقول ابي اي حل حتى لو صعب علي مستعد اسويه عشان خاطر عيونها

الله يكثر من امثالك
ماشاء الله تبارك الله الرجال اللي زيك ندرة في هالزمن









أختي الفاضلة . أرجو الانتباه حين كتابة كلمة ( ماشاء الله ) وهي تكتب على الصورة التي رأيتِ . شكرا

ولايهمك اخي نايف..لن انساكم ان شاء الله من الدعاء والله يسعدكم ويرزقكم الذرية الصالحة ويدوم عليكم

الصحة والرزق يارب

أختك

حائزة الأمل

__________________

مرحبا اخوي نايف

انا عندي لك حل

الحين الطب اطور وماشي مستحيل بمشيئة الله.....

اولا روح عند اكثر من طبيب لو كلهم أكدوا انه زوجتك لاتنجب

ساعتها احجز على اقرب طياره وروح لاي بلد بالخارج يمدحونه بهالمواضيع وجرب يمكن تحصل علاج

ويامااااااااا سمعنا قصص بعد طووووول انتظار من الله علي الزوجة باولاد

لاتيئس ابدااااااااااا وادعى الله دايما ...فالدعاء له مفعول سحري صدقني

والسموحة