السلام عليكم

أعزم على التسجيل بنادي رياضي
وهدفي الأساسي منه : هو تحسين جسمي النحيل وشد العضلات وزيادة الوزن قدر الإمكان ويكون جسمي رياضي شوي
خصوصا اني طويل والجسم غير متناسق شوي (طول + نحف )

أبغى الله لا يهينكم تدلوني على نادي رياضي مناسب
وأهم شي أبغاه موجود فيه :
1- خدماته راقية أو على أقل الأحوال مناسبة ومعقولة
2- عدم وجود زحام شديد عليه خصوصا إني أبداوم عليه في الفترة المسائية إن شاء الله
3- عدم وجود صغار سن يرتادونه
4- مرتادي النادي أحرص أن يكونو على خلق جميل ( بالعربي ما أبي هالخكاريا والدشير فيه .. أبي ناس محترمة)
5- قدر الإمكان يكون أقرب إلى شرق الرياض

حسيت إنها شروط زواج

أتمنى أحد يفيدني يا جماعة وشكرا لكم

حسب معلوماتي "بودي ماستر" باتجاه الشرق على مخرج (9) من أرقى وأفضل الأندية الرياضية، كما أنه يقع على طريق سريع والوصول إليه مريحٌ للغاية، خصوصاً للآتين من شرق الرياض..

سألت عن اشتراك النادي قديما، وكان المبلغ مرتفعاً نوعا ما. رُبّما يكون ارتفاع الاشتراك سببٌ في رحيل الكثيرين من النوعيات "بالي بالك" منه، وكذلك المراهقين دون الخامسة عشر. غياب المراهقين من هذه الفئة العمرية يرتبط طردياً مع اختفاء "الدشير" الذين تكره رؤيتهم.

مسألة الزحام لا علم لي بها. لكن أكثر نوادي الرياض مزدحمة في الفترة المسائية.

على طريق خريص باتجاه الشرق، على الشارع المزدوج المتجه جنوباً والذي يسبق مركز السدحان، هناك ناد رياضي لا أتذكر اسمه، لكنه شيءٌ كـ Fitness Club ، أو شيء من هذا القبيل. ولا أعرف عنهم شيئاً البتة.

أنتظر مثلك ردود بقية الإخوة الكرام،

وفقكم الله،

عبدالله،،،

حياك الله عبدالله
حسب علمي إن بدي ماستر يوجد عندهم فئات (فضي_ ذهبي_ الصفوة_ ... إلخ) وعليها يختلف السعر ..
عموماً ..
حالياً لا أبحث عن السعر ..
وإنما ما ذكرته هو الأهم .

إلا على الطاري ، سمعت عن نادي اسمه "وقت اللياقة" على طريق التخصصي على ما أظن .. أحد سمع عنه ؟
لو يحصل تكون المشورة مبنية عن تجربة يكون أفضل
شكراً لك عبدالله .. وجميعاً في الانتظار

السلام عليكم

مركز "آبل" الرياضي يمدحه زميل لي. والتمارين في النهار أفضل أو على الأقل قبل المغرب.

__________________
متى كانت آخر مرة قمت بعمل شيء للمرة الأولى؟

أهلين أبو هارون
وش المميز في "آبل" لو تكرمت ؟
وكيف أسعاره ، والموقع ؟

إذا لديك معلومات عن هالأشياء أتمنى إفادتي ، لا هنت .

أهلا وسهلا

كل انسان له تعريفه الخاص للمكان الراقي والناس المحترمة، لذلك اقترح عليك تشترك أسبوعين وتجربه، أنا غرني تصنيف النادي اللي اشتركت فيه (ذهبي - ابطال الحسم) وتفاجأت بعد شهر من الاشتراك بوجود المراهقين سلوكيا، الله يهديهم ويصبرنا على آذاهم بس.

كذلك الخدمات اللي كنت أظنها جيدة مثل الحلاق المجاني، لكن شغله مش حالك، ونفسه في خشمه بعد!
وأيضا المسبح "الراقي" إللي يشتغل أسبوع وأسوبعين لا!!

بالنسبة لموقع مركز آبل فهو على الدائري الشرقي ما أدل هناك لكن أذكر إني شفت محل الجاسرية للتقسيط ومستشفى مغربي للعيون، أنت امش في الخدمة وبتلقاه.
فيه "مركز واحة اللياقة" في طريق الملك عبدالله، مقابل مسجد العويضة، في العمارة اللي فيها هرفي ودومينوز بيتزا. يمدحونه بعد.

كل المركزين لهم موقع على الانترنت وبإمكانك معرفة الاسعار من هناك.

لا تنسى استشارة الطبيب قبل الدخول في برنامج رياضي.

إذا عندك أي اسئلة ثانية أرجوك لا تتردد.

أخوك
أبو هارون

__________________
متى كانت آخر مرة قمت بعمل شيء للمرة الأولى؟

ما تقصر أبو هارون

بخصوص استشارة الطبيب ،
سمعت أن الأندية الكبيرة يكون عندهم أخصائي أغذية .. هذا ما يكفي عن استشارة الطبيب ؟

وأشغلناك معنا عزيزي أبو هارون

وعليك السلام أخوي جناح

قبل الإشتراك وهذي نصيحه من أخوك

حاول قدر الأمكان ان تشترك معك اخوك أو صديقك او إي شخص تعرفه

لأنك لو دخلت وحداني يمكن تسوي مثلي وتطلع

أشتركت في الذهبي 4 أشهر وماجيتهم إلا شهر بس

وبعد ما أنتهت المده أشتركت مره أخرى في الفضي 5 أشهر وكأني حللت القيمه شوي أستمريت شهرين متقطعه وطلعت من عندهم

علشان كذا حاول حاول حاول تحصل أحد يشترك معك وتسولف أنت وهو في النادي وتنبسطون

بعدين في النادي ماراح تحصل احد يتابعك

انت تتابع نفسك بنفسك , حتى لو قالوا لك فيه مدرب وفيه مدرب , صدقني المدرب إذا شافك ماراح يقولك شي إلا إذا سألته أنت

يعني انت المدرب وهو المرشد فقط

وعليك بالسباحه تراها تخليك ترتاح نفسياً وجسدياً وهي تعتبر من الرياضات المفيده للجسم لأنها وعلى حسب ماسمعت تقوم بتحريك أغلب أعضاء الجسد

انت ألحين عندك أكثر من نادي ورح لهم بنفسك وشووف النوادي

والمدرب أتوقع انه يجي النادي في الاسبوع مره وحده بس

الأفضل أن تحجز موعد مع طبيبك المتابع لك (لأن عنده سجلك الطبي)، وابشرك 99% من الشباب ما يعترفون بالفحوصات قبل الرياضة

التغذية موضوع ثاني.

__________________
متى كانت آخر مرة قمت بعمل شيء للمرة الأولى؟

شوفي نادي مركز النخبه