السلام عليكم ورحمة الله وبركاته..
سبق وكتبت هنا مشكله لي ولقيت تفاعل من الاخوات ربي يجزاهم خير

اليوم صار معاي مشكله وابي ارائكم زوجي اخذ اخواته وسافر ورفض ياخذني معاه وكلمته اروح انام عند اهلي قال اجلسي بالبيت لاتروحين وانا بصراحه من كثر اهماله لي بدأت احس بالفراغ والشيطان يحرضني امارس شغلات مو زينه ومابي اجلس لوحدي بالبيت...دخلت امه بالموضوع وكلمته وطلق بالثلاث اني اجلس بالبيت وماروح مكان رجعت عمتي قالت لي انه رفض...اخواتي نصحوني اكسر كلمته وارح لاهلي من وراه بحكم اني مو جالسه اسوي شي غلط وهو مسافر يونس اخواته...وغير كذا اخواته المتزوجات مايعترفون بأهل ازواجهم وطول الوقت عند امهم بسبب وبدون سبب انصحوني اشلون اتصرف حسيت بأهانه سووا كل هاشغلات قدام اخواته ..

الله يعينك الآن التصرف الصحيح تجلسي في البيت لانه حلف بالطلاق

وعندما يعود وقتها تتفاهمي معه او تأخذب حقك

واصبري اجلسي في البيت واستهدي بالله صحيح متعب الوضع لكن وضعك في نطاق ضيق توني طالق لامر تافه وبعد العودة اتخذي اي موقف لصالحك بالتفاهم
ولا تدخلي امه ثانيا

صباح الخير اختي الكريمة
لا تكسري كلمة زوجك خصوصا انه حلف بالطلاق لو انتي خرجتي
لو خرجتي من وراه راح تكوني طالق سواء درى او ما دري هذه شغلة بينك وبين الله

نصيحتي استحملي ... راح يجي يوم ويعرف انه غلطان في حقك
بالنسبة لموضوع اخوات الزوج كلنا نعاني منه وممثل ما قلتي هم مايعترفون بأهل ازواجهم ولا يتواصلون معهم ويريدون من زوجة اخوهم العكس يلا كل حد يعمل بأصله لا تخربي بيتك عشانهم

اذا مايحترمك ولايقدرك
ويبي يسافر ويتمشى هو وخواته
وفوق هذا يبي يحبسك بالبيت
والله الطلاق اكرم لك من هالعيشه

__________________
كم اكره مجتمعي لا حقوق للإناث فيه كل شئ للذكور*حتى اخطاء الذكور يعتبرونها صوابا

السلام عليكم ورحمة الله وبركاته ..
أصلحكِ الله ياأختي الكريمة ، إذا لايوجد عندكِ حل فالأفضل الصمت قولي خيراً أو اصمتِ ..!
وهل مشكلتها تستحق الطلاق ؟!!!!
هذا تخبيب انتبهي ..!!

ادري الطلاق اكرم واتمناه بس وضع اهلي مايسمح بالطلاق لو فيه حل ثالث كان لجئت له

السلام عليكم ورحمة الله وبركاته ...
أختي الكريمة ،
اسمعي كلام زوجكِ الآن ولا تخرجي من البيت فلا تدعي للشيطان مجالاً أن يُكبر المشكلة ،
بالنسبة للفراغ الذي تشعري به انشغلي في البيت ، كل يوم غيري ديكور غرفتكِ الصالة رتبي المطبخ ، اهتمي بنفسكِ وهو بعيد وعندما يأتي يتفاجأ بشكلكِ الجديد بما أباحه الله طبعاً ..
وكل نهاية أسبوع زوري أهلكِ وهكذا واصبري وتحملي ، وأثناء سفره عندما تتكلم معه لو كان مجالاً للنقاش ناقشي لكن بهدوؤء والحوار الطيب ..
وفقكِ الله ..

الله يسخر لك زوجك حاولي اختي تغوصي في داخله وابحثي عن نقاط ضعفه واستغليها واجعليه يتعلق بك كتعلقه باخواته كل رجل وله مفتاح حاولي ان تجدي هذا المفتاح وسينفذ كل طلباتك اجعليه يتعلق بك ولا يتخيل الحياة بدونك كوني ذكية في تعاملك معه وستكسبينه باذن الله محبتي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

لا تخرجي تجنبا لوقوع الحلف
وايضا لا تضغطي على نقسك بتغييرهاوتغيير اللوك!! و كأنك ترسلي له رسالة
انه مافي زعل وان تصرفه عادي و لبق
الا اذا انت حابة لنفسك..
لكن ماهو الموقف الذي حصل ليمنعك من السفر؟؟
كيف كانت ردة فعلك
وكيف وصل الامر للحلف؟

__________________

طيب هذا بيتك واجلسي فيه
إذا طلعتي راح يطلقك وأنت الخسرانة
اسمعي كلام زوجك وبيني له زعلك إذا جاء من السفر