السلام عليكم ورحمة الله وبركاته يااخوان ابي اعرف وش معني هالكلامات وعلى ماذا تدل : عندما يقول الزوج لزوجته ابي اعيش حياتي؟ طيب على اساس انا حياته عندما يقول الزوج لزوجته حياتي وانا حر فيها وانتي مالك شغل فيني؟ هذا وانا ماعمري اتدخلت بأموره عندما يقول الزوج لزوجته لا تتدخلين بحياتي؟ اصلا متي عمري شفتك عشان اتدخل وانت معتبر البيت اوتيل عندما يقول الزوج لزوجته خلك عند اعيالك افضلك؟ طيب انا فعلا عند عيالي عندما يقول الزوج لزوجته ماني فاضيلك؟ متي عمرك فضيتلي اصلا غير بطلووع الروح عندما يقول الزوج لزوجته لا اشوف رقمك بجوالي؟ طيب ادق على مين وانا مالي غيرك يااخوان يقول هالكلام من غير مناسبه يعني يعترض الكلام العادي بهذه الجمل انا قلبي يقلي بمعني هذه الكلمات لاكن ماعندي دليل ولا حابه اصدق قلبي عشان اعيالي وبس اكتبلكم وانا ادموعي متجمعه بعيوني بس مني قادره ابكي واحس اني بختنق حضرت زواج الليله ولما شفت العروس حزنت عليها لانها اتزوجت وعيوني دمعت
التعديل الأخير تم بواسطة الماضي الدفين ; 28-06-2011 الساعة 01:30 AM
السبب: تعديل عنوان الموضوع
اوكي بعطيكي مثال احنا رجعنا من سفره للطائف وابها من اسبوع تقريبا وانبسطناااااااااااااا وكل شي تمام وقررنا لسفره ثانيه وجهزنا اغراضنا وكل شي عال العال طلع زوجي للسهره وكلمني قالي بنزلك عند اهلك وبرجع قلتله ليش وين وعدك انك بتقابلني عشرة ايام قال لا ماني رايح بنزلك وبرجع لاني مشغول قلتله مني رايحه خلاص بقعد معك لما اتخلص شغلك بنروح سوا زعل واتكلم علي نفس الكلام السابق واخرتها سافر لحاله مع اصدقائه وخلاني زعلانه ردت فعلي عصبت وقتله وش الي غير رايك ومن الي اتدخل برحلتنا على اساس نمشي ثلاثه الصبح واغراضي جاااااهزه فجأه يقولي بنزلك وبرجع وبعدين يقولي ابي اروح اعمل عمليه ليزر بعيوني وبين يسافر تمشيه مع اصحابه لا بارك الله بهل الاصحاب الي اغير راي من وراهم يبون واحد يصرف عليهم ويمشيهم طبعا انا اتهاوشت معاه واتجادلت وماسلمت عليه ولا ودعته وسمعته من الكلام الي يستاهله ودقيت على اخواني وهو يسمع قلتلهم شكلي بسير عليكم وسألتهم عن تذكرة الطياره بس مع كذا راح وخلاني وبعدين دق على ولدي وسأله عني بس كنت طالعه مع امه وانهبل انا وصيت ولدي يقوله ماما طالعه بس مايقوله وين انا وكلم الشغاله وقالتله طالعم مع ماما كبيره
التعديل الأخير تم بواسطة ورده معطره ; 27-06-2011 الساعة 06:17 AM
انا مدري ليش الرجال يتأثر بأصحابه
لاتزعلين كلهم كذا
مره كان زوجي واعدني بمشوار ثاني يوم اخر الليل قال انا بكره مسافر مع صاحبي
وقلت ومشاورنا قال يتاجل هذا صاحب وله فضل عليه و ....و و........ وكلام فاضي
طيب انا مالي فضل وانا اربي عيالك واسوي اكلك وانظف ملابسك
فعلا اغلب الرجال كذا تلقينهم ايام رايقينلك فيها ويغرقونك بالكلام الحلو وااايام انفسهم فوق خشومهم ولا لهم خلق لشئ لكن هذي الحياه اهم شئ انه موب راعي بلاوي وحتى لو قالك الكلام اللي قلتيه يمكن مو من قلبه والله يهديه وييسرلك امرك
التعديل الأخير تم بواسطة شوقهـ2009 ; 28-06-2011 الساعة 12:24 AM